WACHILI 17:4 - Bibilia Kui Mdedie fo Kimochi

⁴ Mika kawihiṟia mae fesa iya, mae kawutaho fesa mahana hawi (200) kainenga mnganya o fesa katsana ho sanamu yepacha na isalaṟa. Sanamu yo kaiwika kanyi ko Mika.

WACHILI 17:4 ပူးပေါင်းရင်းမြစ်များ

YESAYA 30:22

Nanyo nyi mochifanyitsa kipfinyiko kya sanamu tsanu tsa fesa, na mawala ha sanamu tsanu tsa sahabu tsi tsisalaṟe; nochitsikumba kuleshe cha kindo kifanyi ngafu; nochihamba, kure uwuke iya.

YESAYA 44:13

Mwaria mopacha mashidi nekehoṟotsa orusu; katarucha na kalamu ya mada; kaiṟeheṟa na kihia kepacha, kawada na shihia shilya sha uwaria woke, kawika ofano lo mndu, ofano lucha mnu, kundu lukae kanyi koke.

HABAKUKI 2:18

“Sanamu tsengusia nyi kiki tsaidima, ma ulya aleisungusia? Sanamu yesalaṟa, ii mlosha o wongo kiki yaidima manya ulya alesalaṟa itane awikaho kikusirio kyake na iwikapfo sanamu tsiladeda?

NGUMBUO YA MAWAWASO 27:15

‘Naseso mnducho oose ekesungusia sanamu yepacha ang'u yetsana na iihoṟotsa ko kiṟika, kindo kikisungusie na mawoko ha wuaria kisukiṟie Mndumii-Ruwa, Ruwa onu.’ Na wandu wose waidikie, ‘Ameni!’

WACHILI 17:3

Mika kawihiṟia mae oke fesa kiku kimu na ihana limu (1,100). Mae kahamba, “Kundu oseso lulya njilesesa lulakukoye le, fesa yo njechiidambika ko Mndumii-Ruwa kundu isungusie sanamu yepacha na yesalaṟa. Wulalu njikuwihiṟia fesa tsilya.”

WACHILI 17:5

Mndu cho Mika nawei handu hake heterewia. Kasungusia kisipau kya mkohanyi na sanamu, kiidima kahaluo mana oke umu nawe mkohanyi oke.

WACHILI 18:17

Wandu walya watanu walehenda iṟisa oruka wakaida na mba, wakaduo ruwa lilya lyesalaṟa na kikoti na sanamu ya wuindi. Mandi ho mkohanyi ulya nawehoṟoki mongonyi kimu na wandu walya mahana haṟandaṟu (600) wawode shisha. Kyasia, kekiwona wandu walya weṟisa,