WAEBRANIA 12:2 - Bibilia Kui Mdedie fo Kimochi

² Lochifunya Yesu meso ichu ai mboki na moawutsi o wuidiki wu. O handu ha sia iwei mbiike oshangunyi loke kahenda ikuwada na msalaba nalaṟise wusutsu kashika ikudamiṟa ora lo kulyo lo loṟikehu lo wusuṟi wo Ruwa.

WAEBRANIA 12:2 ပူးပေါင်းရင်းမြစ်များ

SHIIMBO SHA DAWIDI 110:1

Idedo lya Mndumii ko mndumii oko: “Nodamie owoko loko lo kulyo, tane ngawika wakituwa wapfo, ikaa shi ya madende hapfo.”

SHIIMBO SHA DAWIDI 138:8

Mndumii nechinjiawutsia mbonyi tsako; Hoi Mndumii, wuoloru wopfo nyi wo mlungana. Manya kulade maṟunda ha mawoko hapfo.

YESAYA 31:1

Ochia lo walya waisoka wechihenda Misri wawone ngaya, wechikusiria frasi; wechikusiria magari kipfa nyi hafoi, na wehenda na frasi kipfa nyi wai ngohoda; kyaindi wakeri iambuya ichu ai Mwele o Israeli-pfo, ma wakeri ishiha Mndumii pfo!

YESAYA 45:22

Njiambuyenyi inyi mukiṟo, nyo njora tsose tsa wuyana; kipfa inyi nyi Ruwa kulawode ungi.

YESAYA 53:3

Nataluke kaweleho nyi wandu; Mndu aichuo fowa, aichi ikuinadia; Kawewa motewa wandu waṟike shamu shawo. Naletaluka nalawono ma cha kindo.

YESAYA 8:17

Na inyi njechiwedia Mndumii, moṟika kyaamu kyake ko wandu wa mba ya Yakobo na inyi njechimwambuya.

MIKA 7:7

Kyaindi inyi njikusiria Mndumii-Ruwa, njiwedia Ruwa ai monjikiṟa; Ruwa oko nechinjiadanyia.

ZEKARIA 12:10

Inyi Mndumii, njechipusuya Mumuyo foko wandu wa mba ya Dawidi na wekaa Yerusalemu wose mumuyo fo osaṟio na iterewa; nawo wechiambuya ulya walemtocha, wo wechihoyo nyi wukiwa na ilia cha ilyi mndu aililia mana oke kimumu nawo wechiicho mawawio kipfa kyake cha mawawio ha mana mmbee ilyi ahoyo nyi wukiwa wuliwe.

MAITALA 21:9

Kyasia, Mose kasungusia njoka ya aṟeṟa, kaimasa ngohu. Orio mndu aleimado nyi njoka ili aleambuya njoka iya ya aṟeṟa, nalechia.

MATAYO 16:21

Nalyo kiwokia-lyo Yesu kawoka iloṟa wa kiloshionyi kyake ke na nahende kulya Yerusalemu na ihenda iliso wukiwa wunyanyi nyi wasongoru wa wandu na Wakohanyi wanene na walosha wa mawawaso na imbaha wawembaha na ili mfiri fo kaṟaṟu naṟuke.

MATAYO 20:28

Na chando Mana o mndu alalecha kunu kepfuṟukanyo, nyi kundu o napfuṟukane-ho naweinengya-ho na moo foke fuwe ndalai yetalaa wafoi.”

MARIKO 14:36

Kahamba, “Wande oko, ipfo kopfo shindo shose shechiidimika. Njiwutawo kirahu ki kya maturo Indi kilawe chando njikundi inyi kiwe chando iyo ukundi.”

MARIKO 15:28

Kukaawutsyo-ho kilya Maṟehyo Maele hahambie “Aii msanzie kambenyi lyimu na wanyamaṟi.”]

MARIKO 16:19

Na Mndumii Yesu amededa ado nawo, kairio huye ruwehu, kahenda idamya ora lo kulyo lo Ruwa.

MARIKO 9:12

Nao kawahaluo, “Ee-da, Elia na echisonguo icha, naachikie shindo shose. Na kya Manomndu nyi wuda ki kiṟehye kyake ipfo Shitapunyi Shiele ke Mana o Mndu nechiliso wukiwa wufoi na iilo?

MARIKO 9:24

Adi ndee o mana ulya kafihiṟa naṟu lying'anyi kahamba, “Ngaidikia! Kenjitarama iidika lyako lilitutu.”

