WACHILI 19:10 - Bibilia Kui Mdedie fo Kimochi

¹⁰ Kyaindi mndu cho naleleha ilaa pfo kio kilya. Kyasia, kakure kahenda kashika kufui na mṟi fo Yebusi nyi fo Yerusalemu. Nawerianyi na nzoi tsilya tsake tsiwi tsiwenjiteseheṟe, hamu na isuria ulya.

WACHILI 19:10 ပူးပေါင်းရင်းမြစ်များ

2SAMWELI 5:6

Kyasia kiheri kikacha Dawidi kahenda Yerusalemu na waskari wake isaṟikia wandu wekekaapfo na oshari lo Wayebusi. Wandu walya wakatengelukia Dawidi na immbia, “Iyo ochiidima iluwingapfo, ma wandu walawode meso na watiliwanyie shiwungo wechiidima ikutirimisha.”

YOSHUA 15:63

Ambuya Wayuda waleidima ifuna Wayebusi wawekekaa Yerusalemu pfo, koikyo itane inu Wayuda na Wayebusi nyi wakeri handu hamu mṟinyi fo Yerusalemu.

YOSHUA 15:8

Koikyo mṟasa fo nyi fuleida pichi lya Hiromu ora lo seri lo kifumvu kya Wayebusi, mahonyi ha Yerusalemu, fukohendia kitoṟomoso kya fumvu liwei ora lo kyukanyi lo pichi lya Hinomu fukashika mtsitsionyi fo mfo fo Refaimu.

YOSHUA 18:28

Zela, Ha-elefu, Yebusi, nyifo Yerusalemu, Gibea na Kiriath-yearimu, yose waleinengo nyi mṟi ikumi na ina (14) handu hamu na shihongo shayo. Iki nyi kyo kyoṟa kya wana wa Benyameni na mba tsawo.

WACHILI 1:8

Wandu wa kishari kya Yuda walesaṟikia mṟi fo Yerusalemu wakafuwada. Walewaha wandu wa mṟifo ko oshu na irumatsa mṟifo ko modo.

WACHILI 19:9

Kyasia, Mlawi na mṟundi mka na mṟundi oke msoṟo wakakure wahende, ndeye o mka cho wekikure wahende ndeye o mka cho kawia Mlewicho, “Hoṟoka kipfa mfiri fomsia na kio kyamecha. Laa iya na ichihiyo. Ngama otuko nochikure na iwoka kyaṟo kyapfo kewuya na kanyi.”