WACHILI 2:18 - Bibilia Kui Mdedie fo Kimochi

¹⁸ Orio kiheri Mndumii-Ruwa amewadikia mchili, Mndumii-Ruwa nawekekaa na msongurucho; kawaashuo mawokonyi ha wakituwa wawo kiheri kyose kya moo fo msongorucho. Mndumii-Ruwa nalewaichio wukiwa mandi aleicho kieṟeṟo kyawo kya matuuro na mbaka walewutio.

WACHILI 2:18 ပူးပေါင်းရင်းမြစ်များ

MAWOOKIONYI 6:6

Mndumii kailacha mahiyo, kawado nyi fowa mrimenyi kipfa kya mndu o wandu alemwuumba iya wuyana.

2WAMANGI 13:4

Na Yehoahazi katerewa Mndumii, Mndumii kamwadanyia, kipfa nalewona matuuro ha Israeli, chandu mangi o Shami awewatuura.

SHIIMBO SHA DAWIDI 12:5

Kipfa kya iwonyio lya wafafa, Kipfa kya isumkia lya wahuṟi, Wulalu njechihoṟoka; Mndumii ahamba, Njechiringa ichu waimpiṟa.

SHIIMBO SHA DAWIDI 90:13

Ewo Mndumii, wuya! Nochisuo mṟasa indi? Nolusaṟie so waṟundi wapfo.

IWUKA 2:24

Ruwa kaicho isumukia lyawo, Ruwa kakumbuo mkundano foke alefuwika na Abrahamu na Isaki na Yakobo.

IWUKA 3:12

Na Mndumii-Ruwa, kahamba, “Nkya lohi njechikaa hamu na iyo na kichano ke nyi inyi ngakuduma nkyo iki; komemarisa iwuta wanduwo ipfo Misri, mochiindia Ruwa kunu fumvunyi.”

IWUKA 32:14

Na Mndumii-Ruwa kailacha wuwicho wulya alehamba ke nechiwutia wandu wake.

HOSEA 11:8

A nyi wuda njechiidima ikuda iyo Efraimu? A ngesa nyi wuda njechiidima ikukumba iyo Israeli? Ngesa njechiidima ikuhaluo cha mṟi fo Adma? Njechiidima ikuwutia cha mṟi fo Seboimu ? Mrima foko fokenjiima; isaṟia lyako likaengeṟa iwada mrike kiidi kyako.

YONA 3:10

Ruwa kawona mawuto hawo, ke wandu wadumbuya lohi wakada mkao yawo njiwicho. Nahong'u Ruwa kada kilya kiwicho alehamba awekundi ikiwuta, kailacha mahiyo hake.

MAITALA 10:9

“Kiheri kya shida orukenyi lonu yekapana na wakituwa waimuṟinjawia, mochiloṟa kichano kya shida mochikapa taṟumbetatsi kundu Mndumii-Ruwa, Ruwa onu namukumbuo na imwashuo na wakituwa wanu.

NGUMBUO YA MAWAWASO 32:36

“Mndumii-Ruwa nechikapanyia wandu wake na iichio waṟundi wake makulili, ili echiwona pfinya tsawo tsawasiia, manya kuipfo mndu atsuhaapfo, mpfungo ang'u alai mpfungo.

YOSHUA 1:5

Ambuya Yoshua, kuwode mndu ose echiidima iwinzana na iyo kiheri kyose ui na moopfo nyi njechikaa na iyo chando njiwei na mṟundi oko Mose, nyi njechikaa handu hamu na iyo manya njechikulekiapfo.

WACHILI 10:16

Kiidima wakaṟukuta maruwa halya mahenu kuleshe, wakawuya isingia Mndumii-Ruwa menyi matorito. Mndumii-Ruwa nalaidime itirisia ngoseṟa iwona wukiwa wo wana wa Israeli wailiso.

WACHILI 11:32

Kyasia Yeftha kaambada meda kakapana na Waamoni, na Mndumii-Ruwa kawika Waamoni wo mawokonyi hake.

WACHILI 2:19

Kyaindi orio mandi msonguru alepfa, walewuya mchumie iya yawo ya kacha, wakawuta mavicho kota waku wawo. Waleosha maruwa hengi, wakahaṟundia na ihaaramia, manya waleda mawuto hawo na orikiki lowopfo.

WACHILI 3:9

Waisraeli wakafuhia Mndumii-Ruwa nao kawadikia mndu mowakiṟa elaho Othinieli mana o Kenazi, manawo o Kalebi.

WACHILI 6:12

Malaika o Mndumii-Ruwa kambonekia, kambia, “Mndumii-Ruwa nai na iyo, iyo mbahanyi.”

WACHILI 6:16

Mndumii-Ruwa kambia, “Njechiwa hamu na iyo; na iyo nochiarisia Wamidiani wanda kiwe cha nyiwe mndu umu.”