WAEBRANIA 11:13 - Bibilia Kui Mdedie fo Kimochi

¹³ Iwa wose walemhenda wekaa na wuidiki ma walawekudaya shiteṟyo shilya, indi waleshiwona shikeri kundo ko isonguo wakashiindya wekuhambya na pata ke wakeri wahenu, wandu wekuidya-ho tupu ipfo teri-hu-ii.

WAEBRANIA 11:13 ပူးပေါင်းရင်းမြစ်များ

MAWOOKIONYI 21:34

Abrahamu kakaa cha mhenu orukenyi lo Wafilisti mkonu ifoi.

MAWOOKIONYI 23:4

“Inyi njii mhenu, njiichumia kunu konu; njiinengenyi handu heṟika wandu kunu konu, hawe nyi hako, njiṟikepfo mnying'a fu foko funjiwuke.”

MAWOOKIONYI 25:8

Abrahamu kapfa, na kapfia kiidi kya wuku wucha, amku mnu, o maka ifoi, kakusanza wandu wake.

MAWOOKIONYI 47:9

Yakobo kahaluo Farao, “Maaka ya ohendo lo moo foko nyi ihana na makumi haṟaṟu (130) maaka ya moo foko ilewa njiangu, na ya maturo; manya ileshikia maaka ya wande wapfo.”

MAWOOKIONYI 48:21

Numa Israeli kawia Yosefu, “Ambuya, inyi njikeri ipfa, kyaindi Ruwa nechikaa hamu nanyo, nao nechimuwihiṟa tane orukenyi lo wande wanu.

MAWOOKIONYI 49:10

Ndichi ya wumangi yechilekana ipfo ko Yudapfo. Manya mowika mawawaso madendenyi hakepfo. Na kuwede nache Ichu, menyi uikolonyi. Ichu mkambo ya wandu wechimwindia.

MAWOOKIONYI 49:18

Okiṟo lopfo njileluwedia, Hoi Mndumii-Ruwa.

MAWOOKIONYI 49:28

Itso nyitso mbaṟi tsa Israeli ikumi na tsiwi. Na isho nsho ndeawo alewawia, na iwawikia mboṟa; kui umu umu kui mboṟa yake alewawikia.

MAWOOKIONYI 49:33

Nahong'u Yakobo kekimarisa iwawasa wana wake, kairia madende hake kitaṟenyi, kapfa, kasanzio handu hamu na waku wake.

MAWOOKIONYI 50:24

Yosefu kawia wana wa mae, “Inyi njikeripfa, kyaindi Ruwa nechimuchea nyo nechimudosa kuwuka kunu orukenyi, mṟasa kulya orukenyi aleliia Abrahamu, na Isaki na Yakobo nyamu.”

YOBU 19:25

Kyaindi njiichi ke mongawo oko nyi ai na moo. Numa nechihoṟoka iya orukenyi.

SHIIMBO SHA DAWIDI 119:19

Inyi nyi mhenu kiidi kya oruka, kulanjiṟike mawawaso hapfo.

SHIIMBO SHA DAWIDI 39:12

Hoi Mndumii uicho shiterewo shako, udehe kudu kopfo ili njikeri ilia, ulatsiiye mchenyeṟe yako. Kipfa inyi nyi mhenu opfo, Mndu o kyaṟo cha wande wako wose.

IWUKA 2:22

Icho kambonyia mana o womi kamdumbuya rina lyake nyi Gershomu , kipfa nalehamba, “Njilewa mhenu; orukenyi luhenu.”

WALEWI 25:23

“Manta teri ilakumbo manyale kipfa teri nyi masaa hako nanyo nyi wahenu na wakyaṟo wekuidia orukenyi loko.

MAITALA 10:30

Kyaindi Hobabu kahamba, “Inyi njechihenda nanyopfo; indi njechiwuya na orukenyi loko, na ko washari wako.”

MAITALA 24:17

Njiwonyi msa aicha, kyaindi chi wulalupfo njimmbonyi, kyaindi ai kufuipfo. Nyenyeri yawuka ko luwa lya Yakobo, mangi nechicha awuka kiidi kya Waisraeli, Nechilachuo wasongoru wa Wamoabu na ndichi yake. Nechikombetsa luwa lyose lya odetso

MATAYO 13:17

Na kya lohi ngambia, ‘Kuwepfo waikimbi wafoi na wandu wa wusumuhanyi wailanga iwona ishi mokewona, nawo na ma walawone, na iicho ishi mokeicho, nawo ma walaicho.’”

YOHANE 12:41

Nyi wudo Yesaya alededa lya alewona wuitoṟi woke kawa modeda kyake.

YOHANE 8:56

Abrahamu mku chu onu nyi alekesa kya iwona mkonu fu foko nao kafuwona kachihio.”

WAROMA 4:21

Kawekusihya pyu ke Ruwa ai na pfinya yeawutsya kyaasa aleteṟya.

WAROMA 8:24

Kyamba ikiṟo nyi lomekiṟo kya owedi. Indi kyeweda kikamboneka iweda lyahenda isia; kyamba mndu kindo kilya akiwonyi nyi akiweda-se ki?

2 WAKORINTO 4:18

Natso nyiso lularinga shilya shiwona indi shilya shilawono. Kyamba shilya shiwono sho shiipfo sha kiwulalu kya indi shiilya shilawono sho nyi sha mulungana.

2 WAKORINTO 5:6

Nkyo kitewe lukarya hando hose na imanya ke mandi lui na mbihu fu kikaya kyadu lukeri aleshe na kanyi ka Mndumii.

WAEFESO 2:19

Nkyo kyainenga nanyo mulakikeri-se wahenu ma wasami, indi mui wa mṟinyi fumu na waele mui na wa kanyi ko Rṟuwa.

WAEBRANIA 11:14

Kyamba iwa waideda wadi nyi wamanyishye ke nyi kiku kyawo waikipfula.

WAEBRANIA 11:17

Nyi wuidiki wukaenenga Abrahamu aleshika idasa Isaki ilindi aweihesho kadambikya-ho ichu oke kimumu mfi. Nao nyi awei mteṟye shiteṟyo shilya.

WAEBRANIA 11:27

Nyi wuidiki wukaenenga aleda Misiri alechiowuo rihima ya mangi kyamba alekukarisha na ichu alawono cha ili ambonyi.

WAEBRANIA 11:39

Na iwo wose ma ili waleṟingishyo wadi kui wuidiki wulya ma walemkudaya kilya kiwei-kiteṟyepfo.

1PETRO 1:1

Inyi Petro njii msu o Yesu Kristo ngamwiṟikiṟa nyo wasambuṟe wa Ruwa wande mulee mataṟataṟa ipfo Ponto na Galatia na Kapadokia na Asia na Bitinia muipfo mui cha wahenu.

1PETRO 1:17

Nanyo ili muisenda Ruwa nyio Wande ichu ai modumbuya orio mndu ose mdumbuye isumhanye mawuto hake alechiambuya oshangu; Chumienyi ohendo lonu kiheri ki kitsuha mui wahenu mochiindia Ruwa.

1PETRO 2:11

Wanawawama, ngamtutuma mui cha wahenu wakuidya-iya wuyana ke mukuotoye lango tsa nyamenyi tsikeri ikapana na mrima.

1YOHANE 3:19

Na hondo lochikuwutya-ho imanya ke lukeri wandu wa kii-lohi. Na ipfo oshangunyi lo Ruwa nyi lochikarishya-ho ngoo tsadu.