WAEBRANIA 11:7 - Bibilia Kui Mdedie fo Kimochi

⁷ Nyi wuidiki wuleenenga Noe amepeesuyo shindo shilawendewoneka kawa mwikimbe esungusia sanduku lilya ling'anyi liwe kyekiṟa wa mba yake kawewonya na mweke fowo wuyana wu owingo kaweioṟa wusumhanyi wuoshanyi na wuidiki.

WAEBRANIA 11:7 ပူးပေါင်းရင်းမြစ်များ

MAWOOKIONYI 19:14

Loti kakure kadeda na walya waalikie wana wake kahamba, “Kurenyi handuha kipfa Mndumii RUWA nainyamaṟa mṟifu.” Kya indi kikawa cha ili airohia kiidi kya waleu walya warie wana wake wa kika.

MAWOOKIONYI 6:13

Mndumii kawia Noe, “Mtsitsionyi fo orio msa awode mbihu fui oshangunyi loko, kipfa waichuṟa wunesi kunu wuyana; njechiwarumatsa handu hamu na wuyanawu.

MAWOOKIONYI 6:22

Nyi wudo Noe aleṟunda, isho shose chando Ruwa alemtutuma, isho nyisho aleshiṟunda.

MAWOOKIONYI 6:9

Iki nyi kishari kya Noe. Noe nawei mndu o wusumhanyi, mhendeli ipfo kisharinyi kyake; Noe kawa mhendeli kachumia ai na Ruwa.

MAWOOKIONYI 7:23

Orio kindo kii na moo orukenyi kikaarisio kuleshe wokia mndu o wandu tane shiuma, na kekeafuo wanda, na shilehe sha ruwehu, shilekombetso kombi iya orukenyi; Noe katsuhaa amonyi handu hamu na iwo wai nao kiidi kya safina.

MAWOOKIONYI 7:5

Noe kawuta chandu alembawasa.

MAWOOKIONYI 8:16

kure kunu kiidi kya safina, iyo na mka opfo, na wana wapfo na wali wa wana wapfo handu hamu na iyo.

2WAMANGI 4:5

Kamda, kakushingia mba o na wana wake, wakamuendie shihia shilya, nao kaletsiapfo mafuda.

YOBU 35:8

Wuwicho wopfo wochiwa wuwicho ko mndu o wandu cha iyo, wucha wopfo wochitarama mndu cha iyo.

MFANANO 22:3

Ulya asumhanyi nekewona mawicho kaowa; Indi matondo wekehenda mbele wakaluo

MFANANO 27:12

Mndu mlaanyi nekewona mawicho kaowa; Indi masembo hekehenda mbele hakahoyo nyi ndenga

EZEKIELI 14:14

Manya kokoya wandu wa waṟaṟu Noe, Danieli na Yobu wawekoya wai kiidi kyawo, nyi wawechikiṟo wo wawenyi tupu kipfa kya wusumuhanyi wowo.” Nyi wudo Mndumii-Ruwa ahamba.

EZEKIELI 14:20

Manya kokoya Noe, Danieli na Yobu wawekoya wai kiidi kyawo, inyi njii na moo, Mndumii-Ruwa nahamba wechiidima ikiṟa wana wawo wa kika na kiumipfo, shile nyi wo wawenyi tupu wechihenda ikiṟo kipfa kya wusumuhanyi wowo.

EZEKIELI 33:5

Kyamba nyi aleicho ṟu lya iranda lyo nao kamina, koikyo nyio amonyi akuendie opfu lo loke. Kyamba kokoya nyi aleadanyia kikekedio kyo kya iranda nyi awechikiṟa moo foke amonyi.

MATAYO 2:12

Indi Ruwa, kawawawasa kui ndodo, wakawuya na kanyi, walakiide ko Herode.

MATAYO 24:15

“Kyasia-ng'u kiwi kilya kya orumatso kii kihambe nyi mwikimbi ulya Danyieli ili mandi mochiwona-ng'u kiche ihoṟoka kundu kui kwele ichu mosoma namanye.

MATAYO 24:25

Ambuyenyi nyi ngawoka imtutuma.

MATAYO 24:38

Nyi kipfa chando wawekeripfo mafiri halya mbele ya mfu fulya fo mṟinga wechilya shelya na inyo, na ikualikia na ikualikio, washika mfiri lilyandi Noe keida na kulya isandukunyi linene.

MATAYO 3:7

Nao lyandi alewona Wafarisayo wafoi na Wasadukayo wechicha na wupatisonyi kawawia, “Nyo mui malea ha njoka, nyi mndu o ku alemlosha idicha nyashi iya iriiye icha?

LUKA 17:26

Na chando kulewa shiheri shilya sha Noe, na wudo kochikaa kuwe mkonu iya ya Mana o mndu.

