WACHILI 4:14 - Bibilia Kui Mdedie fo Kimochi

¹⁴ Debora kawia Baraka, “Kure! Inu nyi mkonu fulya Mndumii-Ruwa echidambika Sisera mawokonyi hapfo. Mndumii-Ruwa nechihenda kusonguo kopfo.” Kyasia, Baraka kasoka awuka fumvuhu lya Tabosi kechisongoya wandu wake shiku ikumi (10,000).

WACHILI 4:14 ပူးပေါင်းရင်းမြစ်များ

MAWOOKIONYI 19:14

Loti kakure kadeda na walya waalikie wana wake kahamba, “Kurenyi handuha kipfa Mndumii RUWA nainyamaṟa mṟifu.” Kya indi kikawa cha ili airohia kiidi kya waleu walya warie wana wake wa kika.

MAWOOKIONYI 44:4

Na wekikure kulya mṟinyi, ma walameshika haleshe mnu, Yosefu kawia ulya mohoṟokia mba yake, “Kure, nooshe wanduwa, na iyo komewakoya, wawie, ‘Nki ili motaa mawicho ko mecha?’ Nki ili moiwa kikombe kya mndumii oko.

2SAMWELI 5:24

Koicho mtiṟi ya madende iwuka huya mashidi halya ha miforosadi, woka ikapana nawo, kipfa mtiṟi fomuwia Mndumii nakeri oshangunyi lonu echimukapanyia na iwinza Wafilisti walya.”

YESAYA 52:12

Kipfa mulechiwuka owinyi, ma mulechidicha, kipfa Mndumii nyi echimusongoya; na Ruwa o Israeli nechimuosha numa; namuringe.

MIKA 2:13

Mndumii nechiṟuhuo njia nawawute wusingenyi nawasongoe, nawo wechifunja kichumi wahende. Mangi yawo Mndumii amonyi nechiwapfunguo nawasongoe.”

NGUMBUO YA MAWAWASO 9:3

Manyenyi inu tichi ke nyi Mndumii-Ruwa, Ruwa onu, ichu aimusongoya chandu modo fokombetsa mashidi. Nechiwawinga oshangunyi lonu na iwakombetsa, ko ikyo mochiwafuna na iwakombetsa oweṟe chandu Mndumii-Ruwa alemuteṟia.

YOSHUA 10:8

Mndumii-Ruwa kawia Yoshua, “Manya ulaowuo ma kitutu kyamba ngamma iwawika mawokonyi hapfo, kuwode manya umu echiidima ikusembeliapfo.”

YOSHUA 7:13

“Kyasia kure nohende iheṟemtsa Waisraeli; ochiwawia wakuheṟemtse kipfa kya mkonu fongama, kyamba inyi Mndumii-Ruwa, Ruwa o Israeli nyi ngahamba njidi, ‘Kiidi kyanu nyi kuwode shindo shilewuto ke shinyamaṟo, koikyo mochiidima ilimbana na wakituwa wanu pfo na itane shindo sho shahenda iwuto ipfo kiidi kyanu, shihende irumatso.

WACHILI 19:28

Kambia, “Hoṟoka luhende.” Kyaindi o nalahaluo kindo. Kamduo kamhekia huya nzoi yake kamduo mṟasa kanyi koke.

WACHILI 4:10

Baraka kalaha shishari sha Naftali na Zabloni ipfo Kedeshi, wandu shiku ikumi (10,000) wakamwosha. Debora kahenda nao.

WACHILI 7:9

Kio kilya, Mndumii-Ruwa kawia Gideoni, “Henda usokie kiidi kyawo kipfa njiwawikie mawokonyi hapfo.

1SAMWELI 9:26

Ili lya ngama ngamenyi kilawo, Samweli nalelaha Sauli kuwuka kulya kai: “Kure, kundu njikuimie nowuye na kanyi.” Sauli nalekure, na wose wawawi, o na Samweli, wakakure wakahenda paṟepaṟenyi.