WACHILI 6:31 - Bibilia Kui Mdedie fo Kimochi

³¹ Yoashi kawia wandu walya walemchea, “Nyo nyi mukeri ko Baali? Ngesa mukundi imkiṟa? Mndu-cho echikaa ora lo Baali nechiwoho makunda ikya. Kokoya Baali nyi ruwa nakudedie o amonyi kipfa rasio lyake lyilewunduyo.”

WACHILI 6:31 ပူးပေါင်းရင်းမြစ်များ

1WAMANGI 18:27

Kiheri kya mfiri fo saa tsiṟandaṟu Elia kawataluo, kechihamba, “Mlahenyi ko ṟu lying'anyi kipfa icho nyi ruwa, kofia naideda, ang'u napfuṟukana ang'u nahenda kyaṟo, ang'u kofia nalee, kiwaṟi naamtso.”

1WAMANGI 18:29

Kiheri kya mfiri fo saa nyanya wakaterewa kyaindi ote lohi kilafume kindo, kuwewode ṟu, ma mohaluo ma moambuya-pfo.

1WAMANGI 18:40

Elia kawawia, “Wadenyi waikimbi wa Baali, nalakie ma umu.” Wakawawada, na Elia kawaduo mṟasa kimeda kya Kishoni kawawaahia pfo.

IWUKA 23:2

Kulaoshane na chila yewuta mawicho manya kulawike wuṟingishi wopfo kiidi kya idedo lyose, indi uhambe lohi mkonu yose.

YESAYA 41:23

Luwienyi chandu shechiwa, naso luidikie ke nyo nyi ruwa; ee da, wutenyi mecha ang'u mawicho, lukuheshe, luwone kimu.

YESAYA 46:1

Beli naho wanda, Nebo nahongoma; sanamu tsawo tsii huye ya mando hai na moo, na huye ya mbe; shindo shilya muwekeri ishiduo kunu na kunu, mukaṟahaṟaha nasho shiwei mhanda, mhanda folemeṟa indo lyekudika lileheli.

YESAYA 46:7

Wekemduo makosohu hawo, wakaweduo sanamu yo wakaihoṟotsa; yechiidima iteshukaho ma ndambu imupfo; kokoya ailaha yeidikiapfo, kipfa yekeichopfo, ma kudo yechiidima imkiṟa kiidi kya ngataṟa tsakepfo.

YEREMIA 10:11

Kyasia nochiwawia kudi: “Maruwa halaleidima iwika ruwehu ma oruka hechisaramaya kunu wuyana na wanda ya ngina.”

YEREMIA 10:5

Shindo sha mbaṟi i shifananyi na sheringa shilehe, kiidi kya mdemi fo mbeke, ang'u Ngano, shekededa pfo; na kikaki na shiiro kipfa sheidima ichumia-pfo. Mulaowesho nyi sanamu tso. Kipfa tsilechiidima iwuta kyose. Ma iṟunda kindo kicha kyose.

MAITALA 14:6

Yosua, mana o Nuni na Kalebi, mana o Yefune, sa wawei kiidi kya wandu walya walehenda itiichia orukalo, wakaranduo nguo tsawo

1 WAKORINTO 8:4

Kyasia kya mlie folya nyama tsilya tsiinjidasye maruwa ha wongo na luichi ke maruwa ha wongo hakeri wuyana lohipfo, na ke kulaipfo Ruwa shile ichu umu.

WAEFESO 5:11

Ma mulakusanze na wewuta mawuto halai mecha, halya ha meema, kya indi muwadedye.

WACHILI 6:30

Wandu wa mṟinyi wakachea Yoashi wakambia, ‘Wuta mana opfo lumbahe, kipfa nanyamaṟa rasio lyadu lya Baali na ifunja sanamu yadu ya Ashera iwei hafui nalyo.’”

WACHILI 6:32

Mkonu fo wakalaha Gideoni Yerubaali ilyi lyahamba, “Baali nakudedie amonyi oshangunyi loke, ‘Kipfa nalewunduo rasio lya Baali.’”

1SAMWELI 12:11

Naho Mndumii-Ruwa kaduma Yerubaali, na numa kaduma Bedani (Baraka) numa kaduma Yefta, na lyefurumia kanjiduma inyi Samweli. Orio umu odu nalewaashuo kuwuka ko wakituwa wanu wawemṟingichie, nanyo mkakaa na kipuo.