WACHILI 2:14 - Bibilia Kui Mdedie fo Kimochi

¹⁴ Naho nyashi ya Mndumii-Ruwa ikado kipfa kya Waisraeli nao kada wasoki waduo masaa hawo. Nalewadambikia wakituwa wawo wakawaṟingichia walaidime ikuwuta mawokonyi ha wakituwawo.

WACHILI 2:14 ပူးပေါင်းရင်းမြစ်များ

2SAMWELI 24:1

Kyasia, nyashi ya Ruwa ikadose huye ya wandu Waisraeli; katsutsuma Dawidi nawaendie ngataṟa koiitala wandu wose. Ruwa kawia Dawidi, “Henda itala wandu wose wa Israeli na Wayuda.”

2SAMWELI 7:11

Wokia kiheri kilya njilewika wachili huya wandu wako Israeli, njechimuringa na wakituwa wanu wose. Na ngoseṟa ya shose, inyi Mndumii-Ruwa ngakuwikia kyasa ke njechikuwikia mba.

2WAMANGI 13:3

Mndumii-Ruwa kasuo katewa wana wa Israeli wawingo shidenyi orio kiheri mangi Hazaeli o Aramu na mana oke Ben-hedadi.

2WAMANGI 17:20

Mndumii-Ruwa naleleha Waisraeli wose. Kawada mawokonyi ha wakituwa walang'a, kiidima kawafuna wawuke koke.

2MBONYI TSA MAHERI 15:5

Kiheri kya mafiriho, wandu wawekeidima iwuka nja na ichumia walawode wuowu-pfo, kipfa kuwewode ofoṟo pfo; kuwewode ngaluko tsifoi sa tsiweketuura wandu wa mbaṟi tsose, wa njoruka tsose.

2MBONYI TSA MAHERI 28:5

Mndumii-Ruwa, Ruwa oke, naleda mangi Ahazi nawinzo na mangi o Washamu sa alewada mdeho na iduo wusingenyi wandu wake wafoi, na iwuya nawo Damasko. Nawudo, alemtana nawinzo nyi mangi o Waisraeli sa alembinza na iwaha wandu wake wafoi mnu.

2MBONYI TSA MAHERI 36:16

Kyaindi wo walekapa mang'ang'o waikimbi walya wa Mndumii-Ruwa, na isalucha madedo hake, na iseka waikimbi wake mṟasa nyashi ya Mndumii-Ruwa ikaaka kihadi na wandu wake, ma kulawadese ma chandu wechidima iashuka.

NEHEMIA 9:27

Kipfa kya ikyo kawada wakaoloka mawokonyi ha wakituwa wawo, nawo wakawalisa wukiwa kiheri waletuuro wakakufihiṟia kundu uwasaṟie, na iyo kowewaadanyia ukeri ipfo ruwehu. Ko isaṟia lyapfo kowewadikia waṟundi wawaashuo mawokonyi ha wakituwa wawo.

SHIIMBO SHA DAWIDI 44:11

Nyi uleluwuta cha machondi luwe kando, kolurahanyitsa kiidi kya wandu wa mkambo.

SHIIMBO SHA DAWIDI 44:12

Kokumba wandu wapfo wulya kulawode masaa. Ma ulewona ho kiira kui wuhuru wowo pfo.

YESAYA 42:24

Nyiu aleduo Yakobo nawe mpfungo, alewika Israeli mawokonyi ha wasoki? Chi Mndumii? Ulya lulemdekio, kipfa lulaleosha njia tsake na mawawaso hake.

YESAYA 50:1

Mndumii nahamba adi, “Yeku paruo iya yesama mayanu, yeloṟa ke njilelekana nao? Ang'u njilemukumba kou kiidi kya iwa wainjiwesa sile? Nyo nyi mulekumbo kipfa kya wunyamaṟi wonu; kake mayanu naledeo kipfa kya wuwicho woke.

YEREMIA 37:10

Manya muwechiwinga mamiingi fose fo Wakalidayo waikapana nanyo, wakatsuhaa wa shifaṟe tupu kiidi kya mahema hawo, iwo wawode shifaṟe wechikure warumatse mṟi fu ko modo.’”

