WAEBRANIA 13:21 - Bibilia Kui Mdedie fo Kimochi

²¹ Ruwa chu namsumbe pfinya ya orio kii kicha kyose muwe mowuta shilya akundi. Nao nyio ai-msanze nanyo echiwa mowuta kilya kichihianyi nao kikawa kui Yesu Kristo. Nyio nawe mowikyo mng'ano maheri hose halunganyi. Amenyi.

WAEBRANIA 13:21 ပူးပေါင်းရင်းမြစ်များ

2MBONYI TSA MAHERI 30:12

Pfinya ya Mndumii-Ruwa iwekeri iṟunda kiidi kya Wayuda, kalunga wandu walya, kawainenga mrima foindia mangi na wasongoru wake kihianyi na mawawaso ha Mndumii-Ruwa.

SHIIMBO SHA DAWIDI 138:8

Mndumii nechinjiawutsia mbonyi tsako; Hoi Mndumii, wuoloru wopfo nyi wo mlungana. Manya kulade maṟunda ha mawoko hapfo.

MATAYO 12:50

Kipfa mowuta shechihia Wande kulya ruwehu, nyi-ong'u anjikerye manowama na mshiki ang'u wama.”

MATAYO 21:31

A walya wawi ichu awekeri-ho kewuta shechihia ndee nyi uhya ngesa? Wakahamba, ‘Nyi ulya mosongoru.’ Yesu kawawia, Nyi kya lohi ngambia, ‘Wesana okamba nyi wechishika ipfo wumanginyi wo Ruwa na waka wameluki wamsongoe nyo.

MATAYO 28:20

Mbewalosha wakae na mbonyi tsilya njimbawasye tsose. Nahong'u ambuyenyi njii nanyo mafiri hose na kuwede kushike ili masiyonyi ha wuyana.”

MATAYO 6:13

Ma ulaluduo kitewionyi indi ulukiṟe shindo shiwicho!

MATAYO 7:21

“Ma chi orio mndu ose monjiwia, ‘Mndumii Mndumii echiida wumanginyi wo Ruwapfo, shile nyi ichu mowuta shichihianyi na Wande o ifo ruwehu!’

YOHANE 17:23

Washike iawutsyo mkae fokaa wamu kundu wuyana wumanye ke nyi iyo ulenjiduma; kowewakunda chandu ulenjikunda inyi.

YOHANE 7:17

Mndu akundi iṟunda shilya Ruwa akundi nyio echimanya kya mloshye yo yako kokoya nyi ipfo ko Ruwa iwukye ang'u kokoya nyi ngadeda kiwukye koko inyi njimonyi.

WAROMA 11:36

Kipfa nyio ai kimaenyi kya shindo shose, nao ai moshiwanzya mkaenyi, na koke shechikaa shiinukie shose. Wuitoṟi nyi woke wokaa mlungana. Amenyi.

WAROMA 16:27

Nyio Ruwa ai mṟango o amonyi nakae echiwikyo mng'ano kui Yesu Kristo maheri hose halunganyi. Amenyi.

2 WAKORINTO 9:8

Nao Ruwa ai na pfinya yemfeṟya shanu sha mweena kya orio kindo mkonu yose mochihelukya orio ngata njicha yose.

WAGALATIA 1:5

Nakae mowikyo kiṟumi kilunganyi maheri hose na hose. Amenyi.

WAEFESO 2:10

Kipfa so lui owiko Ruwa; lulewumbyo Kristo Yesu kundu lochiwuta mawuto mecha iho Ruwa alesonguo ihaṟeheṟa kundu luhende ikupaya naho.

WAEFESO 2:18

Kyamba nyio lumbode ai moluitsa na ko Ruwa so wa njora tsi tsiwi Wayuda na wa mkambo ingi kui Mumuyo chu umu.

NGUMBUO YA MAWAWASO 32:4

Mndumii-Ruwa nyio Iṟaṟa lya okio; maṟunda hake nyi haawukie, njia tsake tsose nyi tsa wusumhanyi. Onyi Ruwa mhendeli alawode ideko, o nekewuta mbonyi tsa wuhendeli na wusumhanyi.

WAFILIPI 1:11

Muwe mui-wasuṟie owiko lo msumhanzie fuu-mbike nyi. Yesu Kristo fowikya Ruwa wuitoṟi na kiṟumi.

WAFILIPI 2:11

Na orio olimi luonguo ke Yesu Kristo nyio ai Mndumii kyewikya Ruwa Wande kiṟumi.

WAFILIPI 2:13

Kyamba nyio Ruwa aitana kimu nanyo iteseheṟa na iṟunda shilya shichihianyi.

WAFILIPI 4:13

Ngakuidimya njido shose njii na ichu monjikapya owanzo.

WAFILIPI 4:18

Na ngambona shose shamba sha mfeṟa. Nyi njilemsuṟyo njido iliindi ngamwambya osano lonu lomendo nyi Epafrodito. Lo opuo lopfama mnu necha, nyilo odambiko lukundikye luchihiana na Ruwa.

WAKOLOSE 3:17

Na orio kindo muiwuta kui ideda ma kui iṟunda mukiwute mochisenda-ho rina lya Yesu Mndumii mowikya Ruwa Wande mwaano na mweke foke.

WAKOLOSE 3:20

Nyo wana idikyenyi wafee wanu kya shindo shose, kipfa iki kichihianyi na Mndumii.

WAKOLOSE 4:12

Odoyanu Epafra amwiṟikiṟa ai o konu, na isinga lya Kristo Yesu echimkapanya nyo kiheri kyose ipfo shiterewonyi shake kundu muhoṟoke-ho mutimie mui wawanzie orio kindo Ruwa akundi kyose.

