WACHILI 20:22 - Bibilia Kui Mdedie fo Kimochi

²² Indi Waisraeli wakakuwanza na ikusaya kya shida handu halya walekusaya lya kuwoka.

WACHILI 20:22 ပူးပေါင်းရင်းမြစ်များ

2SAMWELI 11:25

Kyasia, Dawidi kawia mṟundi ulya awemdume nahende iwihiṟia Yoabu moo na immbia, “Ulapfio nyi mdo kipfa shida shiwode meso pfo, na ochiidima imanya nyiu echipfa na nyiu echikia shidenyi pfo. Mbie naengeṟe ikapana kopfinya na iwada mṟi fulya, nalaowuo, naṟunda necha.”

SHIIMBO SHA DAWIDI 64:5

Walekutana waapfinya kui mbonyi njiwicho; wekewiana chando wechideha mdeho. Wekehamba, “Nyiu echiiwona?”

WACHILI 20:15

Wandu wa oshari lo Benyamini wakakusanza wawuka mṟinyi yawo mamiingi fo wandu shiku makumi hawi na shiṟandaṟu (26,000) wa shida, na wandu wengi wa Gibea wakasanza wandu mahana mfungade wasambuṟe (700).

WACHILI 20:17

Waisraeli, da kishari kya Benyamini wawesanzie wandu shiku mahana hana (400,000) weidima iwada shisha. Wose wawei wandu wa shida.

WACHILI 20:21

Wandu wa kishari kya Benyamini wakawuka nja ya mṟi fo Gibea wakakapana na Waisraeli, wakawaombotsa wanda mkonu-fo wandu wa Israeli shiku makumi hawi na shiwi (22,000).

WACHILI 20:23

Kyasia Waisraeli wakado huye, wakafihiṟia Mndumii-Ruwa mṟasa kyukanyi. Kiidima wakaterewa mbonyi ko Mndumii-Ruwa. “Ngesa luhendese ikapana na wodoyadu wa kishari kya Benyamini?” Mndumii-Ruwa kawahaluo, “Hendenyi ikapana nawo.”

1SAMWELI 30:6

Wulalu, Dawidi nawekeri kiidi kya ngataṟa tsing'anyi kipfa wandu wake wawewodo nyi fowa mrimenyi yawo kipfa kya ili wawedetsie wana wawo, wakamwowesha kya imkapa na maho. Kyaindi Dawidi kakukarisha mrimenyi na ikusiria Mndumii-Ruwa, Ruwa oke.