WACHILI 6:16 - Bibilia Kui Mdedie fo Kimochi

¹⁶ Mndumii-Ruwa kambia, “Njechiwa hamu na iyo; na iyo nochiarisia Wamidiani wanda kiwe cha nyiwe mndu umu.”

WACHILI 6:16 ပူးပေါင်းရင်းမြစ်များ

IWUKA 3:12

Na Mndumii-Ruwa, kahamba, “Nkya lohi njechikaa hamu na iyo na kichano ke nyi inyi ngakuduma nkyo iki; komemarisa iwuta wanduwo ipfo Misri, mochiindia Ruwa kunu fumvunyi.”

YESAYA 41:10

Ma kulaowuo; kipfa inyi njii hamu na iyo; kulawado nyi makangao, kipfa inyi nyi Ruwa opfo; njechikuwika pfinya, ee, njechikutarama, ee, njechikuwada na owoko loko lo kulyo lo wusumhanyi woko.

MATAYO 28:20

Mbewalosha wakae na mbonyi tsilya njimbawasye tsose. Nahong'u ambuyenyi njii nanyo mafiri hose na kuwede kushike ili masiyonyi ha wuyana.”

MARIKO 16:20

Na walya wa kiloshionyi wakahenda wakaongoya-pfo kose, Mndumii kechiwatarama na idedo lilya wahamba kaliwanza na shiṟingishyo shilya awainengye shewaimya.]

MAWUTO HA WASU 11:21

Nalo owoko lo Mndumii lukakaa nawo lukaenenga mfeṟa fo wandu fung'anyi fomshika iidikya fukahalukya Mndumii.

NGUMBUO YA MAWAWASO 20:1

“Mukahenda shidenyi ikapana na wakituwa wanu mkawona frasi, makari ha shida na matorito hang'anyi kota hanu mulawaowuo. Kyamba Mndumii-Ruwa, Ruwa onu, alemuwuta Misri nechikaa nanyo.

YOSHUA 1:5

Ambuya Yoshua, kuwode mndu ose echiidima iwinzana na iyo kiheri kyose ui na moopfo nyi njechikaa na iyo chando njiwei na mṟundi oko Mose, nyi njechikaa handu hamu na iyo manya njechikulekiapfo.

YOSHUA 10:8

Mndumii-Ruwa kawia Yoshua, “Manya ulaowuo ma kitutu kyamba ngamma iwawika mawokonyi hapfo, kuwode manya umu echiidima ikusembeliapfo.”

WACHILI 2:18

Orio kiheri Mndumii-Ruwa amewadikia mchili, Mndumii-Ruwa nawekekaa na msongurucho; kawaashuo mawokonyi ha wakituwa wawo kiheri kyose kya moo fo msongorucho. Mndumii-Ruwa nalewaichio wukiwa mandi aleicho kieṟeṟo kyawo kya matuuro na mbaka walewutio.

WACHILI 6:12

Malaika o Mndumii-Ruwa kambonekia, kambia, “Mndumii-Ruwa nai na iyo, iyo mbahanyi.”

WACHILI 6:36

Gideoni kawia Ruwa “Kokoya nochichiṟa Israeli kui owoko loko chandu ulehamba,

RUTI 2:4

Kiidima Boazi kacha awuka Bethlehemu kaiṟikiṟa walya wesambuo kahamba, “Mndumii nakae nanyo.” Nawo wakamiidikia, “Mndumii nakuwikie ona.”