WACHILI 11:39 - Bibilia Kui Mdedie fo Kimochi

³⁹ Komeidaho meri iwi kawuya na kanyi; kiidima ndeye kambutia kiṟinganyi na kyasa kilya kyake. Mana chu o waka nawei mkeha. Kyasia, wokia maheri ho kikawa nyi sungusihu yewuta kudo kiidi kya Israeli.

WACHILI 11:39 ပူးပေါင်းရင်းမြစ်များ

2MBONYI TSA MAHERI 35:25

Kyasia, mwikimbi Yeremia kasungusia kiimbo kya kilio kipfa kya opfu lo Yosia; nawo waimbi wose wa kisoṟo na wakika, wekesenda Yosia kiidi kya shilio shawo, mṟasa inu. Kikawa nyi mbuka yawo ya kilio kiidi kya Israeli. Ishi shishiṟehie kitapunyi kya Shilio.

YESAYA 66:3

Ichu moshinja mbe na cha ichu awaha mndu; na ichu awuta kidaso kya ichondi nyi kimu na ichu afunja nzingo ya kite; na ichu awuta mwano foke nyi cha ichu awuta samu ya nguwe; na ichu mopfaamiṟa nyi cha ichu mowikia sanamu ona; ee, wasambuṟa njia tsawo wawenyi, na mbihu yawo ikachihiṟo nyi mawuto mawicho.

NGUMBUO YA MAWAWASO 12:31

Mulaindie mudo Mndumii-Ruwa, Ruwa onu, cha kipfa orio kindo kipfulutsie Mndumii-Ruwa nyashi waleshihaluo maruwa hawo; tane wakoṟa wana wawo wa kika na wa kisoṟo modonyi, wechidasia maruwa hawo.

WACHILI 11:31

kyasia, icho oose echiwuka nja awuka kanyi koko icha injiambia njiwuka shidenyi ngamemaa iwinga Waamoni, icho nechiwa opfo iyo Mndumii-Ruwa. Icho njechimbuta nawe kidaso kemaya modonyi.”

WACHILI 11:38

Ndeye kamnenga momu nahende pfo ko meri iwi. Nao kahenda kimu na mbuya tsake, wakakapa kilio kya ipfa lyake alamwaalike.

WACHILI 11:40

Orio maka waka wa Israeli wekehenda ikapa kilio ko mkonu ina kya opfu lo mana o kika o Yeftha o Gileadi.

1SAMWELI 1:11

Kalya nyamu kechihamba, “Hoi Mndumii-Ruwa o matorito, ko koya aambuya matuuro hako inyi mṟundi apfo, konjisumba inyi mṟundi opfo, mana o kisoṟo, njechi kuinenga iyo Mndumii-Ruwa manacho nawe opfo kiidi kya moo foke fose; wembe wochioda njui tsa mdonyi foke ma indipfo.”

1SAMWELI 1:22

Kyaindi kambali Hana alahende, kipfa nalewia mii oke kye, Oweṟe mana kameda ionga, njechimduo nawiko oshangunyi lo Mndumii-Ruwa, nadeo pfo kiheri kyose.

1SAMWELI 1:24

Kiheri alemdumbutsia ionga nalemduo handu hamu na ipung'a Iya maaka Iṟaṟu, ikunyia lya mso na kitumo kya mpfinyo. Hana kaitsa manacho na mba ya Mndumii-Ruwa ipfo Shilo, nao mana nawei mnangu.

1SAMWELI 1:28

Kui kipfa kya ikyo, inyi ngainenga Mndumii-Ruwa manachu; kiheri kyose ai na moo ngainenga Mndumii-Ruwa. Nahong'u, wakaindia Mndumii-Ruwa.

1SAMWELI 2:18

Kiheri kyo, Samweli kaengeṟa iṟundia Mndumii-Ruwa, kyechiṟaa kizibau kya kitani.