LUKA 17:5

Wasu walya wakambia, “Mndumii, luengeṟie pfinya yeidikia Ruwa.”

LUKA 23:11

Herode na wasoṟo wake wakamuisalucha na imwinyila, wakamṟika nguwo ikengemae, kambihiṟia Pilato.

LUKA 24:26

Alae Kristo chi kiwemsumhanyie iliso wukiwa kundu naidime ikuidia wusuṟinyi woke?”

YOHANE 1:29

Na ili lya ngama Yohane kawona Yesu kyechimchea kahamba, “Aiki kichondi kya Ruwa kyechiwuta-ho wunyamaṟi wo wuyana.

YOHANE 12:24

Nyi lohi kya lohi ngamuwia, ndunda iya ya ngano kokoya yada ilaoloka teri-hu ikapfia-ho yo yadeo ikakaa ido. Indi kokoya yampfia-ho yo yechido iwike ndunda tsifoi.

YOHANE 12:32

Na inyi ngammaa iiryo huye njilekana na wanda ii lyo njechiwahomwo orio umu na koko.” (

YOHANE 13:3

Nao Yesu aweichi ke nyi Wande amaa imdambikya shindo shose mawokonyi hake, na ipfo ko Ruwa nyipfondo acheye, na ipfo ko Ruwa mfondo aiwuya napfo.

YOHANE 6:40

Kyamba kindo Wande oko akundi nyi iki ke orio mndu awona Mana na imwidikya nawade moo fo mlungana. Na inyi njechiwaṟutsa Mfiri fo furumia.”

YOHANE 8:56

Abrahamu mku chu onu nyi alekesa kya iwona mkonu fu foko nao kafuwona kachihio.”

MAWUTO HA WASU 2:36

“Kyasia mba ya Israeli yose iketawuka imanya kya lohi, ke Ruwa nyi alemtana Mndumii na Kristo, Yesu cho mlembambya msalabenyi.”

MAWUTO HA WASU 3:15

Kyasia nyo mlewaaha mangi iya ya moo na Ruwa nyi alemṟutsa opfunyi, naso nyi waringishi wa mbonyi tso.

MAWUTO HA WASU 5:31

Nao nyio ichu Ruwa alemira na owoko loke lo kulyo kamtana mwitoṟi mokiṟa wandu nainenge Waisraeli mdumbuye na mhoṟye fo njonyamaṟo.

MAWUTO HA WASU 5:41

Nawo wakakure ipfo oshangunyi lo chila iya wai waṟamtsu cha kipfa kya isutso kipfa kya rina lya Yesu.

1 WAKORINTO 1:18

Kyamba ndumi ya msalaba ikerye iwo wehenda deka wutambashi, kya indi kyadu so wehenda kiṟo ikulukerye finya ya Ruwa.

1 WAKORINTO 1:23

Kya indi so luionguo Kristo ambambie msalabe-hu. Lyo lyaenenga Wayuda wekapa tuulya likawia wa mkambo mhenu wutondo.

WAEFESO 2:16

Kundu wa njora tsi tsiwi nawawike mbika imu ii ya Kristo amonyi ya mndu mhya nawewaoloṟya wa njora tsi tsiwi Ruwa ipfo mbihu-hu fumu kui msalaba echiwaha na mweke fofo kituwa kilya.

WAEFESO 5:2

Muchumie mhendo fuu mchilie nyi ikunda, chando nao Kristo awelukundi kahenda ikudambikya Ruwa hando helukaya-pfo so kambiia odambiko na kidaso sha opfamo sa lolo da.

WAFILIPI 1:6

Nakyo nyikyo kinengye ikusirya ke ichu aweasye imbika nyo mbika iya njicha nyi echiimarisa ishikemarisika mkonu fulya fo Kristo Yesu.

WAFILIPI 3:20

Indi kiluwikye so kanyi kulya ruwehu kikeri. Nyi hondo luiwedya Mndumii Yesu Kristo nachee-pfo ai mletsi.

2TIMOTEO 4:8

Kitsuhae nyi iṟiko oṟo ya wuchopi wo wuwinzi wuhoṟotsu wo moo njimsuṟumye. Nyiyo Mndumii mletsi mhoṟotsu echinjiimaya nayo mkonu fulya. Indi echinjiimanya nayo inyi njimonyi tupupfo, indi na walya wose wawodo nyi macha ha ikuloṟa lyake.

WAEBRANIA 1:13

Nyi alembie o ku o wasu walya waele ke, “Kudamiṟye owokonyi loko lo kulyo itane ngalaṟa wakituwa wapfo shi ya madende hapfo?”

