WACHILI 8:5 - Bibilia Kui Mdedie fo Kimochi

⁵ Kyasia, kawia wandu wa Sukothi, “Hoi keinenga wodoya wa wako mkate kipfa waleheli mnu na inyi nawo njiengeṟa ihenda ishiha wamangi Zeba na Salmuna wa Midiani.”

WACHILI 8:5 ပူးပေါင်းရင်းမြစ်များ

MAWOOKIONYI 14:18

Na Melikisedeki mangi ya Salemu kaende mkate na mpfinyo, nao nawei mkohanyi o Ruwa ai huye mnu.

MAWOOKIONYI 33:17

Yakobo kahenda mṟasa Sukothi. Kakuwikiapfo mba, kasungusiapfo na matengo ha shuma shake. Ko ikyo rina lya handu halya kukalaho nyi Sukothi.

SHIIMBO SHA DAWIDI 60:6

Ruwa nalededa na wele woke, “Na inyi njechikesa, njechihawa Shekemu; njehaluo pichi lya Sukoti shahu.

NGUMBUO YA MAWAWASO 23:4

Cha kipfa waleleha imuinenga shelya na mṟinga mandi muwei njienyi kuwuka Misri, na walelaha Balaamu mana o Beori kuwuka Pethori kulya Mesopotamia imusesa.

WACHILI 5:23

Malaika o Mndumii-Ruwa nahamba adi, “Sesenyi mṟi fo Merosi Sesenyi wenyi mṟi kopfinya, kipfa walalecha itarama Mndumii-Ruwa.

WACHILI 8:10

Zeba na Salmina wawekeri ipfo Karkoni hamu na wandu wa mbahanyi shiku ikumi na shitanu (15,000) nyiwo tupu waletsuhaa kiidi kya wandu walya wa mbahanyi wa ora lo ngamenyi, kipfa wodoyawo shiku ihana na makumi hawi (120,000) walewoho.

WACHILI 8:12

Wamangi wa Midiani, Zeba na Salmuna walekusheṟuo wakadicha, kyaindi Gideoni kawawingia, kawawada wandu walya wa mbahanyi wakawado nyi wuowu wung'anyi.

WACHILI 8:15

Gideoni kawuya ko wandu wa Sukothi kawawia, “Chi mukumburie chandu mulenjiruma mochihamba, ‘Kitewe lumuinenge mkate nki wandu wapfo waweleheli mnu nanyo mulamewinge Zeba na Salmuna?’ Kyasiang'u wulalu, Zeba na Salmuna aiwa.”

1SAMWELI 25:18

Abigaili kakambiṟa owinyi faṟa, kaira mkate mahana hawi, shitumoshiwi sha mpfinyo, machondi hatanu hamateseheṟe necha, shilo ikumi na mfungade sha mso mkahaṟe, mamanja ihana ha ndunda tsa msabibu, mkate ya makuyu in Kahaṟe mahana hawi, ishi shose kashihekia huya nzoi.