WACHILI 7:14 - Bibilia Kui Mdedie fo Kimochi

¹⁴ Odoye kamhaluo, “Ikyo kyaṟingishia na pata ke oshu lo Mwisiraeli ulya Gideoni mana o Yoashi sa Mndumii-Ruwa amewika mawokonyi hake Wamediani handu hamu na ichekeṟo lyose.”

WACHILI 7:14 ပူးပေါင်းရင်းမြစ်များ

YOBU 1:10

Akale kimanyikie na pata chandu iyo umringie njora tsose hamu na wa kanyi koke na orio kindo awode? Iyo kowembikia ona na masaa hake hakaengeṟeka orukenyi.

MAITALA 22:38

Balaamu kawia Balaki “Aichu ngamechang'u! Kyaindi, ngesa, nanjiwode pfinya yehambaho kindokyo kyose? Kindo Ruwa echinjiwia nkyo kinjiwaṟi ihamba.”

MAITALA 23:20

Ambuya, ngainengo iwawaso lyewikia mboṟa, nao nawikia mboṟa manya njechiidima iilachapfo.

MAITALA 23:5

Mndumii-Ruwa kainenga Balaamu madedo echideda na immbia nawuye na ko Balaki.

YOSHUA 2:24

Nalyo wakambia, “Nyi kya lohi Mndumii-Ruwa amewika oruka lu lose mawokonyi hadu. Kyamba wandu wa oruka lo wapfiie mrima kipfa kyadu.”

YOSHUA 2:9

kawawia, “Inyi nyi njiichi ke Mndumii-Ruwa nyi alemmaa imuinenga orukalu. So nyi luwodo nyi wuowu wung'anyi mnu kipfa kyanu, na wandu wose wa oruka lu nyi wa wapfu mrima kipfa kyanu.

YOSHUA 5:1

Kyasia wamangi wose wa Waamori wawei molyolya ora lo kyukanyi lo meda fo Yordani, na wamangi wose wa Wakaanani wawekeri mbai ya ipalyipalyi lya Mediterania, wekiicho ke Mndumii-Ruwa nyi alehadutsa mṟinga fo meda fo Yordani kipfa kya Waisraeli mṟasa wakaambada, nyi walepfio nyi mdo, pfinya tsikawasia piu, kipfa kya iowuo wana walya wa Israeli.

WACHILI 3:28

Kawawia, “Njioshenyi kipfa Mndumii-Ruwa amewika wakituwa wanu Wamoabu mawokonyi hadu.” Wakamwosha itane kiambadio kya Yordani na ikiwada wakakiwuta mawokonyi ha Wamoabu, wakashingia mndu ose nalaide.

WACHILI 7:13

Gideoni kekishika, kaicho mndu umu kechiongoya odoe ndodo yake. “Njilelodia ndodo. Njilewona mkate fo shayiri fochipiṟimka itane kiṟaṟonyi lya Wamidiani fukakapa ihema itane lyapfuluka huye kukahalukia wanda. Ihema lyikalaa wanda.”

WACHILI 7:15

Gideoni kekiicho mbonyi tso na mdambuye fo ndodo iya, kaindia Ruwa. Kiidima kawuya na kiṟaṟonyi kya Waisraeli, kahamba, “Kurenyi luhende, kipfa Mndumii-Ruwa amewika wandu wa mbahanyi wa Wamidiani mawokonyi hadu.”

1SAMWELI 14:12

Wafilisti wawei mfiṟihenyi wakalaha Yonathani na manake ulya alemdaṟa shisha, “Kenjonyi na kunu kodu, lumuloṟe kindo.” Yonathani kawia manake ulya awemdaṟie shisha Njiosha, “Mndumii-Ruwa amewawika mawokonyi ha Waisraeli.”