WACHILI 5:18 - Bibilia Kui Mdedie fo Kimochi

¹⁸ Wandu wa Zabloni nyi wandu walereka moo yawo kiidi kya opfu ma wandu wa Naftali walereka moo yawo kiidi kya madema hakuirie.

WACHILI 5:18 ပူးပေါင်းရင်းမြစ်များ

MAWOOKIONYI 35:23

Wana wa Lea nyi Reubeni mana mmbe o Yakobo, na Simioni na Lewi, na Yuda, na Isakari, na Zebloni.

MAWOOKIONYI 35:25

Wana wa Bilha kisinga kya Raheli, nyi Dani na Naftali.

ESTA 4:16

“Henda usanyie Wayuda wose wai kunu mṟinyi fo Susa handu hamu. Kuotoenyi, mulalye ma inyo komfiri iṟaṟu, kio na mfiri, kipfa kyako. Inyi na shisinga shako nlochiwuta cha nyo. Kiidima njihende ko mangi ma chandu kulawode momu, kokoya nyi iwoho njiwoho.”

SHIIMBO SHA DAWIDI 68:27

Kuwode Benyamenyi mtutu, mowachilia, wanene wa Yuda, chekeṟo lyawo; wanene wa Zebuloni; wanene wa Nafutali.

MAWUTO HA WASU 20:24

Kya indi njiiringa moo foko fuwembiia mlodopfo. Kilya njiiringa nyi kingi, nyi kundu njekaa njikumarisye ohendo loko lo kipfuṟukanyo kilya njii mdambikye nyi Mndumii Yesu kyeṟingishya ndumi njicha ya wutonga wo Ruwa.”

1YOHANE 3:16

Hando lulekuwutya-ho imanya ikunda, nyi ili o Kristo alereka moo foke kimaduma kyaduso. Naso Kiluwaṟi lureke moo yadu hando ha wanawawama wadu.

OTAMBAHALUO LO YOHANE 12:11

Wana wa wama wadu wamembinza kui samu ya Kidahina ki na kui dedo lya wuṟingishi wowo, kipfa walawekukundi wawenyi shika opfu.

WACHILI 4:10

Baraka kalaha shishari sha Naftali na Zabloni ipfo Kedeshi, wandu shiku ikumi (10,000) wakamwosha. Debora kahenda nao.

WACHILI 4:14

Debora kawia Baraka, “Kure! Inu nyi mkonu fulya Mndumii-Ruwa echidambika Sisera mawokonyi hapfo. Mndumii-Ruwa nechihenda kusonguo kopfo.” Kyasia, Baraka kasoka awuka fumvuhu lya Tabosi kechisongoya wandu wake shiku ikumi (10,000).

WACHILI 4:6

Mkonu fumu kalaha Baraka mana o Abinoamu o Kadeshi orukenyi lo Naftali. Kechicha kambia, “Mndumii-Ruwa, Ruwa o Israeli, nakuwia adi, ‘Henda usanyie wandu wapfo fumvuhu lya Tabori, nosambuṟe wandu shiku ikumi (10,000) kiidi kya shishari sha Naftali na Zabloni.

WACHILI 6:35

Kaduma wandu kiidi kya oruka lose lo Manase wache imwosha kaduma wengi walahe wandu wa oshari lo Asheri, Zebuluni na Naftali, nawo wakacha ikusanza nao.