WACHILI 16:20 - Bibilia Kui Mdedie fo Kimochi

²⁰ Delila kawia Samsoni, “Samsoni! Wafilisti wacha ikusaṟikia!” Samsoni kakure madonyi kechikusaṟa nechikure nakukiṟe cha kuwooka. Ate alemanya ke Mndumii-Ruwa amemda pfo.

WACHILI 16:20 ပူးပေါင်းရင်းမြစ်များ

2MBONYI TSA MAHERI 15:2

nao kakure kahenda ioshana na mangi Asa, kambia, “Njiadanyia, ee mangi Asa na wandu wose wa Yuda na Benyamini! Mndumii-Ruwa, nakeri hamu nanyo, kokoya nyo mukeri hamu nao. Mukoshiha Ruwa, mochimbona, kyaindi mukamda nao nechimuda.

YESAYA 42:24

Nyiu aleduo Yakobo nawe mpfungo, alewika Israeli mawokonyi ha wasoki? Chi Mndumii? Ulya lulemdekio, kipfa lulaleosha njia tsake na mawawaso hake.

HOSEA 7:9

Ambuya wahenu nyi waleonga pfinya tsake, manya nalamanye; mhasa ikaichuo mdonyi foke, kyaindi o aichi pfo.

MAITALA 14:9

Na kokoya mulalekana na Mndumii-Ruwa, manya mulaowuo wandu wa orukalo. Kyamba wo nyi kindo kitutu tupu koduso; ikyo wawekusirie kilememarisa iwutoho, nao Mndumii-Ruwa nai naso; mulawaowuo!”

MATAYO 17:16

Na inyi ngamende na ko iwo wa kiloshionyi kyapfo nawo walaidime ma imchiṟa.”

MATAYO 17:20

Nao kawawia, “Nkipfa ili muwode mudo kiidikyo kyangu. Kifa nkya lohi ngambia, ‘Kokoya nyi muwode idikya ling'anyi cha mbeu ya haradali na mochiwia fumvu li, kure aa hando ukeri uhende alya. Nalyo na lyeteshuka. Naho ma kulekikaa-se ho kindo mlechiidima.’ [

2 WAKORINTO 3:5

Chi lui watechi wokusaṟa kindo cha ili kiwewukye kodufo, kya indi wutechi wodu wuparikye ko Ruwa.

NGUMBUO YA MAWAWASO 32:30

Mndu umu nechiidima ada iwinga wandu kiku angu wandu wawi wechiidima wada iwinga wandu shiku ikumi, shile na kokoya Mndumii-Ruwa owo awakumba. Mndumii-Ruwa owo alekana nawo?

YOSHUA 7:12

Kipfa kya ikyo Waisraeli wechiidima ilimbana na wakituwa wawopfo, nyi wakeri idicha wakituwa wawo kyamba wo nyi wawa wandu weariso. Koikyo njechikaase nawopfo, na itane monyamaṟa shindosho shikeri kiidi kyanu shiweshiwute ke shihende inyamaṟo.

WACHILI 16:14

Kiheri Samsoni awelee Delila kasuka mambo tsilya mfungade (7) tsa njui tsa Samsoni na mtandio katsipfungia ikidihu katsiwanza tse. Kiidima kawia Samsoni, “Samsoni! Wafilisti waicha ikusaṟikia.” Samsoni kakure kawuka madonyi kakuṟuo ikidi lilya karanduo mtandio fulya fo nguwo.

WACHILI 16:19

Delila kalembalemba Samsoni kalaa ndenyi tsake, kalaha mndu namwode mambo tsilya mfungade tsa njui. Kyasia, Delila kawooka ilisa Samsoni wukiwa kipfa wulalu pfinya tsake tsiwemembuka.

WACHILI 16:21

Wafilisti wakambada, wakamtocha meso, wakamduo Gaza, wakampfunga ko pingu tsa aṟeṟa, na imwitika naṟunde iṟunda lyesaa mso ipfo kipfungonyi.

WACHILI 16:3

Indi Samsoni kakaa kulya mṟinyi mṟasa kio madumbuo hawi. Kiheri kya kio makidi hawi kakure kawada shieko shiwi sha mongo, kashikuṟuo hamu na shiatso shafo kashiduo mṟasa kufui na Hebroni.

WACHILI 16:9

Delila nawewikie wandu wamlaaye kiṟihenyi kya kiidi. Kiidima kawia Samsoni kui ṟu ling'anyi, “Samsoni Wafilisti aiwo waicha ikusaṟikia.” Samsoni kadumbuo shiwoho shilya cha ndusu tsa kitani cha ili tsakuwasha na modo.

1SAMWELI 16:14

Lyefurumia mumuyo fo Mndumii-Ruwa fukawuka ko Sauli, na mṟufu mmbicho fuwuka ko Mndumii-Ruwa fukamlisa wukiwa.

1SAMWELI 18:10

Ilyi lya ngama mṟufu mmbicho fowuka ko Ruwa oweṟe fukapufukia Sauli, kawooka ideda sheeṟe cha mndu awodo nyi oṟuuṟe kulya kanyi koke. Dawidi nawekeri ikapa uda chandu aweichiwie mkonu yose. Sauli nawewode pfumu owokonyi loke;

1SAMWELI 18:12

Sauli naweowoye Dawidi kyamba Mndumii-Ruwa nawei handu hamu nao, kyaindi Mndumii-Ruwa nawelekanyi na Sauli.