WACHILI 17:10 - Bibilia Kui Mdedie fo Kimochi

¹⁰ Mika kambia, “Kaa kimu nainyi uwe cha wande na mkohanyi oko. Njechikutaa fesa (10) orio maka na maṟao na shindo shingi uhuṟi.”

WACHILI 17:10 ပူးပေါင်းရင်းမြစ်များ

MAWOOKIONYI 45:8

Kyasia chinyo mulenjidika kunupfo, shile nyi Ruwa; kanjiwika cha wande ko Farao, na mndumii kiidi kya mba yake yose, na mchili kunu orukenyi lose lo Misri.

2WAMANGI 13:14

Kyasia Elisha kaluo ndaṟe ilembaha, na Yehoashi mangi o Israeli kasoka namsengude, kafihiṟa oshangunyi loke kahamba, “Ndeako! Ndeako! Magari ha Israeli na wedo frasi wake!”

2WAMANGI 2:12

Nao Elisha kawona, kafihiṟa, “Ndeako, ndeako, igari lya Israeli na wedo frasi wake.” Alakimbonese piu. Kawada nguwo tsake amonyi karanduo njohawi tsiwi.

2WAMANGI 6:21

Mangi o Israeli kekiwona ado, kawia Elisha, “Hoi ndeako njiwawahe? Njiwawahe?”

YOBU 29:16

Njiwei ndee o wandu ko ahuṟi ngawekusaṟa wukiwa wo mndu ndamuichi.

YESAYA 22:21

na inyi njechimṟika maṟao hapfo, njimbanze na imnenga pfinya na okowa lopfo lo kitsi njimdambikie wuchili wopfo; nechiwa ndeye o wandu wa Yerusalemu na Yuda.

EZEKIELI 13:19

Mulewuṟa wuindi oshangunyi loko na lo wandu wako mukatewo nyi ohi lo Ngano na shipeṟengu shifunjo sha mkate. Mukawaha wandu walawewaṟi ipfa mochiwia wandu wako wongo nawo wakawemuindia.”

MATAYO 26:15

Kahamba, “Nyi kiki mokunda injiinenga na inyi njimueke imdambika konu?” Wakamteṟya-ho kiheo kya rupia makumi haṟaṟu.

YOHANE 12:6

Na kyemnenga kahamba ado chi kipfa ili echikusaṟa kya wakiwapfo, nyi ili ai mwiwi arie mfuko fulya na shilya shechidambiko kafoi kawa moṟoṟokwo-ho.

1TIMOTEO 6:10

Ipfo kundo, mawicho haṟukie hose nyi ipfo wukuwunyi wokuwa fesa. Kuweepfo waleiwingya wakawedekio-ho wuidiki wakawekutochio m mawawio hafoi.

1PETRO 5:2

Ngawatutuma, ke lisiṟenyi poo lilya lya Ruwa lii konu chi cha ili mui-waitike-pfo kya indi kui macha ha Ruwa, mulapfule-ho mbucha indi muliwade na kuimbeṟe.

WACHILI 17:11

Naaho Mlawi ulya kaida na mba kaidikia kakaapfo kawa cha umu o wana wa Mika.

WACHILI 17:9

Mika kambesa, “Nyiku uwukie?” Nao kamhaluo, “Inyi nyi Mlawi njiwukie mṟi fo Bethlehemu orukenyi lo Yuda. Njechikaa handu hose njechiwona mwanya cha Mlawi.”

WACHILI 18:4

Nao kahaluo, “Mika awodanyi na inyi nanjiinengie iṟunda na inyi ngaidikia iṟunda lyewa mkohanyi oke.”

1SAMWELI 2:36

Icho oose echitsuhaa kiidi kya wa mba yapfo nechihendia mkohanyicho, na imterewa pesa ang'u kipeṟengu kya mkate, na immbia, ‘Ngakuterewa kyekunjiwikie handu kuwode maanya fose fo wukohanyi, kundu kulako njechikuwonyiaho kipeṟengu kya mkate.’”