WACHILI 3:11 - Bibilia Kui Mdedie fo Kimochi

¹¹ Nalyo oruka lukawada ofoṟo maka makumi hana (40). Kyasia Othinieli mana o Kenazi kapfa.

WACHILI 3:11 ပူးပေါင်းရင်းမြစ်များ

1MBONYI TSA MAHERI 4:13

Kenazi nawewode wana wawi wa kisoṟo; Othinieli na Seraya. Othinieli nao nawewode wana wawi wa kisoṟo; Hathathi, na Meonothai.

NEHEMIA 9:28

Kiheri ofoṟo lulewuya, wakawekunyamaṟia se, na iyo kowewada wakituwa wakawawinga. Indise kiheri waledumbuya na ikuterewa uwaashuose, kowewaadanyiase ukeri ipfo ruwehu; Iyo ku isaṟia lyapfo ling'anyi mnu, kowewakiṟa kafoi.

ESTA 9:22

Nyilyo Wayuda walewinza wakituwa wawo kiidi kya mkonu yo, na kiidi kya meri fo fowa yawo ikahaluka ikawa ya sia, na ipfiio lyawo lyikawa mfiri fo seka na sia. Wakawawaso wakumbuo mkonu fo wechisungusia mfuho na idikiana shindo sha nga, na wakiwa wadikio shelya na shindo shingi.

YOSHUA 11:23

Nyi wudo Yoshua alewada oruka lose sumuhana na shilya shose Mndumii-Ruwa awewawasie Mose. Yoshua kadambikia Waisraeli orukalo kundu luwe lowo wahende iluhawa sumuhana na njoshari tsawo. Nalyo kukawada ofoṟo orukenyi kulakikaesepfo shida.

YOSHUA 15:17

Kyasia, Othnieli mana o Kenazi ai mana o mae o Kalebu, kawinga mṟi fulya, nao Kalebu kamwalikia mana ulya oke.

WACHILI 3:10

Kyasia, mumuyo fo Mndumii-Ruwa fukachea Othinieli, nao kawa mchili o Waisraeli. Othinieli kahenda shidenyi nao Mndumii-Ruwa kadambika Kushan-rishathaimu mangi o Mesopotamia mawokonyi hake.

WACHILI 3:12

Waisraeli wakawuta-se wunyamaṟi oshangunyi lo Mndumii-Ruwa. Mndumii-Ruwa kainenga pfinya Mangi Egloni o Moabu nakape Waisraeli, kipfa walewuta wunyamaṟi oshangunyi lo Mndumii-Ruwa.

WACHILI 3:30

Mkonu naafo Waisraeli wakawinga Wamoabu. Oruka lukawada ofoṟo handu ha maka makumi nyanya (80).

WACHILI 3:9

Waisraeli wakafuhia Mndumii-Ruwa nao kawadikia mndu mowakiṟa elaho Othinieli mana o Kenazi, manawo o Kalebi.

WACHILI 5:31

“Ee Mndumii-Ruwa, wasaramae wakituwa wapfo wose! Kyaindi mbuya tsafo wawe cha mnengeṟi, kiheri fodo na ngela yafo ing'anyi!” Na oruka lukawada ofoṟo maka makumi hana (40).

WACHILI 8:28

Kyasia Wamidiani wakalemo kichikichi walaoweshe-se Waisraeli, na oruka lo Israeli lukawada ofoṟo ko maka makumi hana (40).