WACHILI 18:30 - Bibilia Kui Mdedie fo Kimochi

³⁰ Wandu wa oshari lo Dani wakahoṟotsa sanamu iya yepacha, na Yonathani, mana o Gershomu, mana o Mose, kawa mkohanyi owo. Wa oshari loke nawo da wawei wakohanyi wa oshari lo Dani mṟasa wenyi oruka lo wakadao osamiṟonyi.

WACHILI 18:30 ပူးပေါင်းရင်းမြစ်များ

2WAMANGI 15:29

Kiheri kya wuitoṟi wo Peka mangi o Israeli, Tiglath-pileseri, mangi o Ashuru, naleduo wapfungo mṟi ya Iyoni, Abel-beth-maka ya Kadeshi na Hazoi na njoruka tsa Gileadi, Galilaya na Naftali na iwaduo wupfungo wandu wawo wose.

2WAMANGI 17:18

Kyasia Mndumii-Ruwa kapfuluko nyashi kipfa kya wandu wa Israeli, kawafuna kuchu wawuke oshangunyi loke, nalade mndu ma umu sile oshari lo Yuda luwenyi.

2WAMANGI 17:20

Mndumii-Ruwa naleleha Waisraeli wose. Kawada mawokonyi ha wakituwa walang'a, kiidima kawafuna wawuke koke.

2WAMANGI 17:22

Waisraeli walewuta wunyamaṟi Yeroboamu alewuuta, waleidima ida pfo.

2WAMANGI 17:23

Ifurumiaho Mndumii-Ruwa kawafuna wawuke oshangunyi loke chandu awehambie kui dumbu lya waṟundi wake wai waikimbi. Ko ikyo wandu wa Israeli wakadao wapfungo wawuto orukenyi lowo mṟasa Ashuru napfo wakakaapfo mṟasa inu.

IWUKA 18:3

handu hamu na wana wake wawi; kiidi kyawo rina lya umu nyi Gershomu, kipfa nalehamba, “Inyi njilewa mhenu orukenyi lo wuhenunyi;”

IWUKA 2:22

Icho kambonyia mana o womi kamdumbuya rina lyake nyi Gershomu , kipfa nalehamba, “Njilewa mhenu; orukenyi luhenu.”

IWUKA 20:4

“Ulakusungusie ofano lo pacha, manya ofano lo kindo kyose kii huye ruwehu, manya kindo kii wanda orukenyi, manya kii mṟingenyi wanda ya oruka,

WALEWI 26:1

“Mulakusungusie mfanano ya maruwa ha wongo, mulawade masanamu hawo hepacha manya ngo, manya masanamu ha maho matsane orukenyi lonu na ishiindia; kipfa Inyi nyio Mndumii-Ruwa, Ruwa onu.

NGUMBUO YA MAWAWASO 27:15

‘Naseso mnducho oose ekesungusia sanamu yepacha ang'u yetsana na iihoṟotsa ko kiṟika, kindo kikisungusie na mawoko ha wuaria kisukiṟie Mndumii-Ruwa, Ruwa onu.’ Na wandu wose waidikie, ‘Ameni!’

NGUMBUO YA MAWAWASO 31:16

Mndumii-Ruwa kawia Mose, “Wulalu notikiria isamana na wuyana, komepfa, wanduwa wechiwoka ilekana na inyi waoshane na maruwa hengi ha orukalo waihenda ikaa; wechilekana na inyi na ilekana na mkundana njilewika nawo.

NGUMBUO YA MAWAWASO 31:29

Kipfa njiichi ke ngamepfa kya lohi mochiwa wanyamaṟi na ilekana na njia iya njilemuwawasa muioshe. Na mafiri hechicha mochicheyo mandenga kipfa mochiwuta mawicho oshangunyi lo Mndumii, na imsukiṟa kui mawuto hanu mawicho.”

WACHILI 13:1

Waisraeli walewewuta mawicho oshangunyi lo Mndumii-Ruwa, nao kawaleka waitoṟio nyi Wafilisti ko maka makumi hana (40).

WACHILI 17:3

Mika kawihiṟia mae oke fesa kiku kimu na ihana limu (1,100). Mae kahamba, “Kundu oseso lulya njilesesa lulakukoye le, fesa yo njechiidambika ko Mndumii-Ruwa kundu isungusie sanamu yepacha na yesalaṟa. Wulalu njikuwihiṟia fesa tsilya.”

WACHILI 17:5

Mndu cho Mika nawei handu hake heterewia. Kasungusia kisipau kya mkohanyi na sanamu, kiidima kahaluo mana oke umu nawe mkohanyi oke.