WACHILI 2:13 - Bibilia Kui Mdedie fo Kimochi

¹³ Waleda Mndumii-Ruwa wakaṟundia Mabaali na Maashtarothi.

WACHILI 2:13 ပူးပေါင်းရင်းမြစ်များ

1WAMANGI 11:33

Kipfa walenjida inyi wakaindia Ashtarothi, ruwa o kika o Wasidoni na Kemeshi, ruwa o Wamoabu, na Milkomu, ruwa o wana wa Amoni ma walahende kiidi kya njia tsako, na mwanduye yako cha Dawidi wandie.

1WAMANGI 11:5

Solomoni kaindia Ashtarothi awei ruwa o kika o Wasidoni, kaweosha Milkomu mkituwa o Waamoni.

2WAMANGI 23:13

Mangi kawefanyitsa ngafu handu heterewa hawei ora lo ngamenyi lo Yerusalemu kuhendesanyi na ora lo fumvu lya njonyamaṟo, handu mangi o Israeli awewikie kui kipfa kya Ashtarothi, kirumo kya Wasidoni, Kemoshi kiṟumo kya Moabu na ngoseṟa Milkomu kiṟumo kya Waamoni.

2MBONYI TSA MAHERI 12:2

Kiheri kileshika maka itanu ya wuitoṟi woke, Mangi Shishaki, o Misri kapufukia Yerusalemu kipfa kya ili waleda iindia mawawaso ha Mndumii-Ruwa.

2MBONYI TSA MAHERI 28:3

kakoṟa ubani Pichinyi lya mana o Hinomu, kakoṟia pfo wana wake ko kidaso kemaya modonyi ko maruwa ha wongo, kechioshana na mbuka tsesukiṟa tsa wandu wa mkambo sa walefuno nyi Mndumii-Ruwa, osehu lo Waisraeli kiheri wawekeri ianga isangenyi.

2MBONYI TSA MAHERI 33:3

Nalesungusiase handu halya heiadapfuma maruwa hengi handu ndeye o Hezekia alewunduo; kasungusia na shitaṟa shilya shedasia Baali, kasungusia na sanamu tsa Maashera. Na kya ngoseṟa naleadapfuma shindo shose sha ruwehu na ishiindia.

2MBONYI TSA MAHERI 7:22

Kyasia wechikuhaluo wamenyi na ihamba, ‘Nyi kipfa wandu wa Waisraeli walemina Mndumii-Ruwa, Ruwa owo, sa alewuta wasahuyawo wusingenyi iwuka kulya Misri, nawo wakamda, wakawoka iṟundia na iindia maruwa hengi; nyi kyo kitewe aende ngapo i huyawo.’”

SHIIMBO SHA DAWIDI 106:36

Wakaṟundia mfanano yawo, nayo ikawa mdeho kowo.

YEREMIA 16:11

Na iyo nochiwahaluo ke inyi Mndumii-Ruwa ngahamba njidi, wandeanu walenjida wakaosha maruwa hengi, wakahaṟundia na ihaindia. Walenjida na waleindia mawawaso hako pfo.

YEREMIA 2:20

“Kipfa wokia mbooko iyo kuleleha isongoyo nyi inyi; koweleha injiindia na injiadapfuma. Kipfa huye ya kitoṟomoso kileshe, na wanda ya ikidi liwode maṟa mawishi nolehongoma kowuta mbonyi tsa wumeluki.

MAITALA 25:3

Nyi wudo Waisraeli walekulunga na Baali ruwa lya Peori, na Mndumii-Ruwa kawado nyi nyashi kipfa kya Waisraeli.

1 WAKORINTO 8:5

Cha kipfa ma kokoya kuipfo wehambo maruwa kiwe nyi ruwehu ang'u nyi wuyana chando-ng'u kuwode wai maruwa wafoi na wandumii wafoi.

WACHILI 10:6

Waisraeli wakawuta mawicho oshangunyi lo Mndumii-Ruwa wakasingia Mabaali, Maashtarothi na maruwa ha Shamu, ha Sidoni, ha Moabu, ha Amoni na ha Wafilisti. Wakada Mndumii-Ruwa ma walamwindie se.

WACHILI 2:11

Kyasia, Waisraeli walewuta mawicho oshangunyi lo Mndumii-Ruwa wakaindia Mabaali.

WACHILI 3:7

Waisraeli wakawuta wunyamaṟi oshangunyi lo Mndumii-Ruwa; wakahadima Mndumii-Ruwa, Ruwa owo wakaindia Mabaali na Maashera.

1SAMWELI 12:10

Wandeanu walelilia Mndumii-Ruwa wechihamba, “Lulewuta wunyamaṟi cha kipfa lulekuda iyo Mndumii-Ruwa lukaṟundia Mabaali na Maashtaroth kyeluashuo kuwuka mawokonyi ha wakituwa wandu, naso lochikuṟundia.”

1SAMWELI 31:10

Shisha shilya shake waleshiwika sinagoginyi lya ruwa lyawo Maashtarothi; kiidima wakamasa mbihu foke omombonyi lo mṟi fo Beth-shani.

1SAMWELI 7:3

Samweli kawia Waisraeli, “Kokoya mowuya Mndumii-Ruwa na mrima fonu fose kimuwaṟi muwute ipfo kiidi kyanu maruwa mahenu na sanamu tsa Ashtarothi. Halukienyi Mndumii-Ruwa kui mrima fose na imṟundia o amonyi tupu, nao nechimukiṟa kuwuka mawokonyi ha Wafilisti.”