WACHILI 15:14 - Bibilia Kui Mdedie fo Kimochi

¹⁴ Kekishika Lehi, Wafilisti wakacha wechidicha na ikapa kitohio. Peṟeseng'u mumuyo fo Mndumii-Ruwa fukasokia Samsoni na shiwoho shilya wawepfungie nasho Samsoni mawoko hake shikawa cha kitanyi kyaitso modonyi, na shilya shiwempfungie shikaoloka wanda.

WACHILI 15:14 ပူးပေါင်းရင်းမြစ်များ

YOBU 20:5

mnyamaṟi nechiwona nawinga ko meeke mwangu tupu, sia ya mndu alai sumhana na Ruwa nyi ya oweṟe

SHIIMBO SHA DAWIDI 118:11

Walenjitengetia, ee da, walenjitengetia; Kui rina lya Mndumii njilewaarisia kuleshe.

SHIIMBO SHA DAWIDI 18:34

Nekelosha mawoko hako mbonyi tsa shida, Mawoko hako hakalema wuda wo menya ya aṟeṟa.

IWUKA 14:3

Nao Farao nechideda kya mbonyi tsa wana wa Waisraeli, Waleṟumbaṟumba kulya-nuka ya msanga iya ilewaima walawukepfo.

IWUKA 14:5

Mangi ya Misri kawio ke wandu walya wamedicha; na mrima fo Farao, na mrima ya waṟundi wake ikahalutso ilawe cha ya wanduwo, nawo wakahamba, “Nki ki ikyo lowuta, lukalekia wana wa Waisraeli wahende walaluṟundiese?”

MIKA 7:8

Ulachihiyo kiheri kya kiwi kyako iyo mkituwa oko. Ngaomboka njechiidima ikurese; Ngakaa memenyi, Mndumii-Ruwa nyi ngela yako.

ZEKARIA 4:6

Kanjihaluo kechihamba, Ilyi nlyo idedo lya Mndumii ko Zerubabeli, lyechihamba chi kui wuidimi ma chi kui pfinya pfo, indi nyi kui Mumuyo foko, nyi wudo Mndumii menyi matorito ahamba.

WAFILIPI 4:3

Na iyo-se Sinzigo oko msalari, ngakuterewa na iyo uwaikanye nyiwo wawerianyi na inyi ikapanya ndumi ya sia ya okiio handu hamu na Klemensi na wakyando wako walya wengi wai-waṟehye marina hawo ipfo kitapunyi kya moo.

WACHILI 14:19

Naalyo mumuyo fo Mndumii-Ruwa fukachea Samsoni ko pfinya ing'anyi, kahenda mṟinyi fo Ashkeloni, kawaha wandu makumi haṟaṟu (30), numa kaduo maṟao ha mkonu mnene kainenga walya waledambuo oṟayo lulya. Kiidima kahenda ko wafee wake aichuo nyashi.

WACHILI 14:6

Oweṟe mumuyo fo Mndumii-Ruwa fukaanga Samsoni ko pfinya, karanduo mwiso fulya cha mndu airanduo kidahina kya mburu. Samsoni alewia wafee wake ikyo kilewutika pfo.

WACHILI 15:13

Nawo wakambia, “So lochikuwaha pfo, indi lochikupfunga na ikudambika mawokonyi hawo.” Kyasia wakampfunga na shiwoho shiwi shihya na imbuta ipfo opangenyi.

WACHILI 15:9

Wafilisti wakacha, wakawika kiṟaṟo kyawo orukenyi lo Yuda wakasaṟikia mṟi fo Lehi.

WACHILI 16:12

Kyasia, Delila kaduo shiwoho shihya kampfunga nasho. Kiidima kawia Samsoni ko ṟu lung'anyi, “Samsoni! Wafilisti wacha ikusaṟikia!” Mandi ho kuwewode wandu welaaya kiṟihenyi. Samsoni kadumbuo shiwoho sho cha orusu.

WACHILI 16:24

Wandu wekiwona Samsoni wakaṟumisha ruwa owo wechihamba, “Ruwa odu naluwikia mkituwa odu ichu awekenyamaṟa oruka lodu na iwaha wandu wadu.”

WACHILI 16:9

Delila nawewikie wandu wamlaaye kiṟihenyi kya kiidi. Kiidima kawia Samsoni kui ṟu ling'anyi, “Samsoni Wafilisti aiwo waicha ikusaṟikia.” Samsoni kadumbuo shiwoho shilya cha ndusu tsa kitani cha ili tsakuwasha na modo.

WACHILI 3:10

Kyasia, mumuyo fo Mndumii-Ruwa fukachea Othinieli, nao kawa mchili o Waisraeli. Othinieli kahenda shidenyi nao Mndumii-Ruwa kadambika Kushan-rishathaimu mangi o Mesopotamia mawokonyi hake.

WACHILI 5:30

“Kofia wakeri ishiha na ihawana shiwade shidenyi, mana o waka umu ang'u wawi ko orio mbahanyi; Nguwo ya sufu njiṟehe, na mshe iwi njichope kipfa kya nzingo yako!

1SAMWELI 10:10

Sauli na mṟundi oke wekishika Gibea (Fumvuhu) kaambio nyi mamiingi fo waikimbi. Mumuyo fo Ruwa fukamchea kui pfinya, Sauli kawooka ihamba kisuku handu hamu nawo.

1SAMWELI 10:6

Mumuyo fo Mndumii-Ruwa fochikusokia na pfinya, na iyo nochiwooka ihamba shisuku handu hamu nawo nohaluke nowe mndu ungi.

1SAMWELI 11:6

Oweṟe, Sauli kekiicho madedoho, mumuyo fo Mndumii-Ruwa fukamchea na pfinya, nyashi yake ing'anyi ikado.

1SAMWELI 17:35

inyi njekyeituma numa ngakapana nafo, ngaashuo ichoondilyo dumbunyi lya mwiso. Kokoya mwiso ang'u ngaṟe yanjipufukia, njekewada ngerero tsafo, ngafukumba wanda ngafuwaha.

1SAMWELI 4:5

Isanduku lya mma lya Mndumii-Ruwa lyekishitso kiṟaṟonyi Waisraeli wosewalefahia na sia, tane oruka loose lodihina.