WAEBRANIA 12:1 - Bibilia Kui Mdedie fo Kimochi

¹ Nkyo kimaduma naso ili lui na ipuchi lya waṟingishi lilutengetie lidi luleṟye wanda orio wulami na wunyamaṟi wu wokiṟa iluoṟowya owinyi, lochiengeṟa ihenda ira ngapano iii njiwawasye yadu lukuhode-ho necha.

WAEBRANIA 12:1 ပူးပေါင်းရင်းမြစ်များ

YOBU 8:10

Indi wo wechilulosha na ikuwia, mbonyi waletsiwona na itsiwada kiidi kya wuṟango wowo.

SHIIMBO SHA DAWIDI 18:23

Inyi njiwei na wusumhanyi oshangunyi loke, Ngawekuringa na mawicho hako.

YESAYA 60:8

Nyi waki iwa wairunduka cha ipuchi, cha mbeta tsihenda sungunyi tsawo?

EZEKIELI 38:16

Ambuya nyi okoyana na Waisraeli uwasokie cha ipuchi huye ya oruka. Kyamba njihenda ikuduma ukape oruka lu loko, nhondo wandu wechiwutaho imanya ke nyi njilekuduma iyo kundu njiloṟe wuele woko oshangunyi lowo.

EZEKIELI 38:9

Ambuya nyi ochihenda oweṟe usokie orukalo cha otanu lung'anyi uwehenda ilushikia cha ipuchi, iyo na mbahanyi yapfo na wasoṟo walya wengi warianyi hamu na iyo.

MATAYO 10:22

Nanyo muwe nyi mochisukya wandu wose kipfa kya rina lyako. Kya indi ichu mokarishya-ho kaweda kushike ili masiyonyi echikiṟo.

MATAYO 24:13

Kyaindi ichu mokarishya-ho kaweda nashike ili masiyonyi nyio echikiṟo.

MARIKO 10:50

Nao kakumba nguwo tsake tsa huye katsung'tsuwuka kachea Yesu.

LUKA 12:15

Nao kawawia, “Ambuyenyi, mukuṟise lango tsa shindo ma tsida ma tsida, cha kipfa mfeeṟa fo mndu fochiidima imnenga natawulye moo na shindo-sho awodepfo.”

LUKA 16:28

Kipfa nyi njiwode wanawawama wako watanu, nakehenda iwakekedia, kundu wo walawone wechicha-se na kundo-ku ko mawukiwa.’

LUKA 21:34

“Kyasia, kuṟisenyi, mulawone ngoo tsanu tsechilemeṟo nyi itandaluo ndeu na wunanzi na mawinyisha ha wanda-i, mfiri fulya fuwone fochimutowokia mulakusirie.

YOHANE 3:32

Nao nekehamba kilya alekiwona na ikiicho na kiṟingishyo kyo kyake nyi

YOHANE 4:39

Wasamaria sa wafoi wa kulya mṟinyi wakaidikia kipfa kya madedo ha mka ulya, “Nyi anjiongoya shindo njilewuta shose.”

YOHANE 4:44

Kyamba Yesu amonyi aleṟingishya na pata ke. “Mwikimbi hando alechiindyo nyi ipfo orukenyi loke.”

WAROMA 12:12

Ipfo kikusihyonyi kyanu mbechihio, ipfo shiwirenyi mukuhode, ipfo wuindinyi woiterewa mukae-pfo kiheri kyose.

WAROMA 2:7

Iwo watsinda wewuta kilya kii kicha wepfula moo fo mlungana echiwaenenga wuitoṟi na kiṟumi na moo fulechisia.

2 WAKORINTO 7:1

Kyasia-ng'u ili lui wateṟye shasa shidi, lanye wakunde, lukuheṟemtse so luwenyi kya ngafu yose iya yefanyitsa mbihu na iya yefanyitsa mumuyo lichiawutsya wuele lui na wuowu wo yowuo Ruwa.

