WACHILI 2:19 - Bibilia Kui Mdedie fo Kimochi

¹⁹ Kyaindi orio mandi msonguru alepfa, walewuya mchumie iya yawo ya kacha, wakawuta mavicho kota waku wawo. Waleosha maruwa hengi, wakahaṟundia na ihaaramia, manya waleda mawuto hawo na orikiki lowopfo.

WACHILI 2:19 ပူးပေါင်းရင်းမြစ်များ

MAWOOKIONYI 6:11

Wuyana wukanyamaṟika oshangunyi lo Ruwa wukaichuo wunesi.

NEHEMIA 9:28

Kiheri ofoṟo lulewuya, wakawekunyamaṟia se, na iyo kowewada wakituwa wakawawinga. Indise kiheri waledumbuya na ikuterewa uwaashuose, kowewaadanyiase ukeri ipfo ruwehu; Iyo ku isaṟia lyapfo ling'anyi mnu, kowewakiṟa kafoi.

SHIIMBO SHA DAWIDI 78:8

Ee-da, walawe cha wandee wawo, kishari kya mtoolo na wutimbiri, kishari kilekekusungusia mrimenyi, manya mrimenyi foke fulawei lohi ko Ruwa.

IWUKA 32:7

Mndumii-Ruwa kawia Mose, “Kyasia, sokang'u, cha kipfa wandu wapfo kulewawuta orukenyi lo Misri wamekunyamaṟa mrima yawo wawenyi,

YEREMIA 16:12

Nyo muletana owicho kota wandeanu kipfa orio umu onu nyi awode orikiki na makusaṟo mawicho mokenjiadanyia pfo.

YEREMIA 23:17

O mkonu wekewia iwo wanjiminyie, Mndumii nahamba mochiwada ofoṟo wakawewia orio mndu akuiwitie mrima foke. Kuwode kindo kemupaayapfo, kuwode kiwicho kyosepfo.”

YEREMIA 3:17

Mandi ho wechilaha Yerusalemu, “Kidi kya wuitoṟi kya Mndumii,” na wandu wa mbaṟi tsose wechikoyana Yerusalemu; iindia Mndumii-Ruwa. Ma wechihenda-se na orikiki lo mrima yawo njiwichopfo.

EZEKIELI 20:30

Wulalu wia mba yo ya Israeli le, nyi wudi Mndumii-Ruwa ahamba, ‘Nki ili muiosha mawuto halya hawichuṟie, halya waku wanu walewuta na iosha maruwa halya hawo ha wongo?

MATAYO 23:32

Nahong'u keichuṟenying'u kiheo kya waku wanu!

NGUMBUO YA MAWAWASO 31:29

Kipfa njiichi ke ngamepfa kya lohi mochiwa wanyamaṟi na ilekana na njia iya njilemuwawasa muioshe. Na mafiri hechicha mochicheyo mandenga kipfa mochiwuta mawicho oshangunyi lo Mndumii, na imsukiṟa kui mawuto hanu mawicho.”

YOSHUA 24:31

Kyasia Waisraeli nyi waleṟundia Mndumii-Ruwa kiheri kyose kya Yoshua na numa ya opfu loke wakaweengeṟa iṟundia Mndumii kiheri kyose wameku walya walewona ko meso hawo shindo shilya shose Mndumii-Ruwa alewutia Waisraeli.

WACHILI 10:13

Manya kudo nyo mulenjida, mukasingia maruwa hengi. Koikyo njechimukiṟa sepfo.

WACHILI 2:18

Orio kiheri Mndumii-Ruwa amewadikia mchili, Mndumii-Ruwa nawekekaa na msongurucho; kawaashuo mawokonyi ha wakituwa wawo kiheri kyose kya moo fo msongorucho. Mndumii-Ruwa nalewaichio wukiwa mandi aleicho kieṟeṟo kyawo kya matuuro na mbaka walewutio.

WACHILI 2:20

Ko ikyo nyashi ya Mndumii-Ruwa ikado kipfa kya Waisraeli nao kahamba, “Kipfa kya wandu wa wametehia mkundano foko njilewika na waku wawo, wakaleha iindia ṟu lyako,

WACHILI 2:7

Waisraeli waleṟundia Mndumii-Ruwa mfiri yose ya moo fo Yoshua, na numa ya opfu loke mandi hose ha wameku walya wawetsuhaeho walya walewona mawuto hang'anyi Mndumii-Ruwa alewutia Waisraeli.

WACHILI 4:1

Ehudi amepfa, Waisraeli wakawewuta-se mawicho oshangunyi lo Mndumii-Ruwa.

WACHILI 8:33

Gideoni amepfa Waisraeli wakawuuya maruwa ha Baali na ihaindia. Wakawika Baal-berithi nawe ruwa owo.

1SAMWELI 15:23

Ilekana nao nyi kimu cha wunyamaṟi wo ihenda ndashenyi, na utimbiri nyi kimu cha wuwicho na iindia shindo shipache na mawoko. Kyipfa kya ili aleha iwawaso lya Mndumii-Ruwa, nao nakuleha kulawe mangi.”