WAEBRANIA 13:17 - Bibilia Kui Mdedie fo Kimochi

¹⁷ Muhendelye wasongoru wanu na iwahoya, kyamba wo walaa chowe wechiwinya mrima yanu wai wandu warie ihenda weso kyayo, kundu wahendehaluo-ho wawodo n sia walawone wechisumukya. Kikamba kido kiwemfurunjikia.

WAEBRANIA 13:17 ပူးပေါင်းရင်းမြစ်များ

MAWOOKIONYI 16:9

Malaika o Mndumii-Ruwa kambia, “Wuya na ko mayo, nombadie wuindi.”

IWUKA 32:31

Mose kawuya na ko Mndumii-Ruwa, kahamba, “Apaa! Wanduwa wawuta wunyamaṟi wung'anyi mnu, koisungusia ruwa lyawo lya sahabu.

MFANANO 5:13

Ma njileadanyia ṟu lya walosha wako pfo, njiledeha kudu ko walya walenjilosha pfo!

YESAYA 62:6

Njiwikie waringi huya njomombo tsapfo iyo Yerusalemu; wechitsia mfiri ma kiopfo; nyo mui wetamṟa Mndumii mulatsie sau;

YEREMIA 13:17

Indi kakoya mulakundi iicho, mumuyo foko fochifihiṟa ko kiṟika, kipfa kya orikiki lonu, riso lyako, lyechifihiṟa na itonyitsa mchenyeṟe ifoi, kipfa mamiingi fo Mndumii fodao fui mpfunge.”

EZEKIELI 33:2

“Iyo mndu! Deda na wana wa mayo nowawie kudi, kokoya ngaende shida orukenyi luliwe, na wandu wa oruka lo wakasambuṟa umu owo nawe mringi owo,

LUKA 16:2

Kamlaha kambia, ‘Nyi kiki iki ngaicho kyapfo; kenjiloṟa itala lya shindo sha wuiṟichi wopfo, kipfa nyi njiwonyii ochiidima-se injihidiapfo.’

MAWUTO HA WASU 20:28

Kekuṟisenying'u nyo muwenyi, mbelisa na ipoo lyose ilyo Mumuyo Mwele ambikye kiidi kyalyo wakaṟa kundu mochilisa wuarya siṟi ii ya Ruwa alekuwonya kui samu ya Mana oke amonyi.

WAROMA 14:12

Kikawa kido orio mndu odu nyi echikaa nahoṟoke kii kyake o amonyi ipfo oshangunyi lo Ruwa.

1 WAKORINTO 16:16

Kyasia idikyanenyi na wandu cha iwa na orio mndu moṟunda kimu nawo na ikuwinyisha.

WAEFESO 5:21

Muwe mochikunyiṟyana ipfo makambenyi hanu muwodo nyi wuowu woowuo Kristo.

WAFILIPI 1:4

Na orio mwaanya ngaterewa njekemterewya nyo mose njewa mohamba na sia ipfo kiterewonyi.

WAFILIPI 2:12

Nkyo kimwenenge nyo, mui wakunde wako, chando muwei waidiki mfiri yose chi mandi halya njiwei konu tupupfo kya indi wulalu kya ngoseṟa njii aleshe nanyo ke pfuṟukanyenyi wo okiio lonu kui wuowu na idedema.

WAFILIPI 2:16

Ili muidunganyitsa dedo lilya liende moo njiwone-ho iwikyo kiṟumi kyenjiwiia mkonu fulya fo Kristo kehamba ke njilawekuwiwitya njia kya mai ma njilawekuṟohya kya wulya.

WAFILIPI 2:29

Kyasia muambyane nao necha kui Mndumii muwodo nyi sia yose. Na wandu wai wado chao muwahonerye mnu.

WAFILIPI 3:18

Cha kipfa kwipfo wafoi wekechumia mbaṟi njilembia kyayo kafoi ngawuya iwahamba-se na wulalu njefuha, ke nyi wai wakituwa wa msalaba fo Kristo.

WAFILIPI 4:1

Nanyo wanawawama wako njimkundi, ngawewado nanyo nyi meṟeṟuko nyo mui msiha foko na otariche loko, kaenyi muhoroki chimu kui Mndumii, wakunde wako.

2WATESALONYIKYE 3:14

Indi kokoya kwipfo mndu alaicho idedo lyadu lya paruo ii, mumbikie kichano, mulakulonge nao kundu nawado nyi sonu.

1TIMOTEO 5:17

Wameku iwa wakaya siṟi necha wo wahendewikyo kiṟumi kawi, mnu iwa waiṟunda wechilosha na ipfunda.

WAEBRANIA 13:24

Munjiiṟikiṟye wasongoru wanu wose na waele wose. Walya wai ipfo Italia wamudikye shiṟikiṟo shawo.

WAEBRANIA 13:7

Kaenyi mochikumbuo wasongoru wanu iwo walembia idedo lya Ruwa. Muwe mochikapya mainukyo ha ohendo lowo meso mukuwaakishye wuidiki iwu.

YAKOBO 4:7

Nkyo kimitike muhoye Ruwa. Lemanenyi na Satana nao echimdicha.

1PETRO 5:5

Na wudo nyo mui wakoho kyekuhooyenyi wameku. Indi nyo mose mupfungane nguwo muwenyi na wenyi nyi yo mkunyiiṟye yanu. Kipfa Ruwa awikye walya wekyekung'nyisha tunja indi walya wekyekunyiiṟa wo nyi awawonye wutonga.

1SAMWELI 8:19

Ma kudo, wandu waleleha iadanyia Samweli wakahamba, “O manyale! So lochiwada mangi moluchilia,