WACHILI 7:2 - Bibilia Kui Mdedie fo Kimochi

² Mndumii-Ruwa kawia Gideoni, “Wandu wa ui nawo nyi wafoi mnu nakamu koko inyi iwika Wamidiani mawokonyi hanu, Waisraeli walache ikushela oshangunyi loko na ihamba nyi walekukiṟa kui pfinya tsawo wawenyi.

WACHILI 7:2 ပူးပေါင်းရင်းမြစ်များ

MAWOOKIONYI 46:2

Ruwa kadeda na Israeli kui ndodo kio, kahamba, “Yakobo, Yakobo.” Kahamba, “Nyi iya njii.”

2MBONYI TSA MAHERI 14:11

Kyasia Asa kafihiṟia Mndumii-Ruwa, Ruwa oke kahamba, “Ee Mndumii-Ruwa, kuwodese Ruwa ungi cha iyo pfo. Iyo nyio ui Ruwa odu, awode pfinya tsetarama ichekeṟo lifafa liidime iwinza sa liwode pfinya. Lutarame ee Mndumii-Ruwa, Ruwa odu, kipfa so lukusiria na iyo, na ko rina lyapfo locha ikapana na ichekeṟo li ling'anyi lyeṟihisha. Ee Mndumii-Ruwa, iyo nyio Ruwa odu; ma kulalekie mndu awa ose nalimbane na iyo.”

YESAYA 10:13

Kipfa nahambie, “Kui pfinya tsa mawoko hako njiwutie kindo ki, na kui wuṟango woko, kipfa inyi njii mṟango, na inyi njilewuta mṟasa ya wandu, ngawada shisa shawo, ngaolotsa wose wedamia huya shidi sha wuitoṟi chando mbahanyi ekewuta.

YESAYA 2:11

Meso ha mndu hakuirie hechisotsio wanda, na orikiki lo mndu lochilemetso, na Mndumii o amonyi neching'anyisho mkonu fo.

YESAYA 2:17

Ikushela lyose lya wandu, lyechisotso; na orikiki lo orio mndu lochifunjo. Nao Mndumii amonyi nyi echiṟumisho mfiri fulya.

YEREMIA 9:23

Kyasia Mndumii nahamba, “Mndu mṟango nalakushelie wuṟango woke, manya ulya awode pfinya nalakushele kipfa kya pfinya tsake, manya msuṟi nalakushelie wusuṟi woke,

EZEKIELI 28:17

Ambuya nuwekekushelia wucha wopfo Kowenyamaṟa wulaanyi wopfo Kipfa kya mng'ano fopfo. Ngakuhutsa wanda terinyi ngakutana kowa kindo kesetsa wamangi.

EZEKIELI 28:2

“Iyo mndu! Henda wia mangi chu o Tiro ke inyi Mndumii-Ruwa ngahamba njidi: Iyo nuwode ikudosa mrimenyi Kyamba nyi ulehamba ke iyo nyi ruwa, Ke nyiudamie loṟikehu lo maruwa, Ke nyi ukeri kuleshe ipfo ipalyipalyinyi Kyaindi iyo nyi ukeri mndu o wandu manya iyo ukeri Ruwa pfo, manya chandu ukuwonyi ke nyi uwode wuṟango cha Ruwa.

DANIELI 4:30

Mangi kadeda kahamba: “Mṟifu fo Babeli fung'anyi njilefuwika inyi fuwe mṟi fo wumangi, kui pfinya tsako, kundu fuwade kiṟumi kya wuitoṟi woko!”

HABAKUKI 1:16

Ko ikyo kawuta kyaano kainenga mdeho fo ndusu na opfaamo lo rasionyi kapfaamiṟa mkunja kipfa kya shindo shake shafo na kelya kikaichuo.

ZEKARIA 12:7

Indi Mndumii nyechikiṟa mahema ha Yuda kuwoka kundu kiṟumi kya mba ya Dawidi na kiṟumi kya wandu wa Yerusalemu kilang'anye Yuda.

ZEKARIA 4:6

Kanjihaluo kechihamba, Ilyi nlyo idedo lya Mndumii ko Zerubabeli, lyechihamba chi kui wuidimi ma chi kui pfinya pfo, indi nyi kui Mumuyo foko, nyi wudo Mndumii menyi matorito ahamba.

MAITALA 31:4

Kuwuka orio mbaṟinyi ya Waisraeli, mochiwutapfo wandu kiku kimu wehenda shidenyi.”

WAROMA 11:18

kulapiṟe Ma kulakushelye oo maṟambenyi; indi kokunda ikushela manya chi iyo urie mru fo pfo nyifo sa fukurie iyo.

WAROMA 3:27

A mwaanya fokushela ku foya ngesa? Nyi fumbikye hima. Nyi kui mweke fo wuwawaso wuki? Nyi wulya woringa iawutsia mawuto ngesa? Manyale, kya indi nyi kipfa luidikie.

2 WAKORINTO 4:7

Indi lurie kisa ki shihienyi shii-shiwumbe na wumba kundu pfinya ii iingiki idi imanyike ke nyi ikeri ya Ruwa, ilahambo ke nyi kodu so iwukie.

WAEFESO 2:9

Chi mawuto hanu haweliendepfo, kundu manya mndu nalakuwutye-ho ikuṟumisha.

NGUMBUO YA MAWAWASO 32:27

Kyaindi njilelekia wakituwa wawo wakushelepfo wahambe ke nyiwo walewinga wandu wakopfo ate nyi inyi njilewarumatsa.’”

NGUMBUO YA MAWAWASO 8:17

Koikyo kuṟisenyi mlashike ihamba mrimenyi yanu. “Lulewada wusuṟi kui wuidimi na pfinya tsadu luwenyi.

NGUMBUO YA MAWAWASO 8:18

Kumbuonyi ke Mndumii-Ruwa, Ruwa onu, nyio alemuinenga wuidimi wowona wusuṟi. Nekewuta ado kundu nawanze mma fulya alewika na wandeanu mṟasa inu.

YAKOBO 4:6

Indi aenenga wutonga wo mwengeṟia.” Nkyo kimaduma ihambie, “Ruwa alemana na walya wekutimbisha wawenyi, indi walya wakusotsa, awawonya wutonga.”

1SAMWELI 14:6

Yonathani kawia manake ulya alemdaṟa shisha, “Kenjo, luhende ora lo kawi kulya mfiṟihenyi fo wanduwa walawadine. Kofia Mndumii-Ruwa nelutarama, cha kipfa Mndumii-Ruwa ekekiṟa wandu kipfa kya mfoeṟa ang'u wuangu wo wandupfo.”