WACHILI 19:1 - Bibilia Kui Mdedie fo Kimochi

¹ Mandi ho kuwewode mangi kiidi kya Israeli pfo, kuwewode Mlawi mlyiwe awekeri cha mhenu kiidi kya oruka lo mafumvu ha Efraimu. Mndu cho nawewode isuria lyake awuka Bethlehemu oruka lo Yuda.

WACHILI 19:1 ပူးပေါင်းရင်းမြစ်များ

MAWOOKIONYI 22:24

Na Reuma mka o mii oke kafee Teba na Gahamu na Tahashi na Maaka.

MAWOOKIONYI 25:6

Kyaindi wana wa waka walya wengi Abrahamu awewode, Abrahamu kawainenga shindo sha nnga, na kawawuta alya handu mana oke Isaki akeri, kiheri kyose kya moo foke, wahende kya ora lo ngamenyi, mṟasa orukenyi lo Kedemu.

MAWOOKIONYI 35:19

Raheli kapfa kaṟiko kulya njienyi ya Efratha, nyipfo Betlehemu.

2SAMWELI 16:22

Kyasia, wakasungusia ihema huye ya kai lya mba ya Dawidi, na Absalomu kalaa na waka walya wa ndeye oshangunyi lo wandu wose Waisraeli.

2SAMWELI 19:5

Kyasia, Yoabu kahenda kanyi ko Mangi Dawidi kambia, “So lulekiṟa moo fopfo, na moo ya wanawapfo wakisoṟo na wa kika, waka wapfo na masuria hapfo; kyaindi iyo kolumina kolutewa lukawado nyi sonu cha wandu wawutie kindo kiwicho!

2SAMWELI 20:3

Dawidi kashika kanyi koke, kahawa waka walya wake ikumi awewadeye numa waṟinge mba yake; kahamba wawiko mbenyi imu na iambuyo necha kiheri kyose wai na moo, nao alakilaese nawo, wakakaa cha wakusu.

2SAMWELI 3:7

Abneri kalaa na suria limu lya Sauli elaho Rispa mana o Aya. Kiheri kimu Ishboshethi mana o Sauli kawesa Abneri, “Nkili olaa na suria lya ndeye oko?”

2SAMWELI 5:13

Dawidi amsamia Yerusalemu awuka Hebroni, kaalika waka wengi na masuria; nawo wakafee wana wafoi wakisoṟo na wa kika.

1WAMANGI 11:3

Solomoni kawada waka mahana mfungade 700, wose wawei wana wa wamangi na masuria mahana haṟaṟu 300. Waka wo wakamdetsa.

1WAMANGI 4:8

Na iha nyi marina hawo: Ben-huri nalehoṟokia kipaṟo kya fumvunyi lya Efraimu.

2MBONYI TSA MAHERI 11:21

Rehoboamu kaalika waka ikumi na waana (40) na masuṟia makumi haṟandaṟu (60), kafee wana wa kisoṟo makumi hawi na kaana (24), na wakika makumi haṟandaṟu (60). Kiidi kya waka wake wose na masuṟia hake hose nalekunda Maaka mana o Absalomu ngoseṟa.

ESTA 2:14

Nekehendapfo kiukanyi na ngamenyi kawuya na mbenyi ya kawi ya waka kaambio nyi Shaashgazi, mṟundi o mangi, na mringi o waka wa mangi. Ke echihenda se ko mangipfo na kokoya achihiṟa mangi na mangi kamlaha kui rina.

DANIELI 5:3

Kyasia wakaende shombo shilya sha sahabu shilya shileendo shiwuto Hekalunyi lya Ruwa wuka Yerusalemu, Mangi na wachili na waka wawo wakashinyooya

MALAKI 2:15

Aka Mndumii alemutana nyo muwawi muwe mbihu fumu na mrima fumu? Nawekusaṟie ada ili alewuta ado? Kofia nawekundi lufee wana wemindia. Kuṟisenyi mnu na mrima fose, alakoyo mndu ma umu alawode wuhendeli ko mka oke o uwanakenyi woke.

MATAYO 2:6

‘Na iyo Betlehemu ukeri ya oruka lo Yuda, ukeri mtutu konyiia wamangi wo Yuda-pfo, kipfa kopfo iyo nyi kochikaa kuwuke mwitoṟi molisiṟa wandu wako Israeli!’”

YOSHUA 24:30

Waisraeli wakahenda imṟika alya hando awemhawie kyoṟa kyake kulya Timnath-sera, mafumvuhu ha Efraimu, ora lo huye lo fumvu lya Gaashi.

YOSHUA 24:33

Nao Eliezeri mana o Aroni kaweinutso kaṟiko alya Gibea, mṟi fuweimnenge mana oke Finehasi orukenyi lo mafumvu ha Efraimu.

WACHILI 12:8

Yeftha amepfa, Ibzani kawuka Bethlehemu kawa mchili o Waisraeli.

WACHILI 17:1

Kuwewode mndu umu awekekaa kiidi kya mafumvu ha Efraimu, rina lyake nyi Mika.

WACHILI 17:6

Maheri ho kuwewode mangi kiidi kya Israeli-pfo. Orio mndu nalewuta kindo kyose alewona kikeri kicha.

WACHILI 17:7

Maheri ho kuwewode manake umu Mlewi mṟinyi fo Bethlehemu orukenyi lo Yuda.

WACHILI 17:8

Manake cho kakure Bethlehemu orukenyi lo Yuda kahenda ishiha handu hengi hekaa. Ai kyaṟonyi kashika kanyi ko Mika kiidi kya mafumvu ha Efraimu.

WACHILI 18:1

Mfiri fo kuwewode mangi kiidi kya Israeli pfo. Nahong'u kishari kya Dani kiwewalia handu hawo wawenyi wakae ho, kipfa mṟasa kiheri kyo, wawemehawio handu hawo na kyoṟa kyawo kiidi kya shishari sha Israeli pfo.

WACHILI 18:13

Wokia o wakahalukia ko Mika.

WACHILI 19:16

Waipfo wado kukacha mndu mmeku umu awuka demenyi koke. Mmeku chu nawei oruka lo mafumvu ha Efraimu na nawekekaa ipfo Gibea cha mhenu. Wenyi wa mṟi fo Gibea wawei wa oshari lo Benyameni.

WACHILI 19:2

Kyaindi isuria kasuo Mlawi-cho kalekana nao kawuya na ko ndeye Bethlehemu kakaapfo meri iina.

WACHILI 21:25

Maheri ho kuwewode mangi kiidi kya Israeli pfo. Orio mndu nalewuta kindo kyose alewona kikeri kicha.

WACHILI 3:27

Kekishika-pfo kakapa ombe kiidi kya oruka lo mafumvu ha Efraimu, na Waisraeli wakasoka kimu nao wawuka mafumvunyi nao kawasongoya.