WACHILI 17:3 - Bibilia Kui Mdedie fo Kimochi

³ Mika kawihiṟia mae oke fesa kiku kimu na ihana limu (1,100). Mae kahamba, “Kundu oseso lulya njilesesa lulakukoye le, fesa yo njechiidambika ko Mndumii-Ruwa kundu isungusie sanamu yepacha na yesalaṟa. Wulalu njikuwihiṟia fesa tsilya.”

WACHILI 17:3 ပူးပေါင်းရင်းမြစ်များ

2MBONYI TSA MAHERI 33:7

Na sanamu sa aleisungusia, naleiwika kulya hekalunyi handu sa Mndumii-Ruwa alededa na Dawidi na mana oke o Solomoni, kahamba, “Iya Yerusalemu, kiidi kya hekalu li, nyihondu ngasahuo njiindio mlungana kiidi kya shihongo shose sha oruka lu lo shishari ikumi na shiwi sha Israeli.

IWUKA 20:23

Mulasungusie maruwa hengi hamu na inyi; maruwa ha fesa, manya maruwa ha sahabu, mulakusungusie.

IWUKA 20:4

“Ulakusungusie ofano lo pacha, manya ofano lo kindo kyose kii huye ruwehu, manya kindo kii wanda orukenyi, manya kii mṟingenyi wanda ya oruka,

IWUKA 34:17

Kulasungusie maruwa hesalaṟa.

YESAYA 30:22

Nanyo nyi mochifanyitsa kipfinyiko kya sanamu tsanu tsa fesa, na mawala ha sanamu tsanu tsa sahabu tsi tsisalaṟe; nochitsikumba kuleshe cha kindo kifanyi ngafu; nochihamba, kure uwuke iya.

YESAYA 66:3

Ichu moshinja mbe na cha ichu awaha mndu; na ichu awuta kidaso kya ichondi nyi kimu na ichu afunja nzingo ya kite; na ichu awuta mwano foke nyi cha ichu awuta samu ya nguwe; na ichu mopfaamiṟa nyi cha ichu mowikia sanamu ona; ee, wasambuṟa njia tsawo wawenyi, na mbihu yawo ikachihiṟo nyi mawuto mawicho.

YEREMIA 10:8

Wose nyi masembo na matondo, mloshie ya maruwa ha wongo nyi ngafu.

WALEWI 19:4

Mulahalukie mfanano ya maruwa, manya mulakusungusie mfanano ya ruwa lyesalaṟa lya menya. Inyi nyio Ruwa Menyipfinya, Ruwa onu.

YOHANE 16:2

Wandu nyi wechimbuta siṟinyi yawo ipfo masinagoginyi hawo. Ee da, kushikye kiheri na orio mndu amuwaha nahambe ke nyi awuta ado kindo kichihianyi na Ruwa.

NGUMBUO YA MAWAWASO 12:3

Funjienyi kuleshe rasion tsawo na ifunja ngo tsawo. Rumatsenyi ko modo mfanano yawo na Ashera, manyamanya sanamu tsawo tsepacha, iangatsia kuleshe rina lyawo na handu hawo.

NGUMBUO YA MAWAWASO 27:15

‘Naseso mnducho oose ekesungusia sanamu yepacha ang'u yetsana na iihoṟotsa ko kiṟika, kindo kikisungusie na mawoko ha wuaria kisukiṟie Mndumii-Ruwa, Ruwa onu.’ Na wandu wose waidikie, ‘Ameni!’

WACHILI 17:13

Kiidima kahamba, “Wulalu njiichi ke Mndumii-Ruwa nechinjitarama kipfa njiwode manake chu Mlawi cha mkohanyi oko.”

WACHILI 17:2

Mfiri fumu kawia mae oke, “Shipeṟengu shilya sha fesa kiku kimu na ihana limu (1,100) uleiwio, na iyo kosesa ulya alekuiwia na inyi njilekuicho, nyi inyi njishiwode.” Nyi inyi njileshiduo. “Mae oke kahamba, “Mndumii-Ruwa nakuwikie ona mana oko.”

WACHILI 17:4

Mika kawihiṟia mae fesa iya, mae kawutaho fesa mahana hawi (200) kainenga mnganya o fesa katsana ho sanamu yepacha na isalaṟa. Sanamu yo kaiwika kanyi ko Mika.

WACHILI 18:30

Wandu wa oshari lo Dani wakahoṟotsa sanamu iya yepacha, na Yonathani, mana o Gershomu, mana o Mose, kawa mkohanyi owo. Wa oshari loke nawo da wawei wakohanyi wa oshari lo Dani mṟasa wenyi oruka lo wakadao osamiṟonyi.

WACHILI 18:5

Nawo wakambia, “Hoi keluwesie ko Mndumii-Ruwa kokoya luiṟimiṟa kiidi kya kyaṟo kyadu.”