WACHILI 2:16 - Bibilia Kui Mdedie fo Kimochi

¹⁶ Nlyondi Mndumii-Ruwa alewainenga wasongoru sa walewaashuo mawokonyi ha wandu walya waleduo masaa halya hawo.

WACHILI 2:16 ပူးပေါင်းရင်းမြစ်များ

2SAMWELI 7:11

Wokia kiheri kilya njilewika wachili huya wandu wako Israeli, njechimuringa na wakituwa wanu wose. Na ngoseṟa ya shose, inyi Mndumii-Ruwa ngakuwikia kyasa ke njechikuwikia mba.

NEHEMIA 9:27

Kipfa kya ikyo kawada wakaoloka mawokonyi ha wakituwa wawo, nawo wakawalisa wukiwa kiheri waletuuro wakakufihiṟia kundu uwasaṟie, na iyo kowewaadanyia ukeri ipfo ruwehu. Ko isaṟia lyapfo kowewadikia waṟundi wawaashuo mawokonyi ha wakituwa wawo.

MAWUTO HA WASU 13:20

Kukaida-ho maka mahana haana na makumi hatanu. Kukashika oo kawawikya wachili tane ahoya Samueli awei mwikimbi.

WACHILI 10:1

Numa ya opfu lo Abimeleki, Tola mana o Pua mana o Dodo, o kisharinyi kya Isakari, kakuloṟa ikiṟa Waisraeli. Tola nalekaa Shamiri orukenyi lo mafumvu ha Efraimu.

WACHILI 11:32

Kyasia Yeftha kaambada meda kakapana na Waamoni, na Mndumii-Ruwa kawika Waamoni wo mawokonyi hake.

WACHILI 3:15

Kyaindi Waisraeli wakafuhia Mndumii-Ruwa, nao kawadikia mowakiṟa, ai Ehudi awei owoko lo kumoso, mana o Gera o oshari lo Benyamini. Waisraeli walemduma naduo shindo sha nnga ko Egloni mangi o Moabu.

WACHILI 3:31

Numa ya Ehudi mana Anati, Shamgari kawada handu hake. Nao kawaha Wafilisti mahana haṟandaṟu (600) kui olio lolisa mbe. Nao da, nalewekiṟa Waisraeli.

WACHILI 4:5

Debora nawewode mwichiwie fodamia wanda ya mtende folaho nyi mtende fo Debora, fuwei makidi hawi ha mṟi fo Rama na mṟi fo Betheli orukenyi lo mafumvu ha Efraimu. Wandu wa Israeli wakamchea kundu nawadumbuye mbonyi tso.

WACHILI 6:14

Mndumii-Ruwa kamhalukia kambia, “Henda kui wuidimi-wo uwode, uhende ikiṟa Waisraeli uwawute ko Wamidiani. Nyi inyi njikuduma.”

RUTI 1:1

Kyasia kiheri kya Wachili wamemaa idumbuo kya walya wawewaṟi, kukacha njaa ing'anyi kulya orukenyi. Kukakure mndu msoṟo umu o Bethlehemu ya Yuda, kahenda ikukaya oruka lo Moabu, o na mka oke na wana wake wawi.

1SAMWELI 12:11

Naho Mndumii-Ruwa kaduma Yerubaali, na numa kaduma Bedani (Baraka) numa kaduma Yefta, na lyefurumia kanjiduma inyi Samweli. Orio umu odu nalewaashuo kuwuka ko wakituwa wanu wawemṟingichie, nanyo mkakaa na kipuo.

1SAMWELI 14:48

Nalekapana kui wukahari, kawinga Waamaleki. Naleashuo Waisraeli kuwuka mawokonyi ha wanduwo wose walewasaṟikia.