WACHILI 18:8 - Bibilia Kui Mdedie fo Kimochi

⁸ Kyasia walokitala-wo walewuya ko wana wa mayawo ipfo Sora na Eshtaoli nawo wakawawesa, “Moluendie mbonyi njiki?”

WACHILI 18:8 ပူးပေါင်းရင်းမြစ်များ

YOSHUA 15:33

Mṟi iya iwekeri pichinyi nyi; Eshtoli, Sora, Ashna,

WACHILI 13:2

Kuwewode mndu umu ipfo Sora, o kishari kya Dani, rina lyake nyi Manoa. Mka oke nawei mhumba.

WACHILI 16:31

Wana wa mae na wa kishari kyake wakacha imduo, wakamṟika makidi hawi ha mṟi fo Sora na mṟi fo Eshtaoli kipfunyi kya Manoa, ndeye oke. Samsoni nawei mchili o Israeli ko maka makumi hawi (20).

WACHILI 18:11

Kyasia, wandu mahana haṟandaṟu (600) wa oshari lo Dani wawode shisha sha shida, wakakure wuka Sora na Eshtaoli,

WACHILI 18:2

Ko ikyo wandu wa Dani wakasambuṟa kiidi kyawo wandu ngarama wakawaduma kuwuka ipfo Eshtaoli na Sora, wakawawawasa wahende iṟisaṟisa oruka. Kyasia wandu wo wakashika kiidi kya oruka lo mafumvu ha Efraimu kanyi ko Mika wakahenda ikaa mbenyi ya Mika.

WACHILI 18:7

Kyasia wandu wo watanu wakakure wakahenda Laishi. Walewona wandu wekekaa pfo, na chandu wekekaa ko ofoṟo cha wandu walya wa Sidoni. Wawei wandu wahoo walasaṟie kindo ma wahuṟi kindo pfo ma kya oruka lowo. Wawei kuleshe na wandu wa Sidoni, ma wawewode kita kyose na wandu wengi pfo.

WACHILI 18:9

Nawo wakahamba, “Kurenyi luhende ikapa oruka lo. Lomewona oruka lo, na lohi nyi oruka luwiri. Ngesa, mochikaa iya tupu mulechiṟunda kindo kyose? Mulakeleo ihenda iwada oruka lo.