WAEBRANIA 12:15 - Bibilia Kui Mdedie fo Kimochi

¹⁵ Muwe mochiambuya mnu, kundu kulawoneke-ho echiwuka wutongehu wo Ruwa, manya kulaalukye-ho mri fuipusa fochirohya fuweshika ifanyitsa wafoi.

WAEBRANIA 12:15 ပူးပေါင်းရင်းမြစ်များ

1WAMANGI 14:16

Nao nechilekana na Israeli kipfa kya madeko ha Yeroboamu, aledetsa naho Israeli.

IWUKA 32:21

Mose kawia Aroni, “Nkiki wanduwa walekuwutia tane oende wunyamaṟi wung'anyi wudi huyawo?”

MFANANO 4:23

Ringa mrima fopfo kota shose okeringa, kipfa mpfo kuṟukie soka tsa moo.

YESAYA 5:4

Ngesa, nyi iṟunda liki liwewaṟi litanyio dema li lilalewuto? Kyasia ili mbekusaṟie liwechiṟaa msabibu njicha likawika nduo nyiki?

YESAYA 5:7

Kipfa mdemi fo msabibu, fo Mndumii menyi Matorito nyi mba ya Israeli na wandu wa Yuda, ni njana yake sa ncha, kalanga iwona mwanduye fo lohi, ate nalewona iwonyia; kalanga iwona lohi, ate kaicho kilio.

YEREMIA 2:21

Inyi nyi njiwekudongie, msabibu mcha, mbeu njicha njisambuṟe; nulehaluka kuda kowa msabibu fo ngeṟenyi mesonyi hako?

LUKA 22:32

Kyaindi inyi ngamekuterewia, kundu iidikia lyapfo lilamande; na iyo komewanga, wanza wanawamayo.”

1 WAKORINTO 10:12

Nkyo kimaduma msa mohamba ke nyi ahoṟoki nakuṟise nalawone echiho.

1 WAKORINTO 13:8

Ikunda lyechisia manyalelyo; shisuku nasho shechihenda idumbuka, na ideda na shiṟuma nalyo lyeshika imanda, na wulaanyi wolanya shindo wo wochidumbuka.

1 WAKORINTO 15:33

Ma mulalembike; sumu njiwicho tsekenyamaṟa sonu njicha.

1 WAKORINTO 5:6

Ili mukutumbashye mudi chi kichapfo. Mulaichi ke kitarang'asha sa kitutu kidutsye mbumba fo mso fose mtarang'ao?

2 WAKORINTO 13:5

Kuheshenyi nyo muwenyi kokoya mukeri wuidiki-hu, muhendekekutichya muwenyi. Ang'u mulakuichyo muwenyi ke Yesu Kristo akukerye konu? Kilamewa ke mui-wallakia.

2 WAKORINTO 6:1

Indi ili lukeri wa kyando-ki nyi lomututuma, ma mulawone mochiambya wutonga wo Ruwa kya wulya.

WAGALATIA 2:13

Na Wayuda walya wengi wakawekulembetseṟa kikatewa na Barnaba kaṟungo nyi ikulembetseṟa lyawo.

WAGALATIA 5:4

Nyo ili muiho mokunda isumhantso nyi mawiko halya nyi momaa ikuwuta mbihu-hu fo Kristo mukaweseṟukia wutonga.

WAEFESO 5:3

Indi wuṟuhui na wulala wose na wuehi manya wulasendo ipfo konu chando kiwari wana Ruwa.

NGUMBUO YA MAWAWASO 29:18

Kuṟisenyi necha kulakae mndumsoṟo, ang'u mndumka, manomayo ang'u kishari kyose kihoṟoki iya inu kechilekana na Mndumii-Ruwa, Ruwa odu, nahende iṟundia maruwa ha wongo ha mkambo ingi. Kindoki kechiwa cha mri fochikaa fualuke na ikumbia ndunda njiwawo tsiwode wuṟoi.

NGUMBUO YA MAWAWASO 32:32

Wakituwa wawo, wanyamaṟikie cha Sodoma na Gomora wai cha msabibu yekekumbia ndunda tsetarang'aa tsiwode wuṟoi. Mahanja hawo hekesakia.

NGUMBUO YA MAWAWASO 4:9

“Kyaindi muambuye necha na ikuṟisa mnu mulashike ihadima shindo shilya muleshiwona na meso hanu muwenyi. Kulashike ihoya manya limu kiidi kya moo yanu mbonyitso tsihadimo mrimenyi yanu. Ongoyenyi wana na wachuku wanu,

WAKOLOSE 3:5

Kyo kimwitike muhende iwaha mamlungia halya hanu hai ha wuyana: wuṟuhui, wungafu; wukuwu; wulanga wuwicho, sanza-ho na wuehi ili wukeri wuindi woindya maruwa ha wongo.

TITO 1:15

Shose shiharamie iwo waharami, indi kya walya wafanyi walaidikye kwipfo kiwaharamie ma kimupfo, kya indi wai wafanyitse na mhie ya mdo na ngo tsa mrima.

WAEBRANIA 3:12

Kuṟisenyi wanawawama, kulawone mndu ai kiidi kyanu menyi ngoo njiporu ilaidikye, nayo yechilekana na Ruwa menyi moo.

WAEBRANIA 4:1

Iki kiluhoye fowa tseowuo kundu kulawone ipfo konu kuwoneke-pfo echiasha yanga lilya, ili indi kiteṟyo kilya kyekuangya ipfo kundo kuwode olele loke kii-kideye-se.

WAEBRANIA 4:11

Nakyo kiluitike luwinye ikuangya ipfo hando kuwode olele lulya, kundu ma kulakae-ho echihutso nyi kitewe kya wulemi wulya.

WAEBRANIA 6:11

Na lulalakye mnu ke orio mndu onu ose nawe momanyishya-ho wuitiki wu wumu wo mfeṟa fo owedo lulya shika mawutsyonyi.

YOSHUA 6:18

Kyaindi mukuṟise mladuo kindo kyose kikishimbuo kyamba mukaduo kindo kyose kikishimbuo mochiendie kiṟaṟo ki kya Waisraeli irumatso, nakyo kimwendie tewe.

2PETRO 1:10

Ili nyi wudo kii, nyo wanawawama, kimwamtse kawi muitike iwanza nandaho na msambuṟye iya mulelahio nyi Ruwa iwe ya kiheri kyose. Kyamba kokoya mochiwa wewuta shilya shilya mochiho ma indi-pfo.

2PETRO 2:18

Kyamba wo wekyekushela na madedo ha maai; wechituusa na lango njiwicho tsa nyamenyi kui mamelukameluka wandu, walya wamelekana msanzie fo wechumia kipfuṟi.

2PETRO 3:11

Na wudo ili shose shakunda isalaṟo apa mkoṟomu fuimkoromuo nyo mukae mochihendeka mhendekye mwele fuwode wuindi woindia Ruwa wose.

2PETRO 3:14

Nyo mui-wakunde wako, nkyo kimaduma ili muiweda isho, mukutambahanye muhende ikoyo-ho mulai na paṟi ma limu mulawa ihoyo owingo oshangunyi lo Ruwa mui na ofoṟo.

2YOHANE 1:8

Kuṟisenyi-ng'u-wo muwenyi mulawone mohenda idetsa shilya muleshiwinya, kya indi mushike yambya kya wuṟundi wonu welu.