1WATESALONYIKYE 3:13

Kundu ngoo tsanu tsihende ikanzo tsikae nlalutsu tsii na wuele sumhana na Ruwa Wande odu, matika Mndumii odu Yesu echiwoneka handu hamu na waele wake wose.

1WATESALONYIKYE 4:3

Kipfa kilya Ruwa akundi nyi wuilishi wonu, mudiche wuṟuhui.

1WATESALONYIKYE 5:23

Nao Ruwa menyi ofoṟo amonyi namuilishe wuilishi wuchie wose. Na mumuyo fonu fuawukie na mrima na mbihu ilawade pari ikae mbedienyi yewedya iwuya lya Mndumii odu Yesu Kristo.

2WATESALONYIKYE 2:17

Nyio nakarishe ngoo tsanu nawembanza orio kiṟundionyi na idedonyi lyicha lyose.

1TIMOTEO 1:17

Indi mangi ii ya maheri halunganyi ichu alasia alawono, o Ruwa amonyi nakae echiindyo na iichiko maheri hose na hose halunganyi. Amenyi.

1TIMOTEO 5:10

Nawe mṟingishie kui mawuto mecha ili ametoṟishya wana ili ameekya necha wahenu ili amesanja waele walya madende ili ameikanya wafoye ili amewinya orio ṟunda icha lyose.

1TIMOTEO 6:16

Nao amonyi akaa elechipfa aitsinda ipfo senyi ilechiwa ida. Kwipfo mndu o wandu alembonapfo ma kwipfo echiidima imbonapfo. Kiṟumi kicha na wuitoṟi wo mlungana shii shake. Amenyi.

2TIMOTEO 3:17

Kundu mndu o Ruwa nawe mtsane aa mteseheṟye kya iwuta orio wuto icha lyose.

2TIMOTEO 4:18

Mndumii nechinletsa echinjiwuta mawuto mawicho hose, nenjikiṟa enjiduo kipuo Wumanginyi woke wo ipfo ruwehu. Nyio ai mokaa echiichiko maheri hose halunganyi. Amenyi.

WAEBRANIA 10:36

Nyi muwuṟie ikaa na mrima msanze kundu muhende iduo kilya kii kiteṟye mukamaa iwuta kilya Ruwa akundi.

WAEBRANIA 12:23

Na renge na siṟi ya wawee waiwaṟehie ipfo ruwehu na Ruwa moanduya wandu wose na mumuyo ya wasumhanyi walya wai-waawutsie.

WAEBRANIA 12:28

Nakyo kienenge so ili luiambya wumangi wulechiteshuka luwike-pfo mwaano lochipfuṟukanya nafo Ruwa kyemchihiṟa luwodo nyi wuindi na wuowu.

WAEBRANIA 13:16

Indi mulahadime ilekia na ihawya wengi, kyamba njodambiko tsa mbaṟi ii tsichihiṟye Ruwa.

1PETRO 2:5

Na wudo nanyo mui maho hai na moo muhende iwiko mba ikeri Mumuyo ya wukohanyi wuele wodambikya-ho shidaso sha kimumuyo shichihiṟie Ruwa kui Yesu Kristo.

1PETRO 4:2

Nkyo kimwenenge mulakikapye-se moo kui wuitiki wo lango tsa ki-wandu, kya indi muwe mofukapya kui wuitiki wo kilya Ruwa akundi matika-ha hamtsuhae.

2PETRO 3:18

Kya indi muhende ikung'anya ipfo kiidi kya wutonga na wulaanyi womanya Mndumii odu Mkiṟi Yesu Kristo. Wuitoṟi wui woke mandi ha wulalu shika mfiri fo mlungana. Amenyi.

1YOHANE 2:17

Indi wuyana-wu wochisia na lango tsawo daa. Indi ichu awa mowuta iki Ruwa akundi o echikaa mlungana.

1YOHANE 3:22

Na kokoya luimterewa kindo lochikiambya ipfo koke, kipfa luihendelya mawawaso hake na iwuta shilya shichihianyi nao.

YUDA 1:25

Nyio Ruwa amonyi molukiṟa so kui Yesu Kristo. Mndumii odu. Wuitoṟi nyi woke na wunene na pfinya na wukolonyi na wudedi wuweipfo maheri halawendewiko wuipfo, na ha wulalu wochikaa wudo maheri hose halunganyi. Amenyi.

OTAMBAHALUO LO YOHANE 4:6

Na oshangunyi lo loṟika lulya kuwei cha ili nduwa iweipfo njiharami iwaa sa cha iho lii ili pang'a. Na ipfo makiidi hawi ha kundo loṟika lulya luwei na halya haluṟingichie kuwewode maṟimu haana hawedung'anye meso ipfo mbele na ipfo mhongo.

OTAMBAHALUO LO YOHANE 5:13

Ngaicho shiwumbe shose shikeri ipfo ruwehu na iya wuyana na shi ya wanda ii na iya shilya shii ipfo ipalyipalyinyi na shose shikeri wuyanenyi yechihamba, Ichu adamye loṟike-hu lo wuitoṟi hamu na kidahina ki nahende ichiko na iwikyo wuindi na wuitoṟi nawe moikolonya maheri hose na hose halunganyi.

OTAMBAHALUO LO YOHANE 5:9

Nawo wakaimba kiimbo kiihya kehamba, “Iyo usumhanyi yambya kitapu ki na ifunja mhuri yakyo kipfa nyi kuleshinjo kowetalaya Ruwa wandu kui samu yapfo wapaṟikye orio mpaṟikie na mdedye na mbaṟi na mkambo.