WAROMA 1:17

Kyamba kotambahaluyo nayo wuhoṟotsu wuwukye ko Ruwa wokuwada kundo kuwode wuidiki wochiduo mndu wuidikinyi, chando kikiṟehie, ke Mndu mhoṟotsu nyi echikaa awode moo fuṟukie wuidikinyi.

WAROMA 10:6

Kya indi wuhoṟotsu-wu oshangunyi lo Ruwa wuṟukye wuidikinyi wo wuhambye wudi, “Kulawone koihamba, mrimenyi fopfo, nyi o ku echidoya ruvehu?” (Lyo liwewa isotsa Kristo na wanda.)

WAROMA 3:22

Ruwa neketana wandu wahoṟotsu oshangunyi loke kui wuidiki woidikya Yesu Kristo iwo wamwidikye wadi wose, kyamba kulaipfo mletsano.

WAROMA 4:11

Na kichano kya odino kyo alekiambya kiwe kichano kya wuhoṟotsu wulya wuwemba kui mweke fo wuidiki wulya awei nawo mandi alawendedino, kundu nawe mku o walai wadine wechiidikya wakashika italio wuhoṟotsu wu.

WAROMA 4:13

Kyamba kyaasa kilya keteṟya Abrahamu ang'u luwa lyake ke wakudaaye wuyana wu, kyoṟa kyo kilawei-kiteṟye kui mweeke fo wuwawaso kya indi kui mweeke fo wuidiki wotalio wuhoṟotsu.

WAROMA 9:30

Aka luhambe luda? Nyi kikeri kiile wa mkambo mhenu walawewingya wuhoṟotsu, oshangunyi lo Ruwa wo wakawada wuhoṟotsu, oshangunyi lo Ruwa, kui wuidiki.

WAGALATIA 5:5

Kipfa so ili lui wawanze nyi Mumuyo nyi luiweda luhedesumhantso nalyo lyechiwa lukuwode na Kristo.

WAFILIPI 3:9

Njishike ikoyo njii nao, njilai na wusumuhanyi womba woko wuwewukie wuwawasonyi kya indi njii na iwu wohendewa kui wuidiki woidikya Kristo, nyiwo wusumhanyi wowiko nyi Ruwa ipfo kiwanje-hu kya wuidiki wulya.

WAEBRANIA 11:1

Wuidiki nyii wukeri ikuwada na shilya shiiedyo, wo nyiwo mhomoye fohomoya shindo shilawono.

WAEBRANIA 12:25

Keringenyi-ng'u-wo mulawone mochilekana na ichu ai-pfo modeda. Kyamba kokoya walya walaweikia wechilehana na ichu modeda kyake ipfo sangenyi, nyi hanga kawi so, kokoya lokumbya ichu mhongo aideda akeri ruwehu.

WAEBRANIA 5:7

Nao mafiri halya awei nyiamenyi tsake nyi aledasya ichu aleidima imletsa opfu shiterewo na sheeṟeṟo na shifuhio echimlilia malilio ha pfinya na imtonyitsya mchenyeṟe kashika iidikyo na iletso wuowu wuwembode.

WAEBRANIA 8:5

Nyiwo wekeṟundya mfano na mangeṟingesha ha shilya shikeri ruwehu, chando Mose aleshika itutumyo ili indi awerie isungusia hema lilya. Kyamba ahambie ke, “Ambuya mnu ochitana shose kui mfano fulya uleloṟo ipfo fumvu-hu lilya.”

1PETRO 3:20

Nawo nyiwo wawelemye iidikya mandi halya wuleeli wo Ruwa wuweilelya mfiri iya ya Noe matika isanduku ilya liwekeri itano. Na ipfo kiidi kyalyo nyi wandu sa waangu, wandu nyanya walekiṟo kulya mṟingenyi.

2PETRO 1:1

Inyi Simeon Petro njii isinga lya Yesu Kristo na msu oke ngaiṟikiṟa iwa wai-watomoke wuidiki wumu na iwu wodu wuitikisi nawo tichi kui wusumhanyi wo Ruwa chu odu na mkiṟa Yesu Kristo.

2PETRO 2:5

Manya Ruwa alesaṟia wuyana wulya wo mboko-pfo, indi naleende mfu fung'anyi kulya orukenyi lo wandu walempiṟa. Indi nyi Noe mwongoyi o wusumuhanyi na walya wake mfungade Ruwa nalewakiṟa kechiendye wuyana wo walemeshi mfu fulya fowarumatsa.

2PETRO 3:6

Na kui mṟinga, mfu fulya funganyi fo mṟinga, wuyana wo kiheri kilya natso tsikakusanza tsekombetsa mkambo fo wandu fose wakarumatso nyi mṟinga.