WACHILI 6:10 - Bibilia Kui Mdedie fo Kimochi

¹⁰ Kiidima ngamukumbuṟa ke inyi nyi Mndumii-Ruwa, Ruwa onu, ngoseṟa mulaindie maruwa ha Waamori, iwa mulewada oruka lowo, mulekunda iadanyia ṟu lyakopfo.’”

WACHILI 6:10 ပူးပေါင်းရင်းမြစ်များ

2WAMANGI 17:13

Mndumii-Ruwa kaduma waikimbi na walya wewona kechitutuma Israeli na Yuda kechihamba, “Lekanenyi na njia tsanu njiwicho, muindie mawawaso hako chandu njilewia wandeanu ngawaikimba kui madumbu ha waṟundi wako wai waikimbi.”

2WAMANGI 17:33

Ko ikyo wawekeindia Mndumii-Ruwa, kiheri na ikyo wakaindia maruwa hawo waleduo wawuka orukenyi lowo.

2WAMANGI 17:7

Ishi shose shilewutika kipfa wandu wa Israeli waledekio Ruwa Mndumii owo, ichu alewawuta Misri owokonyi lo Mangi, o Misri, wakaindia maruwa hengi

NEHEMIA 9:29

Kowaikimba waindie mawawaso hapfo. Kya indi kipfa kya mrima yawo injiumu, walaikunde iindia wuwawaso wopfo, kyamba ichu moindia wuwawaso wopfo nyi sa echikaa na moo. Nawo ko orikiki lowo, walakunde iicho ang'u iwa wahendeli.

IWUKA 34:12

Kuṟise mrimafo fopfo, kulachewika mkundana na wenyi wa orukalo oluhendia, fulawe mdeho kiidi kyapfo.

IWUKA 34:14

Kyamba wechiindia ruwa lyingipfo, cha kipfa Mndumii-Ruwa, ichu ai rina lyake nyi menyi wunyenyi, nyi Ruwa menyi wunyenyi.

MFANANO 5:13

Ma njileadanyia ṟu lya walosha wako pfo, njiledeha kudu ko walya walenjilosha pfo!

YEREMIA 10:2

Mndumii nahamba adi, “Mulakuloshe kiidi kya njia ya wandu wa mkambo, manya mulaṟihisho nyi shichano sha nginehu; deenyi wandu wa mkambo waṟihisho nyi sho.

YEREMIA 17:23

Ma kudo waleadanyia ma ideha madu hawopfo waleumiṟa nzingo tsawo kundu walaadanyie ma iambia kiloshio.’

YEREMIA 3:13

Tocha njoyamaṟo tsapfo tsose ke nyi uledekio, Mndumii-Ruwa opfo, na njia tsapfo ihendia wahenu, wanda ya orio ikidi liwode maṟa mawishi ma ulakunde iicho ṟu lyako.” Mndumii ahamba.

YEREMIA 3:25

Lulae na sonu tsadu, iṟenze lyadu lilushikie; kipfa luledekio Mndumii-Ruwa odu, so na wandeye wadu, wokia wukoho wodu itane inu, ma luleindia ṟu lya Mndumii-Ruwa odu-pfo.”

YEREMIA 42:21

Inu nyi ngamuwia indi moindia kyose Mndumii-Ruwa, Ruwa onu anjiduma njimuwie-pfo.

YEREMIA 43:4

Kyasia, Yohanani mana o Karea na Wanene wose wa shida hamu na wandu wose wakamina kilya Mndumii-Ruwa alehamba ke wakae kiidi kya oruka lo Yuda.

YEREMIA 43:7

wakahenda orukenyi lo Misri wakashika mṟinyi Tahpanesi. Nyi wudo waleleha iindia kilya Mndumii-Ruwa alededa.

YEREMIA 9:13

Nao Mndumii kahamba: “Nyi kipfa kya imina mawawaso hako njilewainenga ma walaidikie ṟu lyako ma ihenda sumuhana nalyo.

SEFANIA 3:2

Fuleindia Ṟuwa-pfo; fuleidikia iwawaso-pfo, ma fuleidikia Mndumii-pfo; fulekaa hafui na Mndumii-pfo.

WAROMA 10:16

Kya indi chi wose waleambia Ndumi ya Siapfo. Kyamba Yesaya ahambye, “Hoi Mndumii, nyio-wu aleidikya ndumi yadu?”

WAEBRANIA 5:9

Ili alemaa yawutsio adi, lyo likamtana moendie iwa wamwidikye okiio lo mlungana wose.

YOSHUA 24:15

Kokoya mlakundi iindia Mndumii-Ruwa, kyasia sambuṟenyi inu tichi nyiu mukundi imṟundiya ngesa nyi maruwa halya ha wongo wameku wanu walehaindia kulya mollolya fo meda fo Efrate, ang'u maruwa halya ha Waamori iwa mukeri kiidi kyawo. Kyaindi inyi na mba yako nyi lochiṟundia Mndumii-Ruwa.”

WACHILI 2:2

Kyanu nyo njilemututuma ke mulawike mkundano na wandu wa orukalu na rasio tsawo mochitsifunjafunja. Kyaindi nyo muleindia iwawaso lyakopfo. Nki ili mulewuta kiwungi?

WACHILI 6:9

ngamuwuta mawokonyi ha Wamisri wose walemutuura. Ngafuna wandu oshangunyi lonu ngamuinenga nyo oruka lowo.