WALEWI 26:17

Njechikoyana nanyo, nanyo mochikapo nyi wakituwa wanu; mochichilio nyi walya wamsuo. Mochikangaṟika na idicha ma kokoya kulawode mndu oose aimuwingia.

WALEWI 26:28

kyasia na Inyi njechiwingana nanyo kui nyashi ing'anyi, njimukape Inyi njimonyi ka mfungade ngoseṟa kipfa kya njonyamaṟo tsanu.

WALEWI 26:37

Wechiolokiana wo wenyi ko wenyi cha mndu aidicha shida, ma kokoya kulawode mndu aiwawingia. Mochiwada pfinya yewingana na wakituwa wanupfo.

MAITALA 32:13

Mndumii-Ruwa kawado nyi nyashi kipfa kya Waisraeli, kawainenga iṟahaṟaha kulya nuka maka makumi haana; rika lilya lyose lilenyamaṟia Mndumii-Ruwa lyikapfa.

MAITALA 32:14

Na wulalu, lanye kishari kiichuo wunyamaṟi, mowuya alya ko waku wanu, iengeṟiase Mndumii-Ruwa nyashi ing'anyi kipfa kya Waisraeli.

NGUMBUO YA MAWAWASO 28:20

“Mndumii-Ruwa nechimuendie ngapo, ipfulukio na ihutsa macha kiidi kya maṟunda hanu hose mṟasa moarisika owinyi kipfa kya wuwicho wo mawuto hanu na ilekana na Mndumii-Ruwa.

NGUMBUO YA MAWAWASO 28:25

“Mndumii-Ruwa nechimutana muwingo nyi wakituwa wanu. Nyo mochihenda ikapana nawo kui njia mfungade. Nanyo mochiwa kindo kiwode riiri ko wandu wose wa wuyana.

NGUMBUO YA MAWAWASO 28:58

“Kokoya mulaindia necha iawutsia madedo hose ha mawawasoha hamaṟehie kunu kitapunyi na mulameindie na iṟumisha rina liwode kiṟumi, lioweshie lya Mndumii-Ruwa, Ruwa onu,

NGUMBUO YA MAWAWASO 32:30

Mndu umu nechiidima ada iwinga wandu kiku angu wandu wawi wechiidima wada iwinga wandu shiku ikumi, shile na kokoya Mndumii-Ruwa owo awakumba. Mndumii-Ruwa owo alekana nawo?

YOSHUA 23:16

Kokoya mowumbuya mawawaso hake na itehiya mma fulya mulie nao mukawoka iindia maruwa hengi na ihaṟundia, nyi wudo ng'u nyashi ya Mndumii-Ruwa yechimusokia muhende isaramaya ko oweṟe muwuke kunu orukenyi luilucha alemwinenga.”

WACHILI 1:19

Mndumii-Ruwa nawei na wandu wa kishari kya Yuda, nawo wakawada mṟi ya mafumvu. Kyaindi walaidime iwinga wandu wa oruka lo rendewele kipfa magari hawo ha shida hawei ha menya.

WACHILI 1:34

Waamori walefunyia wandu wa kishari kya Dani mafumvunyi. Walewainenga momu wachekaa orukenyi lo rendewelepfo.

WACHILI 10:7

Nyashi ya Mndumii-Ruwa ikaaka kipfa kya Waisraeli, kawawika mawokonyi ha Wafilisti na Waamoni.

WACHILI 2:20

Ko ikyo nyashi ya Mndumii-Ruwa ikado kipfa kya Waisraeli nao kahamba, “Kipfa kya wandu wa wametehia mkundano foko njilewika na waku wawo, wakaleha iindia ṟu lyako,

WACHILI 3:12

Waisraeli wakawuta-se wunyamaṟi oshangunyi lo Mndumii-Ruwa. Mndumii-Ruwa kainenga pfinya Mangi Egloni o Moabu nakape Waisraeli, kipfa walewuta wunyamaṟi oshangunyi lo Mndumii-Ruwa.

WACHILI 4:2

Mndumii-Ruwa kawadambika mawokonyi ha Yabini mangi o Wakaanani, awekekaa Hazori. Mnene o wandu wa mbahanyi, nyi Sisera o kikunyi kya Haosheth-hagoimu.