WACHILI 2:12 - Bibilia Kui Mdedie fo Kimochi

¹² Wakalekana na Mndumii-Ruwa, Ruwa o waku wawo, alewawuta orukenyi lo Misri; wakaosha maruwa hengi maruwa haweindio nyi wandu wekekaa kufui nawo. Wawekearamia maruwaho wakasukiṟa mnu Mndumii-Ruwa.

WACHILI 2:12 ပူးပေါင်းရင်းမြစ်များ

SHIIMBO SHA DAWIDI 106:36

Wakaṟundia mfanano yawo, nayo ikawa mdeho kowo.

SHIIMBO SHA DAWIDI 78:58

Wakamdosa nyashi kya ikudosa lyawo, wakamtewa kawado nyi wunyenyi kui mfanano yawo.

IWUKA 13:14

Nahong'u kechiwa ili mana opfo echikuwesa ili lya ngama, kechihamba, “Kudi nki ki?” Nochimmbia Mndumii-Ruwa naleluwuta Misri; kuwuka kulya mmbenyi ya wusinga, kui pfinya ya owoko loke;

IWUKA 13:16

Mbonyitso tsechiwa kichano owokonyi lopfo, na kindo kemasa o makidi hawi ha mesoho hapfo; cha kipfa Mndumii-Ruwa naleluwuta kulya Misri kui pfinya ya owoko loke.

IWUKA 13:3

Mose kawia wanduwo, “Kumbuonyi mkonu fu, mulewuka orukenyi lo Misri; kuwuka mmbenyi ya wusinga; cha kipfa Mndumii-Ruwa, nalemuwuta handu ho kui pfinya ya owoko loke; ma kulalyio mkate fumtarang'ashe.

IWUKA 13:9

Nakyo kechiwa kichano kopfo kiidi kya owoko lopfo, na kui ngumbuo mesonyi hapfo, kundu ke iwawaso lya Mndumii-Ruwa lyikae dumbunyi lyapfo; kipfa Mndumii-Ruwa nalekuwuta nowuke Misri kui owoko luwode pfiinya.

IWUKA 20:5

kulashiindie manya ishiṟundia; kyamba inyi Mndumii-Ruwa, Ruwa opfo nyi Ruwa njiwode wunyenyi, njekewuwuya njonyamaṟo tsa wandee wa wandu ipfo ko wana wawo, mṟasa kishari kya kaṟaṟu na kya kaana kya iwo wanjisuo,

YEREMIA 16:11

Na iyo nochiwahaluo ke inyi Mndumii-Ruwa ngahamba njidi, wandeanu walenjida wakaosha maruwa hengi, wakahaṟundia na ihaindia. Walenjida na waleindia mawawaso hako pfo.

NGUMBUO YA MAWAWASO 13:5

Kyaindi mwikimbicho ang'u mlashacho o ndodo nechiwooho, kipfa kya ili alosha wandu ilekana na Mndumii-Ruwa, Ruwa onu, alemuwuta orukenyi lo Misri na imukiṟa kuwuka wusingenyi, kundu mude njia Mndumii-Ruwa, Ruwa onu alemuwawasia, nyi wudo mochitoromesha wuwicho kiidi kyanu.

NGUMBUO YA MAWAWASO 29:18

Kuṟisenyi necha kulakae mndumsoṟo, ang'u mndumka, manomayo ang'u kishari kyose kihoṟoki iya inu kechilekana na Mndumii-Ruwa, Ruwa odu, nahende iṟundia maruwa ha wongo ha mkambo ingi. Kindoki kechiwa cha mri fochikaa fualuke na ikumbia ndunda njiwawo tsiwode wuṟoi.

NGUMBUO YA MAWAWASO 29:25

“Nkipfa kya wandu waletehia mkundana fo Mndumii-Ruwa, Ruwa o wameku wawo; mkundana alewika nawo mandi alewawuta orukenyi lo Misri,

NGUMBUO YA MAWAWASO 32:15

“Waisraeli walewa wasuṟi wakadekio Mndumii, Waleihuda wakachia kui fana, numa wakalekana na Mndumii-Ruwa alewawumba, wakapiṟa iṟaṟa lya, okiṟo lowo.

NGUMBUO YA MAWAWASO 33:17

Kiṟumi kyake nyi kiṟumi kya ipung'a lya kuwoka, membe tsake nyi tsa mboho njisoṟo, nechikapa natso mkambo ya wandu, nechiwafunyia mtsitsionyi ya wuyana, Efraimu nechiwada membetso shiku ikumi, membe tsake nyi shiku sha membe tsa Manase.

NGUMBUO YA MAWAWASO 4:25

“Ilyi mochikaa ipfo orukenyi, mukasumbo wana na wachuku, mukakuo, ko koya mowooka irendemka, mukakusungusia mfanano fo indo lyepacha lya mbaṟi yose, mkawuta mawicho oshangunyi lo Mndumii-Ruwa, Ruwa onu, mkamsukiṟa,

NGUMBUO YA MAWAWASO 5:9

Manya kulashiindie ang'u ishiṟundia; kyamba inyi Mndumii-Ruwa, Ruwa opfo, nyi Ruwa moṟisaṟisa. Njekewuwuya njonyamaṟo tsa wandee wa wandu ipfo ko wana wawo tane wachuku na njukuṟi ko iwo wanjisuo.

NGUMBUO YA MAWAWASO 6:12

manyenyi ke mochihadima Mndumii-Ruwa alemuwuta Misri kundu muwei masingapfo.

WACHILI 10:11

Mndumii-Ruwa kawawia, “Ale ngesa inyi njilemukiṟa ngamuwuta wusingenyi wo Misri, Waamoni, Waamori, Wafilisti?

WACHILI 5:8

Walekusambuṟia maruwa mahenu, kukawada shida kiidi kya oruka Kyaindi kulewono msa awode oshu ang'u ngawo kiidi kya wandu shiku makumi hana (40,000) wa Israeli-pfo.

WACHILI 8:33

Gideoni amepfa Waisraeli wakawuuya maruwa ha Baali na ihaindia. Wakawika Baal-berithi nawe ruwa owo.