WACHILI 6:34 - Bibilia Kui Mdedie fo Kimochi

³⁴ Indi mumuyo fo Mndumii-Ruwa fukachea Gideoni. Gideoni kakapa ombe kalaha Waabiezeri wache imwosha.

WACHILI 6:34 ပူးပေါင်းရင်းမြစ်များ

1MBONYI TSA MAHERI 12:18

Kyasia, Mumuyo kachea Abishai, mnene o wasongoru walya wa wandu makumi haṟaṟu (30), nao kahamba, “So nyi wandu wapfo, ee Dawidi, lukeri ora lumu na iyo, ee Dawidi mana o Yese! Ofoṟo luwe na iyo, na ofoṟo luwe na mndu ulya oose echikutarama! Ruwa nakeri na iyo.” Kyasia, Dawidi kawaambia, kawainenga wusongoru, olemalinyi loke.

1MBONYI TSA MAHERI 12:19

Wasikari maata wa Manase waledicha Olemali lo Israeli wakakulunga na Dawidi kiheri alekulunga na Wafilisti ihenda ikapana na Mangi Sauli. Kyaindi wasongoru wa Wafilisti waleleha Dawidi na wandu wake walakihende nawo. Walehamba, “Mndu chu nyi echiidima iluwikia mtambo na ilutewa luwe kiidi kya ndenga nao nawuye ko Mangi oke o Sauli.”

2MBONYI TSA MAHERI 24:20

Nyilyondi Mumuyo fo Ruwa fulecha huye ya Zekaria mana o mkohanyi Yehoyada, nao kahoṟoka oshangunyi lo wandu handu kukuirie huye kitutu, kawawia, “Iki nyikyo Mndumii-Ruwa ahamba: Nki ili momina mawawaso ha Mndumii, wulalu mochiidima ihuyo-pfo! Moda Mndumii-Ruwa, nao kamuda!”

SHIIMBO SHA DAWIDI 51:11

Ulanjiletsane na kyamu kyapfo, manya mumuyo opfo mwele ulanjisoke.

MAITALA 10:3

Tsose tsitsiwi tsikamekapo handu hamu, wandu wose wechikuwumbia kufui na iyo kufui na mongo fo ihema lyesanzia.

WAROMA 13:14

Kya indi kuṟaaenyi Mndumii Yesu Kristo, mfo mṟaae fonu, mukuṟise kundu iwetesya moo lilawone lyechiamtsa lango mbicho.

WAGALATIA 3:27

Cha kipfa nyo ilindi mulempatisyo Kristo nyio Kristo mukawemtana mṟaae yanu.

YOSHUA 17:2

Walya wengi wa oshari lo Manase nyi waleinengo handu hengi ko kuṟu kuhya sumuhana na mba tsawo. Shishari sho nyi shilya sha Abiezeri, Heleki, Asrieli, Shekemu, Heferi na Shemida iwa wose nyi wana wa kisoṟo wa Manase mana o Yosefu.

WACHILI 13:25

Mumuyo fo Mndumii-Ruwa fukawoka imkaya kakaa ipfo Mahane-dani, kiidi kya Sora na Eshtaoli.

WACHILI 14:19

Naalyo mumuyo fo Mndumii-Ruwa fukachea Samsoni ko pfinya ing'anyi, kahenda mṟinyi fo Ashkeloni, kawaha wandu makumi haṟaṟu (30), numa kaduo maṟao ha mkonu mnene kainenga walya waledambuo oṟayo lulya. Kiidima kahenda ko wafee wake aichuo nyashi.

WACHILI 15:14

Kekishika Lehi, Wafilisti wakacha wechidicha na ikapa kitohio. Peṟeseng'u mumuyo fo Mndumii-Ruwa fukasokia Samsoni na shiwoho shilya wawepfungie nasho Samsoni mawoko hake shikawa cha kitanyi kyaitso modonyi, na shilya shiwempfungie shikaoloka wanda.

WACHILI 3:10

Kyasia, mumuyo fo Mndumii-Ruwa fukachea Othinieli, nao kawa mchili o Waisraeli. Othinieli kahenda shidenyi nao Mndumii-Ruwa kadambika Kushan-rishathaimu mangi o Mesopotamia mawokonyi hake.

WACHILI 3:27

Kekishika-pfo kakapa ombe kiidi kya oruka lo mafumvu ha Efraimu, na Waisraeli wakasoka kimu nao wawuka mafumvunyi nao kawasongoya.

WACHILI 6:11

Malaika o Mndumii-Ruwa kahenda kadamia wanda ya ikidi lya Yoashi, Mwaabiezeri, ipfo Ofra. Gideoni mana o Yoashi nawesukuo ngano kisimenyi kekamia sabibu kundu Wamidiani walambone.

WACHILI 8:2

Kyaindi Gideoni kawahaluo, “Shindo njilewuta inyi chi kindo-pfo koṟinganyisha na shilya mulewuta nyo. Kindo wandu wa Efraimu walesanyia numa ya shilimu nyi shishicha kota shilimu sha wandu wako wa Abiezeri.

1SAMWELI 10:6

Mumuyo fo Mndumii-Ruwa fochikusokia na pfinya, na iyo nochiwooka ihamba shisuku handu hamu nawo nohaluke nowe mndu ungi.

1SAMWELI 11:6

Oweṟe, Sauli kekiicho madedoho, mumuyo fo Mndumii-Ruwa fukamchea na pfinya, nyashi yake ing'anyi ikado.

1SAMWELI 13:3

Yonathani kawingakiṟaṟo kya shida msongoru o shidenyi o Wafilisti ipfo Geba, na Wafilisti wose waleicho mbonyitso. Ko ikyo Sauli nalekapa iranda kulya orukenyi kose kechihamba, “Waebri waadanye.”

1SAMWELI 16:14

Lyefurumia mumuyo fo Mndumii-Ruwa fukawuka ko Sauli, na mṟufu mmbicho fuwuka ko Mndumii-Ruwa fukamlisa wukiwa.