WAEBRANIA 12:28 - Bibilia Kui Mdedie fo Kimochi

²⁸ Nakyo kienenge so ili luiambya wumangi wulechiteshuka luwike-pfo mwaano lochipfuṟukanya nafo Ruwa kyemchihiṟa luwodo nyi wuindi na wuowu.

WAEBRANIA 12:28 ပူးပေါင်းရင်းမြစ်များ

SHIIMBO SHA DAWIDI 19:14

Madedo ha dumbu lyako, Na makusaṟo ha mrima foko Hawone isaṟia oshangunyi lopfo Hoi Mndumii, Iho lya iṟaṟa lyako na mkiṟa oko.

SHIIMBO SHA DAWIDI 2:11

Ṟundienyi Mndumii-Ruwa kui wuhoṟotsu Kyesenyi na idedema.

SHIIMBO SHA DAWIDI 89:7

Ruwa naoweshie mnu mengenyi ya waele, naoweshye kota wose wamtengetie.

MFANANO 28:24

Moiwa masaa ha ndee ang'u mae na ihamba chi deko-pfo; Mana-cho nyi mbuya ya wanyamaṟi.

YESAYA 56:7

manya iwo njechiwaembeṟa kiidi kya ifumvu lyako liele, na iwachihiṟa kiidi kya mba yako ya wuhendeli wo shiterewo. Shidaso na shiano shemaya modonyi shechiidikio ipfo kitaṟenyi kedasia; kyamba mba yako yelaho nyi mba yeterewia masanga hose.

YESAYA 9:7

Kiheri kya wuitoṟi woke na ofoṟo, shechimanda manya le-pfo. Kiidi kya loṟika lo wuitoṟi wo Dawidi na wumangi woke. Iwuikara na iwuhoṟotsa Kui mwanduye na kui wulohi, Wokia wulalu itane mlungana. Wunyenyi wo Mndumii menyi Matorito wochiwuta wudo.

DANIELI 2:44

Maheri ho ha wamangi wo wose hakamsia Ruwa o ruwehu nechihoṟotsa wumangi wungi wulechimanda mlungana wochiwa isembelia pfo, na kuwode wandu wechiwudeeyo-pfo, kipfa wochifunja-funja mangi tsingi tsose nawo wuitoṟie mlungana.

DANIELI 7:14

Nao kainengo wuitoṟi na kiṟumi na wumangi, kundu wandu wa mbaṟi tsose, na mkambo yose, na shishomo shose wamṟundie, wuitoṟi woke nyi wuitoṟi wo mlungana; wulechikaa wuide, na wumangi woke nyi wumangi wulechiwa irumatso.”

DANIELI 7:27

Na wumangi na wuitoṟi na wunene wo wumangi iya wuyana wechiinengo wandu waele wa ichu o huye, wumangi woke nyi wumangi wo mlungana na wose wengi waitoṟi wechimṟundia na imiindia.’

WALEWI 10:3

Nahong'u Mose kawia Aroni, “Kindoki nyi kilya Mndumii adedie, kehamba, ‘Inyi njechiheṟemtso kiidi kya iwo waitikiria koko, na Inyi njechiichiko oshangunyi lo wanduwo wose.’” Aroni katsia sau.

MATAYO 25:34

Nalyo mangi echiwia walya wakeri ora loke lo kulyo, ‘Kenjonyi mui wawikei ona nyi Wande oko. Kehenda kaenyi kyoṟenyi kya wumangi kyanu muwasuṟumiye kuwokia masanga hambiko.

LUKA 1:33

Nao nyi echikaa ai mangi ya oshari lo Yakobo mlungana, ma wumangi woke woikaa wudumbukepfo!”

WAROMA 11:20

Na kicha; ho halemepahwo nyi kipfa halaweidikye, indi iyo uhoṟoki-ho kui pfinya ya mwidikye. Ma ulakung'anyishe, indi owuo.

