WACHILI 2:10 - Bibilia Kui Mdedie fo Kimochi

¹⁰ Nalyo wandu wose wa kishari kyake walepfa. Kukaituma rika lingi numa yawo, sa walaweichi Mndumii-Ruwa manya mawuto alewutia Waisraeli.

WACHILI 2:10 ပူးပေါင်းရင်းမြစ်များ

MAWOOKIONYI 15:15

Kyaindi iyo nochihenda ko wandee wapfo na nakipuo, nochiṟiko kuwode wuku wucha.

MAWOOKIONYI 25:17

Na ii nyio maka ya ohendo lo moo fo Isumaeli, maka ihana na makumi haṟaṟu na mfungade. Kalekia moo, kapfa, kakusanza na wandu wake.

MAWOOKIONYI 25:8

Abrahamu kapfa, na kapfia kiidi kya wuku wucha, amku mnu, o maka ifoi, kakusanza wandu wake.

MAWOOKIONYI 49:33

Nahong'u Yakobo kekimarisa iwawasa wana wake, kairia madende hake kitaṟenyi, kapfa, kasanzio handu hamu na waku wake.

2SAMWELI 7:12

Kiheri ochipfa na iṟiko handu hamu na wa oshari lopfo wasonguo, njechidambikia wumangi wopfo ko mana opfo na njechiinenga wumangi woke pfinya ing'anyi.

1MBONYI TSA MAHERI 28:9

“Na iyo Solomoni mana oko, manya mnu Mndumii-Ruwa o ndeyo, nomṟundie ko mrima fumsalari, na mahiyo ha mwidikie; cha kipfa Mndumii-Ruwa, nekesauṟa mrima ya wandu yose, na imanya mahiyo na lango tsawo tsose, komshiha nochimbona; kyaindi kulamemshihe, nechikuda mlungana.

YOBU 21:14

Wakawia Ruwa, ‘Lekana naso! Lukaundi imanya mbonyi tsapfo-pfo.

IWUKA 1:6

Yosefu Kapfa, na wana wa mae wose, na wandu wose wa oshari lulya.

IWUKA 1:8

Kyasia, kukakure mangi ingi njihya kulya Misri, alaichi Yosefu.

IWUKA 5:2

Farao kahamba, “Mndumii-Ruwa nyiu, tane ngaicho ṟu lyake, na iinenga Waisraeli momu wakuhendie kowo? Inyi njiichi Mndumii-Ruwapfo, manya njechiinenga Waisraeli wahende kowopfo.”

YESAYA 5:12

Kuwode-pfo, shinanda na shilya sha ndusu na mtoṟiṟo, na mtingo na mvinyo, isho shose shii kiidi kya mfuho yawo; kyaindi waiambuya iṟunda lya Ruwa pfo, ma ikusaṟa mawuto ha mawoko hake.

YEREMIA 22:16

Naleanduo madedo ha mkiwa na ulya ahuṟi; nyi hondo aleiṟimiṟa. Ngesa ikyo chikyo injimanya? Mndumii ahamba.

YEREMIA 31:34

Ma kechiwa iloshana wehamba manya Mndumii-Ruwa pfo, kipfa wose watutu na wang'anyi wechinjimanya inyi Ruwa. Kipfa njechiwahoṟia madeko hawo, ma njechikumbuo se manyamaṟo hawo pfo.”

YEREMIA 9:2

Kima mbewode handu hekaa orukenyi lo msanga, kichangalenyi kya wandu wa kyaṟo njiidime ida wandu wako; na ikure kowo. Kipfa wo nyi waṟuhui wose piu, kisanzio kya wandu waminyi.

YEREMIA 9:3

Wekelema olimi lowo cha wuda, kundu wahambe wongo, nawo wawode pfinya kiidi kya oruka indi chi kiidi kya wuhendeli-pfo; kipfa wo waengeṟa wuwicho kiidi kya wuwicho, ma wanjiichi inyi-pfo.” Mndumii ahamba.

YEREMIA 9:5

Nawo nyi wechilemba orio mndu na wamṟasa, ma wechihamba lohipfo, waichiwiṟie olimi lowo ihamba wongo; wakakupootsa wawute mawicho.

MAITALA 27:13

Komemaa iluwona, na iyo nochipfa cha manomayo Aroni,

LUKA 20:32

Mainukionyi na mka ulya kawepfa.

MAWUTO HA WASU 13:36

Kya Dawidi o kekimarisa ipfuṟukanya chila ya Ruwa ipfo rikenyi lyake nyi alehenda ilaa kalaṟo hando hamu na waku wake kakoya iwona inyamaṟika.

NGUMBUO YA MAWAWASO 31:16

Mndumii-Ruwa kawia Mose, “Wulalu notikiria isamana na wuyana, komepfa, wanduwa wechiwoka ilekana na inyi waoshane na maruwa hengi ha orukalo waihenda ikaa; wechilekana na inyi na ilekana na mkundana njilewika nawo.

2WATESALONYIKYE 1:8

Na olewo lo modo fochiaka pala echidehelya walya walehye Ruwa walaweanguya Ndumi ya Sia ya Mndumii odu Yesu madu.

TITO 1:16

Wekehamba ke waichi Ruwa wai, indi nyi imkana wakeri kui mawuto halya. Wada owicho, wandu walehi walawa iṟunda kindo ki kicha ma kimu.

YOSHUA 24:31

Kyasia Waisraeli nyi waleṟundia Mndumii-Ruwa kiheri kyose kya Yoshua na numa ya opfu loke wakaweengeṟa iṟundia Mndumii kiheri kyose wameku walya walewona ko meso hawo shindo shilya shose Mndumii-Ruwa alewutia Waisraeli.

1SAMWELI 2:12

Wana wa kisoṟo wa Eli wawei wandu wawicho mnu nakamu. Walekeindia Mndumii-Ruwa menyi matorito.