WACHILI 7:20 - Bibilia Kui Mdedie fo Kimochi

²⁰ Makamba hose haṟaṟu handu hamu wakakapa maranda hawo na ifunja shitosho shawo. Mawoko hawo ha kumoso hawewode shimunyi na mawoko ha kulyo maranda na ihakapa wechihamba ko maṟu hang'anyi, “Oshu kipfa kya Mndumii-Ruwa na kipfa kya Gideoni!”

WACHILI 7:20 ပူးပေါင်းရင်းမြစ်များ

YESAYA 27:13

Nakyo kechiwa kiidi kya mkonufo, taṟumbeta iya ing'anyi yechikapo, na iwo wawei kufui na iarisika kiidi kya oruka lo Ashuru wechicha; na iwo wawei wawihitse kiidi kya oruka lo Misri; wo nyi weechiindiya Mndumii kiidi kya fumvu liele ipfo Yerusalemu.

YEREMIA 47:6

Iyo oshu lo Mndumii-Ruwa! Nyi indii ochitsia? Ida na kiṟandenyi kyapfo, usie moo na itsia sau!

1 WAKORINTO 15:52

Waṟu cha ili okema kiheri kya ombe lofurumya; kyamba kochikapo ombe na wapfu wechiṟuka warie moo fulechisia naso lochiilachika.

2 WAKORINTO 4:7

Indi lurie kisa ki shihienyi shii-shiwumbe na wumba kundu pfinya ii iingiki idi imanyike ke nyi ikeri ya Ruwa, ilahambo ke nyi kodu so iwukie.

1WATESALONYIKYE 4:16

Kipfa matika halya koichio iwawaso lyeamtsa ṟu lya msu mwele mchili na ombe lo Ruwa lochideda, Mndumii kachesoka ruwehu, oweṟe na lulya wapfie wa Kristo wechiṟuka wasonguo.

WAEBRANIA 11:4

Nyi wuidiki wuleenenga Abeli adambikye Ruwa kidaso kichihianyi nao kota kya Kain, kashika ihenda iṟingishyo ke nyi ai mndu asumhana kimaduma kyawo. Kiṟingishyo ki nyi Ruwa aweṟingishye kikuwode na njodambiko tsake. Nawo (wuidiki wo) womenenga aideda-se mandi alemshikahenda ipfa.

YOSHUA 6:16

Kiheri waletengetia ka mfungade na wakohanyi wamemaa ikapa maranda halya, nalyo Yoshua kawia Waisraeli, “Fahiyenyi kyamba Mndumii-Ruwa amemudambikia mṟi fu.

YOSHUA 6:20

Kyasia wandu wakafahia na kunu maranda haweikapo. Kiheri wandu waleicho maṟu ha maṟanda wakakapa kitohio king'anyi, nalyo njomombo tsilya tsa mṟi tsikaoloka wanda piu, nalyo wandu wakapufukia mṟi fulya, orio umu awuka handu awei wakafuwada.

YOSHUA 6:4

Na wudo wakohanyi mfungade warie maranda hawo ha membe tsa masuwa nyi wechisongoya isanduku lilya lya mkundana. Ili mkonu fo mfungade nyi mochitengetia mṟi fo ka mfungade, kunu wakohanyiwo wechikapa membe tsawo.

2PETRO 1:15

Indi njechipfuṟukana imuloṟa muidime ikukumbuṟya isho na orio kiheri kyose, ilindi njemaa ipfa.

WACHILI 7:19

Kokishika kio mahelehele, Gideoni na chekeṟo lyake lya wandu ihana limu (100) kudi ametikiria kiṟaṟo kya Wamidiani mawookionyi ha kamba lya kiidi kiheri wamemaa iilachana waringi waletikiria kiṟaṟonyi lya wakituwa. Wakakapa ombe na ifunja shitosho shilya wawei nasho.

WACHILI 7:21

Wakahoṟoka orio mndu handu hake itengeta kiṟaṟo. Itoṟito lyose lya wakituwa wakarahanyika ipfo na ifpo wechifahiya.

1SAMWELI 11:11

Ilyi lya ngama, Sauli kahawa wandu kumachekeṟo haṟaṟu. Kiheri kya kamba lya ngamenyi wakaida nakiṟaṟonyi lya wakituwa, wakakapa Waamoni. Koikishikia mfiri wakituwa wafoi wamearisio kuleshe, walyawaleashuka wakarahanyikia ipfo na ipfo; kulakae ho ma wandu wawi wawono waihandu hamu.