WAEBRANIA 10:28 - Bibilia Kui Mdedie fo Kimochi

²⁸ Mndu afunja wuwawaso wo Mose koka wangochi wai-ho wawi ang'u waṟaṟu wewikya mndumbuye pfinya nyi ashikahenda iwoho alawa iichio wukiwa.

WAEBRANIA 10:28 ပူးပေါင်းရင်းမြစ်များ

2SAMWELI 12:13

Nahong'u Dawidi kahaluo Nathani kambia, “Ngadekio Ruwa ko wunyamaṟi wu woko.” Kyasia, Nathani kamhaluo kambia, “Ee nyi udo, na Mndumii amekuhoṟia, na ochipfa kipfa kya wunyamaṟi wu pfo.

2SAMWELI 12:9

Nkili omina mawawaso hako na itane owuta kindo kiwicho kido? Nowahiye Uria Mhiti shidenyi ko mapfumu ha Waamori na iduo mka oke kawa mka opfo?

YESAYA 27:11

Maṟamba hakauma hechifunjo; waka wechicha wahakoṟe modo; kipfa iwa chi wandu wawode wuṟango-pfo; kui kipfa ikyo, ichu alewawumba echiwasaṟiapfo, na ichu alewawika echiwahoṟia pfo.

YEREMIA 13:14

Njechiamtsa kiletsano kya mndu na odoe, ee nde o wandu, wana na wafee handu hamu. Mndumii ahamba; njechiwasaṟia-pfo ma ihoṟia ma iwaichio wukiwa njide njilawarumatsa.’”

MAITALA 15:36

Kyasia, wandu wakamduo nja ya mfiṟiha, wakamkapa na maho tane apfa, chandu Mndumii-Ruwa alewawasa Mose.

MATAYO 18:16

Indi kada alakwadanya iyo uhende onduo mndu umu uche nao ang'u wawi, na orio kidedo kededo-ho kyose kundu kehoṟoka kiwange kui dumbu lya wakaṟa wawi ang'u waṟaṟu.

YOHANE 8:17

Ma ipfo wuwawasonyi wonu nyi kii-kiṟehye kehamba, ke kiṟingishyo kii-kiwike nyi wandu wawi nyi kya lohi.

WAROMA 9:15

kyamba nyi awie Mose, “Njechisaṟia ichu njechikunda imsaṟia.”

2 WAKORINTO 13:1

Ili nyi lya kaṟaṟu ngacha na konu. Orio kindo kyechikapo owanzo kui madumbu ha waṟingishi wawi ang'u waṟaṟu.

NGUMBUO YA MAWAWASO 19:13

Mulamsaṟie, mochitoromisha wuwicho wo wuwaahi wo mndu alawode mti kunu ko Waisraeli, kundu muidime ikaa na ofoṟo.”

NGUMBUO YA MAWAWASO 19:15

“Wuṟingishi wo mndu umu wushikie ianduya mndu kya deko lyake awutie lya mbaṟi yosepfo, liwe nyi lya wuwaahi ang'u sile aiweso. Nyi wuṟingishi wo wandu wawi ang'u waṟaṟu nyiwo wukundikie.

WAEBRANIA 12:25

Keringenyi-ng'u-wo mulawone mochilekana na ichu ai-pfo modeda. Kyamba kokoya walya walaweikia wechilehana na ichu modeda kyake ipfo sangenyi, nyi hanga kawi so, kokoya lokumbya ichu mhongo aideda akeri ruwehu.

WAEBRANIA 2:2

Kyamba kokoya idedo lilya liwee-lidede nyi wasu liwewangi lido na orio wutahachi na orio wulehi wo okuchu wuleambya wudeheli wowo wuhoṟotsu.

YAKOBO 2:13

Kyamba mndu alekesaṟya, mdumbuye ii yechimhoya inletsane na isaṟia. Isaṟia lyashika iwikyo kiṟumi na ipfo mdumbuyenyi.