WACHILI 6:13 - Bibilia Kui Mdedie fo Kimochi

¹³ Gideoni kambia, “Hoi Mndumii oko, kokoya Mndumii-Ruwa nai naso-le, kitewe mbonyi-tsi tsilukooye nki? Heku mawuto hake ha ṟiho iho waku wadu waleluongoya, wechihamba, ‘Mndumii-Ruwa nyio aleluwuta orukenyi lo Misri. Indi wulalu Mndumii-Ruwa nalelukumba na iluwika mawokonyi ha Wamidiani!’”

WACHILI 6:13 ပူးပေါင်းရင်းမြစ်များ

MAWOOKIONYI 25:22

Wana wakatangiṟana wusunyi woke. Nao Rebeka kahamba, Kokoya nyi wudi, kiira kiki ikaa na moo? Kahenda iwesa Mndumii.

2MBONYI TSA MAHERI 15:2

nao kakure kahenda ioshana na mangi Asa, kambia, “Njiadanyia, ee mangi Asa na wandu wose wa Yuda na Benyamini! Mndumii-Ruwa, nakeri hamu nanyo, kokoya nyo mukeri hamu nao. Mukoshiha Ruwa, mochimbona, kyaindi mukamda nao nechimuda.

SHIIMBO SHA DAWIDI 27:9

Ulanjiṟike kyamu kyapfo, Ulakushowe na mṟundi opfo kya nyashi. Nyi ukeri ngaya yako ulanjikumbe, Manya ulanjide, Hoi Mndumii o Okiṟo loko.

SHIIMBO SHA DAWIDI 44:1

Hoi Ruwa, luleicho na madu hadu, wandeadu waleluwia, mawuto ulewuta kiheri kyawo, lilya mbooko:

SHIIMBO SHA DAWIDI 44:2

Kui owoko lopfo nyi ulewingia wandu wa mkambo, Kowawika-pfo handu hawo. Iyo kulelyisa wandu-wo wukiwa, kopfumbutsa waku wadu.

SHIIMBO SHA DAWIDI 44:9

Kyaindi nyi ulelukumba, nyi ulelusutsa; ma uhendesanyi naso shidenyi pfo.

SHIIMBO SHA DAWIDI 89:49

Mndumii, nku wui wuoloru wulya wopfo wo kuwoka; kulewuliia nyamu Dawidi ko wuhendeli wopfo?”

YESAYA 41:17

“Mkiwa na ulya ahuṟi washiha mṟinga, ma kudo kuwodepfo; njolimi tsawo tsinjihadutsu kipfa kya wuangari; inyi Mndumii njechiwaicho, inyi Ruwa o Israeli kya lohi njechiwadapfo.

YESAYA 63:11

Nlyo mandi alekumbuo mafiri halya ha kuwoka, kiheri kya Mose na wandu wake kehamba, “Oku ulya alemdosa wuka ipalyipalyinyi hamu na walisi wa ipo lyake? Oku ichu alewika Mumuyo Mwele kiidi kyawo?

YESAYA 63:15

Ambuya wokia ruwehu, uwone wuka handu ha wuitoṟi wopfo na wumangi wose; iṟisa-ṟisa na pfinya yapfo sheku? Msiha fo mrima fopfo,

YEREMIA 23:33

Kokoya wandu wa ang'u mwikimbi ang'u mkohanyi kakuwesa ke, “Mhanda fo Mndumii nyi kiki? Naalyo ochihamba, ‘Mhanda fuhya?’ Mndumii ahamba njechiwakumba kuleshe.

WAROMA 8:31

Aka luhambe-se luda kya iki? Komkoya Ruwa ailuikaya aka ichu alufoye nyi wu?

NGUMBUO YA MAWAWASO 29:24

Ee-da, mkambo yose wechihamba; Nki ili Mndumii-Ruwa aletana adi orukalu? Nyashi ing'anyi mbaṟi ii yaloṟaki?

NGUMBUO YA MAWAWASO 31:17

Nlyondi nyashi yako yechiwachea mkonufo, na inyi njechilekana nawo njiowishe kyamu kyako kuleshe nawo, wechikombetso. Mawicho hafoi na mawina shechiwarohia tane wakumbuo ke mawichoho hawahoya kipfa Ruwa owo ai kiidi kyawopfo.

WACHILI 6:1

Waisraeli walewuta mawicho oshangunyi lo Mndumii-Ruwa, nao kawawika mawokonyi ha Wamidiani maka mfungade.

WACHILI 6:12

Malaika o Mndumii-Ruwa kambonekia, kambia, “Mndumii-Ruwa nai na iyo, iyo mbahanyi.”