WAEBRANIA 4:13 - Bibilia Kui Mdedie fo Kimochi

¹³ Ma kuipfo kindo kii kiwike kiwode kundo kulawono odatsinyi lokepfo; indi shii kitaṟe shii shialie na pata mesonyi hake shose. Nyio amonyi luimhamba.

WAEBRANIA 4:13 ပူးပေါင်းရင်းမြစ်များ

1MBONYI TSA MAHERI 28:9

“Na iyo Solomoni mana oko, manya mnu Mndumii-Ruwa o ndeyo, nomṟundie ko mrima fumsalari, na mahiyo ha mwidikie; cha kipfa Mndumii-Ruwa, nekesauṟa mrima ya wandu yose, na imanya mahiyo na lango tsawo tsose, komshiha nochimbona; kyaindi kulamemshihe, nechikuda mlungana.

2MBONYI TSA MAHERI 16:9

Mndumii-Ruwa, nekeringa ko mamiingi wuyana wose, kundu nainenge pfinya walya wose wai wahendeli koke. Iyo nowuta kindo kya wutondo, ko ikyo wokia wulalu, nochikapo shida orio mkonu.”

2MBONYI TSA MAHERI 6:30

Iyo Mndumii-Ruwa noichi orio kindo kii mrimenyi fo wandu wose. Koikyo kuwuka kanyi kopfo ipfo ruwehu, keicho shiterewo shawo, wahoṟie, na iwainenga kiṟinganyi na mawuto hawo na isho shikeri mrimenyi yawo.

YOBU 26:6

Ṟungu lyi pang'a oshangunyi loko, inyamaṟika lyiwode soṟo-pfo.

YOBU 34:21

“Meso ha Ruwa hekeṟisa ohendo lo wandu, kawewona ndifo tsawo tsose.

YOBU 38:17

Ulemeloṟo shichumi sha opfu, ang'u-shichumi sha kanyi ka mema-rambatanyi?

SHIIMBO SHA DAWIDI 139:4

Kyamba kuwode idedo oliminyi loko ulalyiichi manya limupfo, Mndumii.

SHIIMBO SHA DAWIDI 44:21

Ngesa Ruwa echiambuya idedo-lyo? Kipfa nyio aichi shiṟikenyi sha mrima.

SHIIMBO SHA DAWIDI 7:9

Wuwicho wo walai na wukiilohi wutsitse, Indi uhoṟotse menyi wukiilohi. Kipfa mohesha mrima ya wandu na shitsi Nyi Ruwa menyi wusumhanyi.

SHIIMBO SHA DAWIDI 90:8

Noleṟie mawicho hadu oshangunyi lopfo, kiṟike kyadu osehu lo kyamu kyapfo.

MFANANO 15:11

Ko Waṟumu na inyamaṟika shi kitaṟe oshangunyi lo Mndumii Chi ngoseṟa mnu mrima ya wandu?

MFANANO 15:3

Meso ha Mndumii hakeri orio handu; Hechiṟisa mcha na mbicho.

MFANANO 5:21

Kipfa njia tsa mndu o wandu tsii oshangunyi lo meso ha Mndumii. Na njohendo tsake nyekekusaṟa kyatso.

KOHELETI 12:14

Kipfa Ruwa nechianduya orio iṟunda, na orio idedo lya kiṟika, liwe licha ang'u liwicho.

YEREMIA 16:17

Kipfa inyi njiwonyi mawuto hawo hose kuwode kindo kiṟike kokopfo. Madeko hawo hose hai pata koko.

YEREMIA 17:10

Inyi Mndumii njekeṟisa mrima ngawehesha pfinya, tsa mbihu ngaweinenga orio mndu, ohawi lo njia tsake na kiheo kya mawuto hake.

YEREMIA 23:24

Ngesa kuwode mndu echiidima iowa handu ha kiṟika njilechimmbona? Mndumii ahamba. Ngesa muichi ke inyi Mndumii-Ruwa njii handu hose ruwehu na wuyanenyi?

YEREMIA 29:23

Kimarete nyi walewuta mbonyi tsa sonu kiidi kya Israeli. Waleṟuhuya na waka wa wamṟasa wawo, na ihamba madedo ha wongo ko rina lyako, kindo njilawewadumie wawute wado. Inyi njiichi isho; njileṟingishia. Inyi Mndumii-Ruwa ngahamba.”

DANIELI 2:22

Nekedambuo shiṟike; kawemanya shii meemenyi, kipfa koke kuwode ngeela.

MATAYO 6:4

Kundu isho shapfo shesaṟia shiwe sha kiṟika; na Ndeo ichu echiwona kiṟikenyi nakutae amonyi.”

YOHANE 2:24

Indi o Yesu aleidikyana nawopfo, kipfa awewaichi o amonyi wose.

YOHANE 21:17

Kawuya kambia lingi lya kaṟaṟu, “Iyo Simon o Yohane, nonjikundi woe?” Petro kasokyo nyi fowa kipfa ili ambia lingi lya kaṟaṟu, “Nonjikundi?” Nao kambia, “Hoi Mndumii, nyi uichi shindo shose; kowemanya ke njikukundi.” Kambia, “Kelisa shichondi shako.

YOHANE 4:16

Nao Yesu kambia, “Henda laha mii opfo uche nao na iya.”

MAWUTO HA WASU 17:31

Nyi ili indi akuteṟye na mkonu foke msa arie icha idumbo nafo mondu fo wuyana wose kya wuhoṟotsu nafudumbuo na msoṟo ulya akumbikye-ho kechiitsya wandu wose mweke fomwidikya ili alemṟutsa wapfunyi.”

WAROMA 2:16

Kuwe mkonu fulya ilindi Ruwa echianduya kui mweke fo Yesu Kristo kya shilya sha wandu shii-shiṟike. Nyiyo ndumi njimdume nayo.

1 WAKORINTO 4:5

Nkyo kimaduma mulahende idumbuo kiheri kilandewiṟa itane Mndumii ache ichu echiendie senyi shindo shii-shiṟikishe meemenyi na itambaṟuya necha patehu chila tsikuwode ngoonyi Mandi na halya orio mndu ose kiṟumi kilya kimsumhanye nyi echiwikyo nyi Ruwa.

2 WAKORINTO 5:10

Kyamba so lose pyu nyi kiluwaṟi ihoṟotso na pata ipfo mengenyi injidose nyi Kristo kundu orio mndu ose naambye kiheo kyake chando awetana kui mbihu shiwe nyi shicha a shiwe nyi shiwicho.

OTAMBAHALUO LO YOHANE 2:23

Na iwaha njechiwawaha wana wake. Na siṟi tsose tsechikuwutya-ho imanya ke nyio inyi njii-ho njechitiichia ngoo na mahio ha wandu. Njechienenga orio onu ose chandu kisumhanye mawuto hake.

1SAMWELI 16:7

Kyaindi Mndumii-Ruwa nalemmbia, “Manya kulaambuye fana yake na wuleshe woke. Inyi ngamleha cha kipfa njekeambuya shindo cha isho wandu wekeambuyapfo. Wandu wekeambuya wucha wo kya nja, kyaindi inyi njekeambuya mrima.”