WACHILI 4:16 - Bibilia Kui Mdedie fo Kimochi

¹⁶ Baraka kaosha ichekeṟo-lyo na magari mṟasa Harosheth-hagoimu kawaha wandu wose wa shida wa Sisera ko oshu; nalaashuke-ho ma umu.

WACHILI 4:16 ပူးပေါင်းရင်းမြစ်များ

SHIIMBO SHA DAWIDI 104:35

Wawode wunyamaṟi wakombetso iya wuyana, wewuta mawicho walakaesepfo. Hoi mrima foko ṟumisha Mndumii.

SHIIMBO SHA DAWIDI 83:10

Sa walekombetsio Endori. Wakawa kyala orukenyi.

SHIIMBO SHA DAWIDI 83:9

Kewawutie cha Midianyi, na cha Sisera, cha Yabini, kulya kimedenyi kya Kishoni.

IWUKA 14:28

Mṟinga fulya fukawuya fukafihisuo makari na wedoya frasi, na ichekeṟo lyose lya Farao lyileida na ipalyipalyinyi numa yawo; kuletsuhaa mndu ma umupfo.

YESAYA 43:17

kiheri njilekapa wandu wa mbahanyi wawode magari ha shida na frasi; ngawaarisia wanda wechiidima kindopfo, wakaruma cha kimui.

WAROMA 2:12

Kyamba iwo wawetahachie walaweichi wuwawaso wo Mose na wachideka kulawode wuwawaso, na walya wawetahachie waichi wuwawaso nyi wechidumbuyo mondu na mweke fo wuwawaso.

YAKOBO 2:13

Kyamba mndu alekesaṟya, mdumbuye ii yechimhoya inletsane na isaṟia. Isaṟia lyashika iwikyo kiṟumi na ipfo mdumbuyenyi.

YOSHUA 10:10

Nao Mndumii-Ruwa kawainenga wuowu wung'anyi oshangunyi lo Waisraeli iwo walewaha wandu wafoi kulya Gibeoni na iwadichiṟa njia tsa msaṟinyi tsa Bethi-haroni mṟasa Azeka na Makeda alya handu walewaha wandu sa wafoi mnu.

YOSHUA 11:8

Mndumii-Ruwa kawadambikia mawokonyi ha Waisraeli wakawakapa na iwawingia mṟasa Sidoni ing'anyi na Misrefothi-maimu mṟasa ora lo ngamenyi kiidi kya ipichi lya Mispa. Nalyo Waisraeli wakawakapa na iwawaha wose.

WACHILI 4:17

Kyaindi Sisera kadicha na madende mṟasa ihemenyi lya Yaeli, mka o Heberi, mkeni. Nalewuta ado kipfa kuwewode ofoṟo kiidi kya mangi Yabini o Hazori na kishari kya Heberi.

WACHILI 4:2

Mndumii-Ruwa kawadambika mawokonyi ha Yabini mangi o Wakaanani, awekekaa Hazori. Mnene o wandu wa mbahanyi, nyi Sisera o kikunyi kya Haosheth-hagoimu.