WAEBRANIA 11:25 - Bibilia Kui Mdedie fo Kimochi

²⁵ Kasambuṟa ihenda ituro hamu na mkambo fo Ruwa, kyo kiwemchihiṟye kota ikaa na seko tsa oweṟe tsiwukye wunyamaṟinyi.

WAEBRANIA 11:25 ပူးပေါင်းရင်းမြစ်များ

YOBU 20:5

mnyamaṟi nechiwona nawinga ko meeke mwangu tupu, sia ya mndu alai sumhana na Ruwa nyi ya oweṟe

YOBU 36:21

Kurise! Kulahalukie wuwicho kipfa noleinengo mawawio hakakuringa na mawicho.

SHIIMBO SHA DAWIDI 47:9

Wanene wa mkambo wakusanza handu hamu, wawe wandu wa Ruwa o Abrahamu. Kipfa ngawo tsa wuyana tsii na Ruwa, namng'anyishe mnu.

SHIIMBO SHA DAWIDI 84:10

Nkya lohi na kamu mfiri fumu ipfo mfiṟihenyi fopfo; fumcha kota mfiri kiku, njiwelangie iwa mringi o mongo mmbenyi ya Ruwa oko, kota ikaa mahemenyi ha wuwicho.

YESAYA 21:4

Ngoo yako ikapa-kapa, wuowu wuinjilisa wukiwa, kimbulyimbulyi kya kiukanyi kikanjidedemisha.

DANIELI 3:18

Kokoya kilai kido. Iyo Mangi nomanye ke lochiidikia iindiya sanamu yapfo-pfo ma ihoneria maruwa hapfo.”

MATAYO 13:21

Kya indi alawode mri asotsye ipfo kiidi kyake, nyi akeri nyi mokaa-ho oweṟe. Indi kambona kuiho wukiwa na iterengyo kipfa kya idedo-lyo nahonu kakambiṟa isukyo owinyi.

LUKA 16:25

Abrahamu kahamba, “Manoko, kekumbuo-wo chando iyo kuwei-yambia mecha hapfo lilya mandi uwei na moo orukenyi, na Lasaro kyake kaambia mawawio tupu na wuale, nao wulalu iya nyi aiwihiṟyo moo na iyo kowawiṟo.

MAWUTO HA WASU 7:34

Nyi ngamewona kituro kya wandu wako kulya Misiri, ngaweicho na msumukyo fowo ngasoka njiche njiwawuteho. Na wulalu kendeng'u, njikuduma nohende kulya Misiri.’

WAROMA 5:3

Ma chi kya ikyo tupupfo, kya indi lui wakesi ipfo shiwirenyi kipfa nyi luichi shiwira shekeende ikuhoda.

2 WAKORINTO 5:17

Nkyo kyaenenga kokoya mndu ai Kristo-hu nyi amba mbika njihya; sha kacha shamesia, ate shose shamhenda ilawuka.

WAKOLOSE 1:24

Wulalu ngachihio ipfo mawawiṟonyi halya njiiwawyo kipfa kyanu ngawemarisa shiwira sha Kristo ipfo mbihuhu foko ishi shiwekundi yengeṟyo-ho sha mbihu fu foke, mfo siṟi.

2TIMOTEO 1:8

Iki kikuenenge kulareenze iṟingishia kya Mndumii odu manya ulaṟeenze kipfa kyako inyi, njii mpfunge kimaduma kyake. Kya indi ukulunge-ho ihenda wawyo kimaduma kya Ndumi ya Sia ya okiio kui pfinya uleinengo nyi Ruwa.

WAEBRANIA 10:32

Wuyenyi ikumbuo mkonu iya mulekutirisia ngapanonyi njumu ya mawawyo.

WAEBRANIA 11:37

Wakakumbyo maho, wakaitso wudenyi wakapaṟopaṟo, wakapfa wewooho na oshu, wakaṟahaṟaha waṟee masaṟa ha machondi na ha mburu, wawei wandu wadee, wapotse, warohye.

WAEBRANIA 4:9

Kikuwukye-ho kehamba ke kwipfo-se maanya foonyonya fumtsuhaṟye mkambo fo Ruwa.

YAKOBO 1:20

Kyamba nyashi ya mndu ilekeṟundya wusumhanyi wo Ruwa.

YAKOBO 5:5

Nyo momepfokya ipfo orukenyi na ikusetsa owicho na wusuṟi wose mukawelisiṟa ngoo tsanu mkonu fo kishinjo.

1PETRO 2:10

Ili kacha muwei wandu walai mkambo fo Ruwa, indi wulalu mui mkambo fo Ruwa. Ili kacha mulawesaṟyo nyi Ruwa, indi wulalu momemaa isaṟyo.

OTAMBAHALUO LO YOHANE 18:7

Na ipfo kundo fuwekyekuichika fumenyi mng'ano na ichumia useṟeṟi nyihondo mufuenenge maturo na mawawio. Nyi kipfa ekehamba ipfo ngoonyi yake wai, ‘Kidembo kyako kii kya mangi mka. Njikeri mka mkusupfo. Njewona mbadiko ma indipfo.’