WAEFESO 1:6

Kundu wutonga wo wusuṟi, woke iwo alelusumba kui mkunde oke wuhende iwikyo kiṟumi.

WAEFESO 5:10

Mochitambahanya kilya kichihianyi na Mndumii.

WAFILIPI 4:18

Na ngambona shose shamba sha mfeṟa. Nyi njilemsuṟyo njido iliindi ngamwambya osano lonu lomendo nyi Epafrodito. Lo opuo lopfama mnu necha, nyilo odambiko lukundikye luchihiana na Ruwa.

WAEBRANIA 10:19

Kyasia wanawawama, lui na wutumbe kui samu ya Yesu wo kihendesha na ipfo kundo kwenyi wuele.

WAEBRANIA 13:15

Lutsinde lochidambikya Ruwa odambiko lo mwano fochiwa lui nao fui momu-hu yechiichika rina lyake.

WAEBRANIA 13:21

Ruwa chu namsumbe pfinya ya orio kii kicha kyose muwe mowuta shilya akundi. Nao nyio ai-msanze nanyo echiwa mowuta kilya kichihianyi nao kikawa kui Yesu Kristo. Nyio nawe mowikyo mng'ano maheri hose halunganyi. Amenyi.

WAEBRANIA 3:6

Indi Kristo nyi Mana sumuhana na mba ii yake. Mba ii yake nyiso, kokoya lokaa luṟamkie luikuwada tsee na iṟumisha owedo lulya itane lochiawutsio.

WAEBRANIA 4:16

Ikyo kiluenenge luitikirie kidembo kilya kya wutonga lui na wutumbe, kundu luambye-ho osaṟio luweshika ikoya-pfo wutonga woluendie ngaya yetambachuo liwe lya heri.

WAEBRANIA 5:7

Nao mafiri halya awei nyiamenyi tsake nyi aledasya ichu aleidima imletsa opfu shiterewo na sheeṟeṟo na shifuhio echimlilia malilio ha pfinya na imtonyitsya mchenyeṟe kashika iidikyo na iletso wuowu wuwembode.

1PETRO 1:17

Nanyo ili muisenda Ruwa nyio Wande ichu ai modumbuya orio mndu ose mdumbuye isumhanye mawuto hake alechiambuya oshangu; Chumienyi ohendo lonu kiheri ki kitsuha mui wahenu mochiindia Ruwa.

1PETRO 2:20

Kyamba kiṟumi kyanu kyawa kya ikiwo kokoya mokukarishya mochikapo nzina kipfa momnyamaṟa? Indi kokoya mokukarishya mandi moterengyo kipfa kya iwuta wusumuhanyi, ikyo kichihianyi na Ruwa, Ruwa nechimusaṟia kipfa kya ikyo.

1PETRO 2:5

Na wudo nanyo mui maho hai na moo muhende iwiko mba ikeri Mumuyo ya wukohanyi wuele wodambikya-ho shidaso sha kimumuyo shichihiṟie Ruwa kui Yesu Kristo.

OTAMBAHALUO LO YOHANE 1:6

Kalutana so wumangi wo wukohanyi luṟundie Ruwa Ndee. Wutoṟi nyi wo Yesu Kristo na wukolonyi wo mlungana. Amenyi.

OTAMBAHALUO LO YOHANE 15:4

Nyi o ku, hoi Mndumii, alechiowuo alawechiindya rina lyapfo iyo ngesa? Kipfa iyo kumonyi ui Mwele. Kipfa mkambo ya wandu yose yechicha yechikukumba wanda oshangunyi lopfo na ikuhonerya kyamba mawuto hapfo hamanyikie ko wose ipfo ruwehu nyilyo hema liwode kiṟingishyo kilya kehamba Ruwa.”

OTAMBAHALUO LO YOHANE 5:10

Kowewatana wawe wumangi na wukohanyi. Wechiṟundia Ruwa odu. Nawo wechiikolonya wanda ii.”