WACHILI 18:10 - Bibilia Kui Mdedie fo Kimochi

¹⁰ Mukashikapfo mochikoya wandu walawode makusaṟo hose wai olelenyi. Nyi oruka lung'anyi luwuṟie kindo kyose-pfo na Ruwa naiwikie mawokonyi hadu.”

WACHILI 18:10 ပူးပေါင်းရင်းမြစ်များ

IWUKA 3:8

na inyi ngasoka njicheiwaashuo mawokonyi ha Wamisri. Njechiwawutapfo njiwadose kuwuka orukalo tane oruka lucha, na lusalari; oruka luichuo wuki na maruwa; oruka lo Mkanaani, na Mhiti, na Mwamori na Mperizi, na Mhivi, na Myebusi.

EZEKIELI 20:6

Kiherikyo njilewawikia kyasa ke njihenda iwawuta orukenyi lo Misri njiwaduo orukenyi njilewasumbuṟia njimonyi, oruka luichuo wuki na maruwa, oruka sa lulucha kota njoruka tsingi tsose.

NGUMBUO YA MAWAWASO 2:29

luambade meda fo Yordani luide na orukenyi, ilo Mndumii-Ruwa, Ruwa odu ailuinenga. Luwa lya Esau wekeka Seiri na Wamoabu wa Ari waleluinenga momu fokuidia njorukenyi tsawo!’

NGUMBUO YA MAWAWASO 4:1

Mose kaengeṟa ihamba, “Hendelienying'u na iosha mawawaso hose na shilya njilemulosha, kundu muidime ikaa na ichilia kulya orukenyi Mndumii-Ruwa, Ruwa o Wandeanu, aimuinenga.

1TIMOTEO 6:17

Iiwa wawode masaa hafoi maheri ha kiwulalu uwawawasie ke walakusaṟe kyekaa mdonyi, ma walakusirie na wusuṟi wo masaa wokeweṟuka weṟu indi na Ruwa ichu aluinengye shose kui nguka shelisiṟa moo.

YOSHUA 2:23

Kyasia wandu wo wawi wesoṟa mbonyi wakakusokia kulya fumvuhu wakawuya wakaambada meda wakawuya na ko Yoshua mana o Nunu. Wakamwongoya kya isho shose walekoyana nasho.

YOSHUA 2:24

Nalyo wakambia, “Nyi kya lohi Mndumii-Ruwa amewika oruka lu lose mawokonyi hadu. Kyamba wandu wa oruka lo wapfiie mrima kipfa kyadu.”

YOSHUA 6:16

Kiheri waletengetia ka mfungade na wakohanyi wamemaa ikapa maranda halya, nalyo Yoshua kawia Waisraeli, “Fahiyenyi kyamba Mndumii-Ruwa amemudambikia mṟi fu.

WACHILI 18:11

Kyasia, wandu mahana haṟandaṟu (600) wa oshari lo Dani wawode shisha sha shida, wakakure wuka Sora na Eshtaoli,

WACHILI 18:27

Na wandu wo wa oshari lo Dani wakaduo shindo shilya Mika aweshisungusie, wakaweduo na mkohanyi ulya awekempfuṟukanyia. Kyasia, wakahenda ikapa Laishi wakawaha wenyi oruka lo wandu wawekekaa pfo ko wuhooya kulawode makusaṟo ha wukiwa, wakarumatsa mṟi fo.

WACHILI 18:7

Kyasia wandu wo watanu wakakure wakahenda Laishi. Walewona wandu wekekaa pfo, na chandu wekekaa ko ofoṟo cha wandu walya wa Sidoni. Wawei wandu wahoo walasaṟie kindo ma wahuṟi kindo pfo ma kya oruka lowo. Wawei kuleshe na wandu wa Sidoni, ma wawewode kita kyose na wandu wengi pfo.

WACHILI 18:9

Nawo wakahamba, “Kurenyi luhende ikapa oruka lo. Lomewona oruka lo, na lohi nyi oruka luwiri. Ngesa, mochikaa iya tupu mulechiṟunda kindo kyose? Mulakeleo ihenda iwada oruka lo.