WAGALATIA 2:2

Ngado njimwitike m mawonesyo na Ruwa. Njilewadambikya ndumi na sia ya okiio chando njeongoya mkambo ya wandu waiheshe, mnu walya wawesongwo iwikyo wuindi kundu njilaitike ihenda hando halechiwa na njilakoyo cha ili ndemehenda njido.

WAGALATIA 5:7

Muweihenda mbele necha. A nyiwu alemulema kudende mulakihendelye-se kilya kii lohi?

WAEFESO 4:25

Ko ikyo lekanenyi na kilya kii wongo Dedenyi kya lohi orio mndu ose na ulya aṟasanyi nao kipfa orio umu onu nyi kiwungo kya mbihu fo Kristo.

WAFILIPI 1:30

Ngapano ii muiwode na iya iya muwewonyi iwei yako na wulalu moicho ikeri na inyi.

WAFILIPI 2:16

Ili muidunganyitsa dedo lilya liende moo njiwone-ho iwikyo kiṟumi kyenjiwiia mkonu fulya fo Kristo kehamba ke njilawekuwiwitya njia kya mai ma njilawekuṟohya kya wulya.

2TIMOTEO 2:4

Mohenda shidenyi nekekuṟisa na mbonyi tseluya moo, kundu nachihiane na msongoru o shida.

2TIMOTEO 4:7

Ngammaa ikapana ngapano iya ncha, ngamaa iinutsya ohendo lulya, ngameringa wuidiki wulya.

WAEBRANIA 6:15

Nao kakutirisia ado kashika ikoya kyasa kilya kyaawutsyo.

YAKOBO 1:3

Mochimanya ke kilya kiihesha wuidiki wonu kiende wukuhodi.

1PETRO 2:1

Kuatuonyi orio mawicho hose wongo, na orio maoka mtambo; na makulembetseṟi; na mawunyeng'a masutsa hose.

1PETRO 4:2

Nkyo kimwenenge mulakikapye-se moo kui wuitiki wo lango tsa ki-wandu, kya indi muwe mofukapya kui wuitiki wo kilya Ruwa akundi matika-ha hamtsuhae.

1PETRO 5:1

Wulalu wameku walya wakeri ipfo konu wo ngawatutuma njii meku chawo na moriso o mawawyo ha Kristo na mokita o wuitoṟi wulya wurie ihenda itambaṟukyo.

1PETRO 5:12

Ngamṟehya paruo ii ngahamba ikeri mfui ngamdikya kui owoko lo Silwano manowama ichu mhendeli njetutuma na iṟingishya ke ipfo kundo muhoṟoki kuwode na wutonga wo Ruwa iwu wo lohi.

2PETRO 1:6

Na ipfo wulanyi muendeho ikutumhaṟa, na ipfo kikutumhaṟyonyi muendeho ikutirisia na ipfo kikutirisionyi muende-ho wu-pfundi.

OTAMBAHALUO LO YOHANE 1:9

Inyi Yohane nji manowama onyu na mokyando o wuaalenyi na wumanginyi na wukukarishi-hu wo ko Yesu njiwekeri ipfo kyandenyi kilya rina lyakyo nyi Patimo. Njileendo naho kundu njionguo idedo lya Ruwa na iṟingishya kii lohi kya Yesu.

OTAMBAHALUO LO YOHANE 13:10

Kokoya kwipfo aidao kipfungonyi nahende itano mpfungo amonyi. Kokoya kwipfo ekewaha wandu na oshu, na kimbaṟi nahende iwoho na oshu o amonyi. Nyihondo kukeri wukutirisi na wuidiki wo wandu wa Ruwa.

OTAMBAHALUO LO YOHANE 22:16

“Inyi nyio Yesu ngamduma malaika oko namuṟingishye nyo ishi kya siṟi tsilya. Inyi nyio njana ya Dawidi njii oshari loke. Inyi njikeri Nyenyeri iya ya Ahera iya iwaa ngamenyi.”

OTAMBAHALUO LO YOHANE 3:10

Kyamba iyo uleringa na iwawaso lyako lya ikutirisia, na inyi njechikuiṟicha necha saa iya ya kihesho kilya kyechichea wuyanawu ihesha wandu waipfo kunu wuyanenyi.