WACHILI 13:20 - Bibilia Kui Mdedie fo Kimochi

²⁰ Kiheri nakyo Manoa na mka wechiambuya olewo lo modo lochido huye ruwehu wuka alya kitaṟenyi kedasia, wakawona malaika ulya ai kiidi kya olewo lulya kedo huye kahenda ruwehu. Nalyo Manoa na mka wakaarama wanda wakaadapfuma Ruwa.

WACHILI 13:20 ပူးပေါင်းရင်းမြစ်များ

MAWOOKIONYI 17:3

Abramu kaho wanda na kyamu; Ruwa kambia, kahamba.

2WAMANGI 2:11

Kikawa kiheri wawehendesana wechideda, ambuya: kukacha igari la modo na frasi tsa modo, likawaletsana wa wawi, nao Elia kado ruwehu na otanu lo kiwiriwiri.

1MBONYI TSA MAHERI 21:16

Kyasia, Dawidi kairia meso hake huye kawona Malaika ulya o Mndumii awode oshu lo mbeha kuwi aluleshie huya Yerusalemu. Dawidi na wasongoru wose wa Israeli, waṟee makunyia, wakaaramisha shamu shawo wanda.

1MBONYI TSA MAHERI 21:21

Kiheri na ikyo ikyo, Dawidi kaafukia handu halya hehuya Ngano. Arauna kahendia Dawidi kamwindia, koiaramitsa mdo foke wanda, oshangunyi loke.

1MBONYI TSA MAHERI 21:26

Nahong'u Dawidi kasungusia rasio na iwutia ho kidaso kechihiṟa Mndumii, na kidaso keterewa mboṟa. Kyasia, Dawidi katerewa Ruwa, na Ruwa kaambilia kiterewo kyake koiduma modo fukaaka alya rasionyi.

SHIIMBO SHA DAWIDI 47:5

Ruwa nado ruwehu kui ngululu tsa sia, Mndumii kui ṟu lya iranda.

EZEKIELI 1:26

Huye ya mwalonyi fulya huye ya mdo yawo kuwekeriho loṟika lulusungusie ko fana ncha. Huye ya loṟika lulya kuwedamieho umu awefananyi na mndu o wandu.

EZEKIELI 1:28

cha mkoṟi kiheri kya mvuo. Na wudo njilewona ofano lo kiṟumi na wuitoṟi wo Mndumii-Ruwa odu. Ngammbona njido ngakuhutsa wanda na kyamu kyako, ngaweicho ṟu lya mndu umu aweideda.

DANIELI 10:9

Kyaindi njileweicho ṟu lya madedo hake; na inyi kiheri njileicho ṟu lya madedo hake, ngawado mado hang'anyi, kyamu kyako kikaambuya wanda.

WALEWI 9:24

Nahong'u modo fukowoka alya oshangunyi lo Mndumii, fukarumatsa kidaso kilya kekoṟa, na mafuda halya hai rasionyi; wandu wose wekiwona modo fulya wakafunja kisangalale wakaho wanda na shamu.

MATAYO 17:6

na walya wa kiloshionyi wameicho wado wakaho wanda na kyamu wakaowuo mnu muowoe ingi.

WAEBRANIA 1:3

Nyio ngela ya wuitoṟi woke na otambahalukio lo orie loke akamadie shose kui dedo lya pfinya yake; ili alemaa iwikaho kidaso kyeoloṟa mondu fo manyamaṟo kakudamiṟa owokonyi lo kulyo lo mng'ano ipfo huye.

WACHILI 6:19

Gideoni kahenda kanyi koke, kashinja kidahina kya mburu na mkate ilantarang'ashe kawuta mso nungu nyi yewika mso; kawika nyama iya kikunjenyi na supu iya nungunyi, kiidima kaduo alya handu aleda malaika ulya kamnengia.

WACHILI 6:21

Malaika o Mndumii-Ruwa kalesha ndichi iya yake, kapaaya nyama na mkate. Peṟeseng'u, modo fukawuka kulya iṟaṟenyi fukarumatsa nyama iya na mkate fulya. Oweṟe malaika ulya o Mndumii-Ruwa nalakiwono-se.