WAEBRANIA 11:29 - Bibilia Kui Mdedie fo Kimochi

²⁹ Nyi wuidiki wukaenenga waleambadya ipalyipalyi lya king'aring'ari cha ili nyi kundu kuhadutsu mpfondo Wamisiri, ilindi walehesha iwika chawo, walekuwutya-ho ihenda imeṟo.

WAEBRANIA 11:29 ပူးပေါင်းရင်းမြစ်များ

NEHEMIA 9:11

Ambuya nyi uleletsana ipalyipalyi makidi hawi o oshangunyi lowo, nawo wakakuidia makidi hawi hahadutsu. Kyaindi kowihitsa Wamisri walya walewaosha, cha ili okumba iho mṟingenyi fufoi.

SHIIMBO SHA DAWIDI 66:6

Nalehaluo ipalyipalyi lyikawa handu hahadutsu; medenyi waleida na madende; ipfo mpfo kundu lulechihiyo kyake.

SHIIMBO SHA DAWIDI 78:13

Naledumbutsana ipalyipalyi kawaambatsa; nalehoṟotsa mṟinga cha sohu.

IWUKA 14:13

Mose kawia wandu, “Mulaowuo, hoṟokenyi tupu muwone okiṟo lo Mndumii-Ruwa echimuwutia inu; cha kipfa Wamisri wa muwawonyi inu mochiwawonase mlunganapfo.

IWUKA 14:22

Wana wa Waisraeli wakaida kiidi kya ipalyipalyi handu hahadutsu na mṟinga fuwei omombo ora lowo lo kulyo na ora lowo lo kumoso.

IWUKA 14:27

Mose kahoṟuo owoko loke huya ipalyipalyi na koikitambaṟuka ipalyipalyui lyikawuya kui pfinya yalyo; Wamisri wakadichia kusonguo kolyo, na Mndumii-Ruwa kawaarisia Wamisri kuleshe ipalyipalyinyi.

YOSHUA 2:10

Kyamba so nyi luicho mbonyi tsanu chandu Mndumii-Ruwa aleumiṟa ipalyipalyi lya Mediteranioni oshangunyi lonu kiheri mulewuka kulya orukenyi lo Misri, na chandu mulewutia wamangi walya wawi wa Waamori wawekeri malyoolya fo meda fo Yordani, mangi Sihoni na Ogu, walya mlewarumatsa piu.