WAEBRANIA 1:3

Nyio ngela ya wuitoṟi woke na otambahalukio lo orie loke akamadie shose kui dedo lya pfinya yake; ili alemaa iwikaho kidaso kyeoloṟa mondu fo manyamaṟo kakudamiṟa owokonyi lo kulyo lo mng'ano ipfo huye.

WAEBRANIA 10:14

Kyamba iwa weilisha nyi alewashitsa kikunyi kui odambiko lumu mfi lochikaa mlungana.

WAEBRANIA 10:33

Ili limu muwei walahe patehu mochipiṟo na ituro, ili lingi muwedaṟanyi na walya waweiwutyo wado.

WAEBRANIA 11:36

Indi wengi wakawonyo italwo na ikapo na shiteecho wesanzyo ihenda ipfungo na ikumbo kipfungyonyi.

WAEBRANIA 12:3

Keringenyi-ng'u wo ichu alekukarishia wulemi wulya wo wanyamaṟi walya wolemana nao amonyi, kundu mulahende ilemo, mrima yanu ilalolome.

WAEBRANIA 13:13

Hondo lukuwutie tewe so luwuke otiṟiwenyi lulya lusangane nao nja iya lochikudika na wusutsu wulya awei-mwendie o.

WAEBRANIA 5:9

Ili alemaa yawutsio adi, lyo likamtana moendie iwa wamwidikye okiio lo mlungana wose.

WAEBRANIA 7:19

Kukaitso-ho owedo lu ucha kota, lyo lyaluduo oshangunyi lo Ruwa.

WAEBRANIA 8:1

Indi kilya kikeri mdo-hu kiidye ishi lomaa ihamba shose kikeri kidi; ke luwode mkohanyi ai mnene adi akudamiṟye ora lo kulyo lo kidembo kya wuitoṟi wo Ipfo maruwehu.

WAEBRANIA 9:28

Na wudo na Kristo nyi aledambiko-ho limu lyewuta-ho manyamaṟo ha wandu wafoi; Ili lingi echikuloṟa na walya waimbedya kya okiio alawinye wunyamaṟi.

YAKOBO 2:1

Wanawawama wako, na mulasanze wuidiki woidikya Mndumii odu Yesu Kristo menyi wuitoṟi na ikundya wandu.

1PETRO 1:11

Nyi waweihana-hana ke kiheri nyi iki na lya iindi Mumuyo ichu o Kristo awei nawo alimanyishye-ho ilindi awesonguo iṟingishya mawawyo halya hehoya Kristo na mawusuṟi kiṟumi kilya kechiitumana naho.

1PETRO 3:18

Kipfa nao Kristo alepfa limu kipfa kya manyamaṟo hadu. Ichu asumhanyi alekaya walasumhanyi kundu naluduo ko Ruwa alewoho kui nyama indi kawewanzio moo kui mumuyo.

1PETRO 3:22

Nyio akukerye ipfo owokonyi lo kulyo lo Ruwa ili amaa idoya ruwehu ipfondo amshika ilaṟyo wasu wa ruwehu na waitoṟi na waapfinya.

YUDA 1:21

Ke-kuringenyi muwenyi mukae mochikunda Ruwa muwe mochiwedya osaṟio lo Mndumii odu Yesu Kristo loshitsya hando hawode moo fulechisia.

OTAMBAHALUO LO YOHANE 1:11

Likahamba; Ishi oshiwona shose ṟehia kitapunyi ukidikye siṟi tsilya mfungade tsii ipfo Efeso, Simirina, Pergamo, Tiatira, Sarde, Filadelfia na Laodikia.

OTAMBAHALUO LO YOHANE 1:17

Na ili njilembona ngamwolokya ipfo madendenyi hake cha ili njiwei mpfu. Nao kanjihekia owoko lo kulyo kahamba, Kulaowuo. Inyi njii Mboki na Mwawutsi.

OTAMBAHALUO LO YOHANE 1:8

Inyi njii Alifa na Omega, mboki na mwawutsi, nyi wudi Mndumii-Ruwa ahambye. Nyio aiipfo, mokaa awekaa-pfo echikaa-pfo ai echicha, moikolonya shose.

OTAMBAHALUO LO YOHANE 2:8

“Na msu ulya o siṟi ya Simirina ochimṟehya;” Aii ndumi iwukie ko ichu ai Mboki na Mwawutsi nalepfa kawewuya iwada moo.