WACHILI 11:3 - Bibilia Kui Mdedie fo Kimochi

³ Kyasia, Yeftha kadicha wanawamae kahenda ikukaya orukenyi lo Tobu. Wandu walawode wuṟango wakakusanza nao wakaoshana nao kiidi kya shaaṟo shake sha ngapano.

WACHILI 11:3 ပူးပေါင်းရင်းမြစ်များ

2SAMWELI 10:6

Waamoni waendeiwona ke wasuiṟa Dawidi, wakasanyia maasakari wa madende Waaramu wekapana shida shiku makumi hawi (20,000) iuka Bethrehobu na Soba, na waskari wa shida shiku ikumi na shiwi (12,000) iwuka Tobu, na mangi Maaka arianyi na waskari wake kiku kimu (1,000).

2SAMWELI 10:8

Waamoni walya wakacha ikusanyia na iringa alya kichuminyi keida na Raba mṟi fowo fung'anyi. Waaramu iwuka Soba na Rehobu na wandu wengi wawuka Tobu na Maaka wakakuumbia kulya patenyi.

MAWUTO HA WASU 17:5

Na Wayuda walya wakalang'aa mnu wakahuṟa wambafu maata weketsinda ipfo tumo wakasanza mamwingi fo wandu wakaamtsa kitohyo kulya mṟinyi wakaringitia mba ya Yason wechiwapfula-ho wahende iwaduo oshangunyi lo wandu wa mṟi.

WACHILI 11:2

Gileadi nawewode wana wengi se ko mka o walyi. Kiheri wana wo waleng'ana, wakafuna Yeftha nakure kulya kanyi, wakambia, “Iyo kikusumuhanyi uwone kyoṟa kunu ko wande odu pfo, kipfa iyo nyi mana o mka ungi.”

WACHILI 9:4

Wakamnenga kiheo kya rupia makumi mfungade (70) tsa fesa tsiwei mmbenyi ya Baal-berithi katsihaluo tsehuṟa wandu wa mtoolo na wandu wai masembo kundu wamwoshe.

1SAMWELI 22:2

Wandu wose wawewawingie ang'u wawewode masile ang'u walawei wachihie walehenda ikusanza na Dawidi. Itala lyawo liwe, cha wandu mahana haana, nao Dawidi kawa msongoru owo.

1SAMWELI 27:2

Ko ikyo, oweṟe lumu Dawidi na wandu wake mahana haṟandaṟu wakahenda ko Akishi mana o Moaki, mangi ya Gathi.