WAEBRANIA 11:16 - Bibilia Kui Mdedie fo Kimochi

¹⁶ Indi wulalu nyi kilya kicha kota walekikuleshya, nakyo nyi kya ruwehu. Nkyo kimaduma Ruwa alawepfia sonu isendo Ruwa owo, kyamba nyi alewawikya mṟi.

WAEBRANIA 11:16 ပူးပေါင်းရင်းမြစ်များ

MAWOOKIONYI 26:24

Mndumii-Ruwa kamchea kio kilya kilya, kahamba, “Inyi nyi Ruwa o ndeo Abrahamu, kulaowuo, kyamba inyi njii hamu na iyo, njechikuwikia ona na ipfumbutsa oshari lopfo kipfa kya Abrahamu mṟundi oko.”

MAWOOKIONYI 28:13

Ambuya, Mndumii-Ruwa nahoṟokiho, kechihamba, “Inyi nyi Mndumii, Ruwa o ndeo Abrahamu, na Ruwa o Isaki; orukalu uleepfo njechikuinenga iyo na oshari lopfo.

IWUKA 3:15

Ruwa kawiase Mose, “Wia wana wa Waisraeli madedo ha, MNDUMII Ruwa o ndeanu, Ruwa o Abrahamu, Ruwa o Isaki, Ruwa o Yakobo nanjiduma konu; ili nyilyo rina lyako tane mlungana, nalyo nyi ngumbuo yako tane marika hose.

IWUKA 3:6

Kahambase, “Inyi nyi Ruwa o ndee, Ruwa o Abrahamu, Ruwa o Isaki, na Ruwa o Yakobo.” Mose kashikia kyamu kyake; kyamba naleowuo iambuya Ruwa.

IWUKA 4:5

kundu wawuteho iidikia ke Mndumii-Ruwa, Ruwa o Abrahamu, Ruwa o Isaki, Ruwa o Yakobo amekuchea.”

YEREMIA 31:1

Mndumii-Ruwa nahamba, “Kushika kiheri inyi njechiwa Ruwa o shishari shose sha Israeli nawo wechiwa wandu wako.

MATAYO 25:34

Nalyo mangi echiwia walya wakeri ora loke lo kulyo, ‘Kenjonyi mui wawikei ona nyi Wande oko. Kehenda kaenyi kyoṟenyi kya wumangi kyanu muwasuṟumiye kuwokia masanga hambiko.

MARIKO 12:26

Kyaindi kya maṟukyenyi ha iwo wapfiiye a nyi mulasomie kyawo ipfo kitapunyi kya Mose ipfo ko osha lulya luweiaka modo? Ruwa kawia Mose, ‘Inyi nyio Ruwa o Abrahamu na Ruwa o Isaki na Ruwa o Yakobo?’

MARIKO 8:38

Mndu oose monjiwadia sonu inyi na madedo ha hako kunu kiidi kya mbaṟi ya wanyamaṟi na walasaṟie Ruwa, na Manomndu nyi echimbadia sonu ili echikaa nache na wusuṟi wo Nde handu hamu na wamalaika waele.”

LUKA 12:32

“Ma mlawone mochiowuo nyo poo itutu; kipfa nyi kilechihia Ndeyanu imuinengia-nyio wumangi-wu.

LUKA 20:37

Kyaindi kui kipfa kya wapfu, ke nyi wechiṟutso, ma Mose na alewelongio ipfo isikinyi kiheri Mndumii alemlaha. Kamhamba, Ruwa o Abrahamu na Ruwa o Isaki na Ruwa o Yakobo.

YOHANE 14:2

Ipfo kanyi ka wande oko nyi kuipfo shidembo shifoi. Koka shila wudo njiwemuwia. Wulalu njikeri ihenda imteseheṟya-ho hando.

MAWUTO HA WASU 7:32

‘Inyi nyi njii Ruwa o waku wapfo, njii Ruwa o Abrahamu na o Isaki na o Yakobo.’ Mose kadedema nalakarye yambuya-ho.

WAFILIPI 3:20

Indi kiluwikye so kanyi kulya ruwehu kikeri. Nyi hondo luiwedya Mndumii Yesu Kristo nachee-pfo ai mletsi.

2TIMOTEO 4:18

Mndumii nechinletsa echinjiwuta mawuto mawicho hose, nenjikiṟa enjiduo kipuo Wumanginyi woke wo ipfo ruwehu. Nyio ai mokaa echiichiko maheri hose halunganyi. Amenyi.

WAEBRANIA 10:34

Kyamba nanyo muleichio wapfunge walya wukiwa, na iliindi mulesoko masaa hanu nyi mulekukarishya muwekaa na sia, kipfa muweichi ke nyi muwode mkae fungi fui mcha fochikaa.

WAEBRANIA 11:10

Kyamba aweiwedya mṟi fulya mikare fushike iwiko kiwanje-hu kya maho ha ngina, mtsanyi ofo nao Ruwa mofusungusia.

WAEBRANIA 11:14

Kyamba iwa waideda wadi nyi wamanyishye ke nyi kiku kyawo waikipfula.

WAEBRANIA 11:40

Kipfa kilya Ruwa alesonguo iluwonya kiwe kicha kota, ke walashike yawutsyo chila hamu naso.

WAEBRANIA 12:22

Kya indi nyo momshika itikiria fumvu lya Sioni na mṟi fo Ruwa menyi moo, nyifo Yerusalemu ya kiruwehu na matorito ha wasu waele halawa italo.

WAEBRANIA 13:14

Kyamba lulawode iya mṟi fokukaya-ho, kya indi nyi lukeri iwingya fulya fungi fochikuwiia-ho.

WAEBRANIA 2:11

Kyamba ichu mwilishi na iwa weilisha wapaṟikye ko ichu wose. Nkyo kimarete alapfia sonu yewalaha wanawawama.

OTAMBAHALUO LO YOHANE 21:2

Na mṟi mwele fo Yerusalemu fulya mhya ngafuwona fuisoka ruwehu fowuka ko Ruwa. Fui-msungusie cha moaliko amchopie mii oke.