WACHILI 7:12 - Bibilia Kui Mdedie fo Kimochi

¹² Wamidiani, Wameleki na wandu wose wa ora lo ngamenyi walelaa pichinyi cha nzihe, na ngamia tsawo tsilechiwa italo, tsifoi cha msanga fo wambaṟa lya ipalyipalyi.

WACHILI 7:12 ပူးပေါင်းရင်းမြစ်များ

1WAMANGI 20:27

Wana wa Israeli nawo wakaitalo wakainengo shelya wakahenda shidenyi; wana wa Israeli wakawawedia wai machekeṟo hawi cha mapoo hawi ha mburu; kyasia Washami wakaichuṟa oruka.

1WAMANGI 4:30

Wulaanyi wo Solomoni wuweidie wulaanyi wo wana wose wa ora lo ngamenyi, na wo Misri.

SHIIMBO SHA DAWIDI 3:1

Mndumii, watuuri wako wafo mnu, Nyi wafoi, wakeri injiṟinjawia.

SHIIMBO SHA DAWIDI 33:16

Kuwode mangi ekekia kipfa kya mfoeṟa fo wuidimi woke pfo, Manya mbahanyi ekyekia kipfa kya mfoeṟa fo pfinya pfo.

YEREMIA 46:23

Wechimanya ngeṟa isie kuchu, ma chandu ilekewa iida napfo, nyi inyi Mndumii-Ruwa ngahamba, kipfa wo nyi wafoi cha nzihe walechiwa iitala.

YOSHUA 11:4

Iwa wose wakasanza mbahanyi tsawo tsing'anyi mnu. Nawo nyi wawefoi cha msanga fo kufui na ipalyipalyi warie magari hawo hafoi na frasi sa tsifoi.

WACHILI 6:3

Orio kiheri Waisraeli wawaaya mbeu mademenyi hawo, Wamidiani, Waameleki na wandu wengi wa ora lo ngamenyi wawekecha iwatuura na iwalisa wukiwa.

WACHILI 6:33

Wamidiani, Waamaleki na wandu wose wawekekaa mbai ya meda fo Yordani wakahenda wakakaa kiidi kya pichi lya Yezreeli.

WACHILI 6:5

Wakituwa waweichiwie icha wafoi cha mamiingi fo nzihe, hamu na mbe na ngamia tsawo na isamia oruka lu lo Israeli cha lowo, itane oruka lonyamaṟika kipfa kya mfoeṟa fo wandu walawa italo.

WACHILI 7:13

Gideoni kekishika, kaicho mndu umu kechiongoya odoe ndodo yake. “Njilelodia ndodo. Njilewona mkate fo shayiri fochipiṟimka itane kiṟaṟonyi lya Wamidiani fukakapa ihema itane lyapfuluka huye kukahalukia wanda. Ihema lyikalaa wanda.”

WACHILI 8:10

Zeba na Salmina wawekeri ipfo Karkoni hamu na wandu wa mbahanyi shiku ikumi na shitanu (15,000) nyiwo tupu waletsuhaa kiidi kya wandu walya wa mbahanyi wa ora lo ngamenyi, kipfa wodoyawo shiku ihana na makumi hawi (120,000) walewoho.

1SAMWELI 13:5

Wafilisti wawewode magari ha shida shiku makumi haṟaṟu, wasikari wedoya frasi shiku makumi haṟaṟu, wasikari wedoya frasi shiku shiṟandaṟu naichekeṟo lya waskari wa madende wafoi cha msanga fo mawambao ha ipalyipalyi; wose waledo nahuye wakawika ikambi lyawo kulya Mikmashi, ora lo ngamenyi lo Beth-aveni.

1SAMWELI 30:17

Dawidi nalewooka wokia ngamenyi tane ili lya ngama kyukanyi. Kuwode mndumsoṟo alekiapfo shile nyi wanake mahana haana sa waledooya ngamia wakadicha