WAEBRANIA 11:35 - Bibilia Kui Mdedie fo Kimochi

³⁵ Waka wakaambya wawo walepfa wamshika iṟuka, indi womi wengi wakahenda ifunjo-funjo mafuo walaweleshya ndalai iya mawoko kundu washike ikoya iṟuka lingi lii icha.

WAEBRANIA 11:35 ပူးပေါင်းရင်းမြစ်များ

MATAYO 22:30

Nyi kipfa ili kochishika iya maṟukyonyi ha wandu wapfu ma kochikaa-se wealika na wealikopfo. Nyi wechiwa cha wamalaika wa ruwehu.

MARIKO 12:25

Kipfa ili wapfu weṟuka wapfunyi, wechialikapfo manya yalikopfo, kyaindi wechiwa cha wamalaika wa ipfo ruwehu.

LUKA 14:14

Na iyo, nanga iyo; kipfa wo walawode kekutaa. Kipfa kitaayonyi kyapfo nyi alya maṟutsyonyi ha wecha wasumuhanyi.”

LUKA 20:36

Kipfa ma ipfa wechikipfapfo; kipfa wo nyi wechifanana na malaika, wawewa na wana wa Ruwa, kipfa wai wa kiṟukionyi.

YOHANE 5:29

Nawo nyi wechiṟuka. Iwo wawutye hai mecha waṟuke kyewada moo, na iwo wawutye hai mawicho waṟuke kya yanduyo mondu fulya.”

MAWUTO HA WASU 22:29

Ikyo kikatewa walya wawekuteseheṟye kembesa na finya wakakure-ho wakamda oweṟe nalo. Na mchili ulya ang'anyi kahoyo nyi wuowu kekimanya nyi Mroma, na ili indi amempfunga.

MAWUTO HA WASU 23:6

Naho Paulo kekimanya ke kyenga kimu kya wa chila ii nyi Wafarisayo na kyenga kimu nyi Wasadukayo kairya ṟu lyake chilenyi iya kahamba, “Hoi womi mui wanawawama, inyi nyi Mfarisayo njii mana o Mfarisayo! Njikeri yanduyo kimaduma nyi ili njikusirye na maṟukyonyi ha wapfu.”

MAWUTO HA WASU 24:15

Ili njiwode mkusirye njikusirye nafo Ruwa ke kochikaa-pfo maṟukyonyi ha wapfu wai wa wuhoṟotsu na walai wa wuhoṟotsu, ma koka nyiwo nawo wakeri nafo.

MAWUTO HA WASU 4:19

Petro na Yohane wakawahalwo wakawawia, “Kokoya nyi kisumhanyi imwadanya nyo kota Ruwa le kedumbwonyi iki nyo muwenyi.

MAWUTO HA WASU 9:41

Nao kambada owoko kamhoṟotsa. Kekiidima ilaha waele walya na waka walya wakusu kambika oo oshangunyi lowo ai na moo.

1 WAKORINTO 15:54

Kyasia ili kyepuo ki kyekaa kiṟae kilepuo na kyefa ki kirae kilefa nalyondi idedo lilya lii-iṟehye lyechihoya lilya lihambye, opfu lui-umeṟe nyi mbinzi.

WAFILIPI 3:11

Njikuwutie-ho ishika ikoya alya maṟukyenyi ha wapfu.