WACHILI 13:12 - Bibilia Kui Mdedie fo Kimochi

¹² Kiidima Manoa kahamba, “Wulalu madedo hapfo ili hechihoya nyi mbonyi nyiki lochiosha kipfa kya mana - cho? Nyi iki lochiwuta kipfa kyake?”

WACHILI 13:12 ပူးပေါင်းရင်းမြစ်များ

MAWOOKIONYI 18:19

Ote, kyamba njimwichi ke nechiwawasa wana wake, na wa kanyi koke wechimwituma wawade njia ya Mndumii-Ruwa, wawute sha wusumhanyi, na wuhoṟotsu, kundu Mndumii-Ruwa nao naawutsie Abrahamu shiasa shake.”

SHIIMBO SHA DAWIDI 143:8

Kenjihaluo iicho wuoloru wopfo ngamenyi, kyamba njikuwedia Iyo. Nonjimanyishe njia njechihenda; Kyamba njikuiria mrima foko.

MFANANO 22:6

Toṟisha mana kiidi kya kilya ki mbaṟi, Nao echikihadimapfo manya kakuo

MFANANO 4:4

Nao kanjilosha, kanjiwia, mrima fopfo furinge madedo hako; Wada mawawaso hako nokie moo

WAEFESO 6:4

Nanyo mui wande mulapfulutsye wana wanu nyashi, indi muwaholotse kui wutoṟishi na wuikimbi wo Mndumii Kristo.

WACHILI 13:11

Manoa kaoshana na mka oke mṟasa alya ko mndu cho, kambesa “Ngesa nyi iyo kulededa na isuria chu?” Mndu ulya kamhaluo, “Nyi inyi.”

WACHILI 13:13

Malaika o Mndumii-Ruwa kawia Manoa, “Mka opfo nawaṟi nawade shose njilehamba: